Kulki Kaikanka 11:13 - DAWAN BÎLA AISKA

¹³ ¿Ani wina yang wîna sakamna naha uplika nani ra yaia? Yang ra ini ai wisa: ‘Wîna piaia aik.’

Kulki Kaikanka 11:13 ပူးပေါင်းရင်းမြစ်များ

2 King Nani 4:43

Sakuna ai albika ba win: —¿Nahki naha lupia na upla nani 100 na ra yabamna? Sakuna Ilaidsa win: —Upla nani ra yas pibia, kan Dawan baku wisa pih banhbia, bara kau sin pura takbia.

2 King Nani 7:2

King hilpika ba bui prapit ra win: —Ban sakuna, Dawan kasbrika pura windarka nani ba kwâkbia sin, baku takbia apia man wiram ba baku. Sakuna Ilaidsa pana win: —Bamna man pali namkra ni kaikma ba ra, man baha wina sip pima apia.

Kulki Kaikanka 11:20

Sakuna kati kum pi kabia wis, kakma unta bâk takbia, ban ai âuya warbia ba kat. Kan man nani sika Dawan ba bahki kulkram bara witin mawan ra ini wiram: ‘¿Dîa muni Idsip wina wan sakan?’

Kulki Kaikanka 11:21

Bamna Moses pana win: —Upla nani ba 600,000 yang wal wapi balan, bara man wisma wîna aitani aikaisma, yang nani kati kum pih banhwi kaia dukiara.

Kulki Kaikanka 11:22

¿Ani wina witin nani sîp nani, bîp nani ailal aitani ikaia sip kabia? Apia kaka, kabu ra inska nani bâra ba sut asla dauki yabia sin, witin nani sut aitani pibia apia.

Matiu 15:33

Ai disaipilka nani mita pana win: —Naha pliska ra upla kumi sin iwras, ¿bara yawan nahki plun ailal sâkbia ki witin nani ra dakakaia?

Mark 8:4

Ai disaipilka nani pana witin ra win: —¿Bara ani wina plun dakakbia ki, naha pliska ra upla kum sin iwras sa bamna?

Mark 9:23

Jisas bila: —Sip sna, man kasak lukisma kaka. ¡Kasak luki ba mapa ra, diara sut ba sip sa!