Kulki Kaikanka 11:23 - DAWAN BÎLA AISKA

²³ Bara Dawan bui Moses ra pana aisin: —¿Dîa Dawan ba karnika âpu sa ki? Nanara kaikma yang bîli ba aimakisa sapa, apia kaka aimakras sapa.

Kulki Kaikanka 11:23 ပူးပေါင်းရင်းမြစ်များ

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

2 King Nani 4:43

Sakuna ai albika ba win: —¿Nahki naha lupia na upla nani 100 na ra yabamna? Sakuna Ilaidsa win: —Upla nani ra yas pibia, kan Dawan baku wisa pih banhbia, bara kau sin pura takbia.

2 King Nani 7:2

King hilpika ba bui prapit ra win: —Ban sakuna, Dawan kasbrika pura windarka nani ba kwâkbia sin, baku takbia apia man wiram ba baku. Sakuna Ilaidsa pana win: —Bamna man pali namkra ni kaikma ba ra, man baha wina sip pima apia.

Lawana Nani 78:41

Sakuna kli witin ra traika kaikan; ¡Israel holika ra sarka paskan!

Impakan Sturka 6:1

Bara Dawan pana witin ra win: —Nanara man kaikma king fero wal yang dîa daukamna ba, yang bui witin ra taibi munrika ai tasbaya wina upliki nani ba swika taki wabia; bara kau ni, witin mita uplika nani ba kangbi sâkbia.

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Aiseya 59:1

Dawan karnika ba, kau sirpi takras sa, swaki sakaia kat praiska baku, witin sin kiama prawra takras bara wan walras kaia prais kat sa.

Jirimaya 14:9

¿Dîa muni sirang ikan uplika kum baku sma ba, aiklaklabra kum ai walka ra hilp munaia sip apia ba baku sma ba? Sakuna, Dawan, man lika yang nani tili kat sma, upla sut tânka brisa yang nani lika man uplikam sna; ¡ban wan luki wan swipara!

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Jirimaya 32:27

“Yang sika Dawan, diara rayaka bri ba sut Gâdka. Yang maipara sip apia sna ba kumi sin âpu sa.

Isikiel 12:25

Kan yang, Dawan ba, aisaisna bara dîa aisamna ba bîli ba bal aimakbia; kau takaskan kabia apia. Man nani mita kaikma, mapara babura uplika nani; yang aisamni bara yabrika dîa aisamna ba kat aimakbia. Yang, Dawan ba, mai aisisna.”

Isikiel 24:14

Yang, Dawan, wîri bara naku kabia. Yang pali mita daukamna, bara daukras kira swimna apia; umpira kaikamna apia, kupi sin lakamna apia; klala maikamna daukankam saura ba tâwan. Yang, Dawan, kasak aisisna.’ ”

Daniel 6:20

Bara layan nani watla ba lamara auya kan ba ra, king ba sarikira wal ai bîla saki Daniel ra wini, win: —Daniel, Gâd rayakira dukia dadaukra sma ba, ¿baha Gâdka kasak tânka ra dukia daukisma ba, layan nani wina swaki mai sakan sa ki?

Miqueas 2:7

¿Dîa man nani lukisma, Israel luhpia nani ba lahtubanka munhtara sa? ¿Gâd na ai kupia alki takaskras takan ki? ¿Man nani lukisma ki, Gâd ban baku pali daukbia? ¿Upla yamni, diara wapni dauki ba dukiara, yamni aisisa apia?

Kulki Kaikanka 11:22

¿Ani wina witin nani sîp nani, bîp nani ailal aitani ikaia sip kabia? Apia kaka, kabu ra inska nani bâra ba sut asla dauki yabia sin, witin nani sut aitani pibia apia.

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Matiu 19:26

Jisas witin nani ra kaiki si, win: —Upla nani naha na daukaia sip apia sa, sakuna Gâd lika diara sut daukaia sip sa.

Matiu 24:35

Kasbrika tasba wal lui wabia, sakuna bîli nani lika aimakan kabia.

Luk 1:37

Gâd mapara sip apia dukia âpu sa.