Kulki Kaikanka 11:25 - DAWAN BÎLA AISKA

²⁵ Bara Dawan kasbrika ra bal iwan, bara Moses wal aisin; bara Moses ra spiritka ba wina wiria saki brih, spiritka ba almuk nani 70 ba ra sin yan. Spirit ba nan witin nani ra diman ba ra, witin nani sin prapit nani aisi baku aisin; sakuna baha takan ba baku kli takras.

Kulki Kaikanka 11:25 ပူးပေါင်းရင်းမြစ်များ

2 King Nani 2:15

Bara prapit nani Jeriko ra kan nani ba, naha kaikan bara win: “¡Ilayas spiritka kata ba nanara Ilaidsa ra iwan!” Bara witin nani ai mapara balan, witin wal prawaia; bara witin nani ai mawanra bawan,

Nihimaya 9:20

Bara man spiritkam yamni pali sin blikram witin nani ra smalki kaia, bara ai pata manâ ba sin bîla wina sakras kapram, baha purkara lî sin yabi kapram ai diranka ba daski kaia dukiara.

Lawana Nani 99:7

Gâd bui witin nani ra aisin, kasbrika playka nani ba tila wina, bara baha lâka ba aiska daukan dîa lâ witin nani ra yan ba kat.

Impakan Sturka 32:32

Yang bui man ra puri sunisni, witin nani saura daukan ba ban swih tikma, sakuna witin nani pâtka ba ban swih tikras sma kaka, yang nini ulbram ba wauhkamtaya wina diki sâks.

Impakan Sturka 34:5

Bara kasbrika kum ra Dawan bal iwan, bahara Moses wal takaskan, bara Dawan ai nina ba mâkan.

Impakan Sturka 40:38

Israel luhpia nani yabal ra impaki kan ba piua sut ra, witin nani kaiki kan, Dawan kasbrikika ba kakna ra tint watla ba purara kan, tihmia ra pauta klauhi playka taki kan.

Aiseya 63:11

Witin nani ai kupia kraukan patitara yua nani kata ba, Moses piua ra kata ba bara ai uplika nani swaki sakan ba sin, bara witin nani makabi wali kan: “¿Moses sîp daknika sepadka ba, Nilo awala wina swaki sakan Gâdka ba anira sa? ¿Witin Moses ra ai spiritka holikira yaban ba anira sa?

Isikiel 8:11

Bara witin nani mawanra, Israel almukka nani 70 iwi kata; bara Safán lupia Jaazanías sin witin nani tilara bâra kata; kumi bani sîka mâka kîa painkira angkaia ai mihta ra bri kata; bara kiasma siksa pali uli wi kata.

Kulki Kaikanka 11:17

Yang bal iwamna bara bahara man wal aisamna, bara man spirit brisma ba wina wirâ brimna, baha witin nani ra sin yabamna bara witin nani sin hilp mai munbia upla nani karbanka ba twilkaia; baku lika man yakan kama apia.

Kulki Kaikanka 12:5

Bara kasbrika talia tilara Dawan bal iwan, bara tint watla ba ra takaskan; ningkara Eran bara Meri ra sin paiwan, bara witin nani wâlsut taki wan.

Kulki Kaikanka 16:25

Moses buan ba ra, Israel almukka nani mita sin, nina bliki ban wan Datán bara Abiram wal bâra kan ba kat.

Kulki Kaikanka 24:2

Bara Balaam kaikan, Israel luhpia nani ba ai watla mâkan ba ai kiamka nani 12 ba kulkan ba kat, bara Gâd spiritka witin purara balan.

Kulki Kaikanka 27:18

Bara Dawan bui Moses ra win: —Jasua Nun luhpia ba lika, spirit bri waitnika sa. Witin ba bris bara lal ra mihtam kahs.

Apastil Nani Sturka 11:28

Witin nani tila wina kumi nina Agabo, witin lika wan muihni nani lilapas kat buan, bara Spirit Holikira mita yan aisin, nahki plun tiwan tara kum tasba aiska purara balbia. Baha ba kasak pali takan Claudio wihta tara aimaki kan piua ra.

1 Korint 14:32

Gâd wina sturi nani brih aisi nani ba, ai spiritka nani ba yaka bawaia sa,

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

2 Pita 1:21

Kan prapit nani lika, aima kumi sin upla lâka kat ai kupia wina diara saki aisaras kan. Sakuna, witin nani lika upla nani kan, bara Spirit Holikira mita tâ bri kan ba mita, Gâd wina diara brih aisi kata.

Wihta Nani 3:10

Dawan spiritka ba Otoniel ra balan, bara Israel luhpia nani ba asla dauki, war aiklabaia taki wan; war aiklabaia wan ba ra, Dawan bui witin nani ra tâ baikan Cusán-risataim pura luan.

1 Samuil 10:10

Baha ningkara, Saúl ai albika wal Guibeá ra wan, bara prapit nani dakni kum spirit diman ai mapa ra aula kan witin wal prawaia. Bara Gâd spiritka ba Saúl ra sin diman bara witin sin baha nani baku tilara mahka dahra aisin.