Kulki Kaikanka 11:20 - DAWAN BÎLA AISKA

²⁰ Sakuna kati kum pi kabia wis, kakma unta bâk takbia, ban ai âuya warbia ba kat. Kan man nani sika Dawan ba bahki kulkram bara witin mawan ra ini wiram: ‘¿Dîa muni Idsip wina wan sakan?’

Kulki Kaikanka 11:20 ပူးပေါင်းရင်းမြစ်များ

2 Samuil 12:10

Baku man bui bahki ai kulkram bamna, Urías hitita maya ba, man mayam briram bamna, man wamtla wina lâ krikanka ba taki wabia apia ban kaia ra.

Lawana Nani 106:15

Bara Gâd bui dîa makaban ba dauki yaban sakuna pruaia sikniska kum witin nani ra blikan.

Impakan Sturka 16:13

Baha yua tutni ra, tnawira nani pusal sâtka nani ailal bal, ai latka nani ba prak prawan. Bara titan mani ra, diwas laya mukuska witin nani ai kaina kîr bri kan.

Impakan Sturka 16:3

Upla nani ba witin nani ra win: —¡Dawan ba Idsip tasbaya ra iki wan tikan kata kanra yamni kan! Bahara yang nani wîna piakan dakawa lamara iwi pi kapri, wan biara banhki takan ba kat. Sakuna man nani naha upla iwras tasbaya kat, sanglang ni wan iki âpu wan daukaia wan bri balram.

Impakan Sturka 16:8

Moses sin ban kau pura praki aisin: —Tutni ra Dawan bui man nani ra wîna piaia maikbia, bara titan ra sin plun wala ailal piaia maikbia, man nani bui witin ai mapara rangbi aisaram ba witin walan bamna. ¿Man nani aisaram dîa muni yang nani na ya? Man nani lika yang nani maipara rangbi aisaras kapram, sakuna Dawan mapara aisaram.

Sins Lâka 27:7

Biara banhwan uplika ba nasma damnira ba sin want apia wisa, kuna plun dauki uplika ba, diara tahpla ba sut damni kaikisa.

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Kulki Kaikanka 11:13

¿Ani wina yang wîna sakamna naha uplika nani ra yaia? Yang ra ini ai wisa: ‘Wîna piaia aik.’

Kulki Kaikanka 11:19

Yu kumi, yu wâl, yu matsip, apia kaka yu matawalsip, yu yawanaiska baman lika pima apia.

Kulki Kaikanka 11:21

Bamna Moses pana win: —Upla nani ba 600,000 yang wal wapi balan, bara man wisma wîna aitani aikaisma, yang nani kati kum pih banhwi kaia dukiara.

Kulki Kaikanka 14:3

¿Dîa muni Dawan naha tasbaya ra wan brih balan? ¿Yawan aiklabi prubia bara wan maya nani, wan luhpia nani sut sin silak ra kauhaia? ¡Kau yamni sa, yang nani kli Idsip ra tawi waia!”

Kulki Kaikanka 14:4

Bara kumi bani pana pana tawi aisi banhwi kan: “¡Kaisa, yawan wan tâ uplika wala kum briaia bara Idsip ra kli tawi wap!”

Kulki Kaikanka 16:13

¿Aitani apia sa ki, tasba kum tialka laya nasma wal lî laiwi baku sakram ba bara nanara upla iwras tasbaya ra wan ikaia daukisma, baha purkara man nani wan tâ uplika aimakaisma?

Kulki Kaikanka 20:4

¿Man nani dîa muni Dawan uplika nani ba naha upla iwras tasbaya ra bri balram ki? ¿Dîa man nani brin mai daukisa yang nani bîpki nani sin sut prui tiwbia?

Kulki Kaikanka 21:5

bara witin nani mahka Gâd bara Moses mapara rangbi aisi banhwan, bara win: —¿Man nani dîa muni Idsip wina wan sakram ki? ¿Naha upla iwras tasbaya ra pruaia dukiara? Nâra yang nani lî âpu, plun sin âpu. ¡Yang nani nâra plun saura pin baman swapi banhri!

Apastil Nani Sturka 13:41

‘Man nani, lawaska kakikra nani sma ba, kaiks, tâ iwan taki si mahka prui banhs; man nani yuam ra baha sât dukia nani daukamna ba sip kasak luki banhma apia, upla kasak mita mai smalkbia sin.’ ”

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.

Jasua 24:27

Bara upla sut ra win: —Naha walpaya na wan witniska kabia, Dawan diara sut wan mata daukan ba dukiara witnis kabia. Man nani mampara witnis kum kabia, Gâdkam wal kuninkira nani kama apia dukiara.

1 Samuil 10:19

Sakuna nanara man nani Gâdkam lulki swisma, sarkam lâka trabilkam nani sut wina witin pri mai sakan, sakuna nanara man nani wisma: ‘King kum mangki aik, yang nani purira aimakbia.’ Bamna nanara Dawan mawanra bal upla kiamka nani sut, taika kumi bani kiamka nani sin.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.