Kulki Kaikanka 11:16 - DAWAN BÎLA AISKA

¹⁶ Sakuna Dawan pana Moses ra win: —Israel luhpia nani tila wina 70 waitna almuk nani paiws balbia, man kaikisma tawan uplika nani mita kulki, bîla wali nani ba, bara asla takaia tintka watla dimaika ra brih bal, bara bahara man aikuki bîli kaiki banhwi bas.

Kulki Kaikanka 11:16 ပူးပေါင်းရင်းမြစ်များ

Blasi Sturka 46:27

Josep luhpia waitna nani ba wâl kan, baha nani Idsip ra kan ba piua ra baikan ba. Bamna baha nani sut ba ra lika 70 upla nani Jekob kiamka wina Idsip ra wan.

Impakan Sturka 18:25

Israel luhpia nani tila wina waitna nani kau sip nani ba bâk kulki sakan, bara witin nani ra karnika yaban, upla daknika nani purara lâ daukaia. Kumi ra upla 1,000 nani yan, wala ra upla 100 nani, wala ra upla 50 nani yan bara wala ra upla nani matawalsip yan lâka daukaia.

Impakan Sturka 24:1

Dawan bui Moses ra win: —Eran, Nadab bara Abihú, man nani aikuki Israel luhpia nani 70 sin nâra sna pliska na kat bal uls. Sakuna itwi baku ra takasks, bara sut lulam kriks baha kat.

Impakan Sturka 24:9

Moses ba Eran, Nadab, Abihú bara Israel almukka nani 70 aikuki il ra uli wan.

Impakan Sturka 4:29

Baha ningkara, witin wal wan bara Israel tâ uplika nani sut asla paiwan.

Jirimaya 19:1

Dawan bui ai win: “Was bara lî watla kum slaubla ni paskan ba atks, bara tila tawan uplika almuk nani ba, prîs almuk nani ba sin paiws.

Isikiel 8:11

Bara witin nani mawanra, Israel almukka nani 70 iwi kata; bara Safán lupia Jaazanías sin witin nani tilara bâra kata; kumi bani sîka mâka kîa painkira angkaia ai mihta ra bri kata; bara kiasma siksa pali uli wi kata.

Kulki Kaikanka 11:24

Bara Moses taki wih, upla nani ra maisa pakan Dawan bui witin ra win ba. Bara upla nani ba tila wina, waitna almuk nani 70 asla daukan, bara yan buan tint watla ba tnaya kir.

Kulki Kaikanka 16:25

Moses buan ba ra, Israel almukka nani mita sin, nina bliki ban wan Datán bara Abiram wal bâra kan ba kat.

Luk 10:1

Naha diara ningkara, Dawan lika kau upla 72 bâk saki brin, bara baha nani ba wâl wâl ra saki ai kainara blikan, tawan nani bara plis bani ra witin waia kan ba sut ra.

Luk 10:17

Baha piua ra 72 ba liliakira kli tawi balan bara naku win: —Dawan, pirit saura nani ba sin wan walan, man ninam mâki aisi banhri ba ra.

Kli Smalkanka 1:15

“Bamna man nani kiamkam tila wina waitna kau sinskira nani ba, bara pat wark dauki tânka bri nani sakram ba, yang bui witin nani ra karnika yabri, man nani puramra tâmra kaia. Tila nani ba, upla 1,000 tâ briaia yabri, wala nani 100 upla tâ briaia, wala ra 50 upla tâura kaia, bara wala nani ba upla matawalsip tâ briaia, baku sin kau wala nani ba kiamka 12 nani ra tâ briaia mangkri.

Kli Smalkanka 16:18

“Kiamka bani dukiara Dawan Gâdkam bui tawan nani maikan ba ra, wihta nani mangks, kasak rait pali tawan lâka daukaia dukiara.

Kli Smalkanka 31:28

Almuk nani ba bara kiamkam wihtka nani sin nâra bri bal; bara yang bui witin nani ra aisamni baha dukiara, bara kasbrika purara ba, tasba sin witin nani ai mapara witnis baku swimni.