Kulki Kaikanka 11:1 - DAWAN BÎLA AISKA

¹ Yu kum Israel luhpia nani ba Dawan mapara brukwi aisi kan, witin nani pât wahwi ba tâwan. Baha Dawan walan ba ra ai kupia sauhkan, bamna Dawan pauta klauhan ba witin nani purara blikan kauhan, bara watla nani ba angki âpu daukan.

Kulki Kaikanka 11:1 ပူးပေါင်းရင်းမြစ်များ

Blasi Sturka 38:10

Onán baha dauki kan ba dukiara, Dawan ba kasak ai kupia sauhkan, bamna Onán rayaka ba sin klakan.

2 Samuil 11:27

sakuna witin ai sarka ba luan ba ra, Debit upla blikan mairka ba mata, bara witin king ai watla ra brin ai maya, bara witin luhpia kum baikan. Sakuna Debit daukan ba, Dawan bui yamni kaikras kan.

2 King Nani 1:12

Bara Ilayas pana aisi, win: —Yang na prapit sna kaka, kasbrika purara pali ba wina pauta klauhan bal kauhbia, bara aiklaklabrikam 50 nani ba aikuki ami âpu tiwma. Bara pauta klauhan ba kasbrika pura pali wina balan, bara witin ai aiklaklabrika 50 sut aikuki angki âpu daukan.

Job 1:16

Waitna ba dahra kau aisi danh takras kan, waitna wala kum wan bara Job ra naku win: —Imyula kum pura wina kauhan ba ra, sîp main kaiki nani ra bara sîp nani ba sin sut ikan. Yang baman baha tila wina swak taki aulna, sturka ba maisam pakaia.

Lawana Nani 106:18

¡Bara pauta klauhan witin nani sut mapara blikan! ¡Saura dadaukra nani ba sut angki tikan!

Lawana Nani 78:21

Bahamna, Dawan naha wali ai kupia sauhkan; ¡ai kupia baikanka ba pauta klauhan baku kata, Jekob mapara aman kata!

Lawana Nani 78:63

Tukta waitna nani ba pauta ami pruan; ¡marit takaia tiarika nani ra, lawana aiwani yabras kan!

Impakan Sturka 16:7

bara titan ingbia ra Dawan prana ba man nani kaikma, Dawan mapara man nani rangbi aisaram ba witin walan bamna. ¿Yang nani na ya, bara man nani bui yang nani maipara rangbi aisaia?

Impakan Sturka 16:9

Bara Moses bui Eran ra win: —Israel luhpia nani ra wis, witin nani sut Dawan mawanra balbia, witin nani rangbi aisin ba Dawan walan bamna.

Aiseya 10:17

Gâd Holikira, Israel ingnika ba, pauta klauhan takbia, bara yu kumi bilara kuntrika ra rahra nani ba sut angki âpu daukbia.

Aiseya 30:33

Kan piua wihka wina pat pliskam ridi daukan sa, Asiria kingka ba ai uplika nani dukiara sin, pliska ba tara pakni pali sa, upla angki ikaika pauta manis kir mukan klauhisa. Dawan wingka puhbra ba mita, pauta buki klauhbia sulpa lî aubi baku.

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Inanka Nani 3:39

Upla ba saura dadaukra kum sa, ¿bamna dîa dukiara brukwi aisisa?

Libait Lâka 10:2

Bara pauta klauhan Gâd wina blikan, witin nani aiska aman. Bara baku witin nani prui banhwan, Gâd kaiki ba ra.

Nahum 1:5

Il tara ba, Dawan mawanra tatatwisa; il sirpi nani ai kainara ba sin mahka slilwisa. Witin ra kaikuya ba ra tasba aiska ba tatatwisa, tasba aiska bara bilara diara nani bâra ba sin.

Abakuk 3:5

Siknis saura nani ba witin ai kainara blikisa, bara baha nani prura ba brih aula.

Kulki Kaikanka 10:33

Witin nani baku Dawan ilka ba wina mahka yabal ra impakan yu yumhpa. Bara Dawan lâka auhban watla ba witin nani ai tâura bri impakan, anira takaskaia pliki banhwi kan ba kat.

Kulki Kaikanka 11:18

Sakuna man upla nani ra wima: Yauhka yua ba sunu taki banhs, bara wîna pih banhma. Kan witin nani aisi ini kan ba yang, walri bamna: ‘¿Ya wîna piaia wankbia? Kasak pali yawan Idsip ra kau yamni kata.’ Aitani aisisa bamna, yang bui man nani ra wîna maikamna bara pih banhma.

Kulki Kaikanka 12:2

Baha purkara sin aisi banhwan: “Dawan lika Moses ra baman aisaras, sakuna yang nani wal sin aisin.” Bara Dawan baha walan.

Kulki Kaikanka 14:2

Witin nani sut Moses bara Eran wal mapara brukwi saura aisi banhwan. Witin nani aisi kata: “¡Yawan Idsip tasbaya ra pruan kaka kanra yamni kaia kan, apia kaka nâra upla iwras tasbaya ra yawan pruaia!

Kulki Kaikanka 14:22

Baha nani sut Idsip ra praina kaikan ba, naha upla iwras tasbaya ra sin sain nani daukri kaikan. Pat aima ailal traiki kaikan bara bîli ba sip wali banhras sa,

Kulki Kaikanka 14:27

—¿Ahkia kat yang naha Israel uplika watawikira nani maipara brukwi aisi ba mapara, kupi alki takaski wali kamna ki? Witin nani maipara saura aisi ba aitani pat walri sa.

Kulki Kaikanka 14:28

Bamna man wih wis, yang mai wisna na: ‘Yang, Dawan swer taki mai wisna, baku sika daukamna man nani wal.

Kulki Kaikanka 16:11

Eran ba ya wisi witin mapara saura aisisma ba, kasak pali sa man wihki uplikam nani aikuki Dawan mapara si brisma.

Kulki Kaikanka 16:35

Baha purkara Dawan pauta klauhan blikan bara 250 upla kan ba sin angki ikan.

Kulki Kaikanka 17:5

Bâk wahbi sakri waitnika kînka ba, yarka pâwbia, bara baha kaiki Israel luhpia nani kli maiwanra man nani dukiamra saura aisabia apia.”

Kulki Kaikanka 21:5

bara witin nani mahka Gâd bara Moses mapara rangbi aisi banhwan, bara win: —¿Man nani dîa muni Idsip wina wan sakram ki? ¿Naha upla iwras tasbaya ra pruaia dukiara? Nâra yang nani lî âpu, plun sin âpu. ¡Yang nani nâra plun saura pin baman swapi banhri!

1 Korint 10:10

Gâd mapara sin brukpara, wan damika tila nani brukwan ba baku, bara Prura Insalka ba mita baha nani iki tikan ba.

Kli Smalkanka 25:18

Kupiam krawisa Gâd sibrinka sin âpu, man nani yabal ra wapi swapi tayat takram kan, puramra bal rau mai sauhkan ba. Bara swapni takan nani kan ba nina saitku bal, rausauhkan bara ninara ban takaskan.

Kli Smalkanka 32:22

Yang kupi baiwanka ba pauta baku sa, tasba kau munhta kat sin yang kupi baiwanka ba wabia; tasba bara ai mâ nani saki ba sut ami lubia, unta pâwi takaskan ba kat pauta ami wabia.

Kli Smalkanka 9:22

“Taberá ra, Masá ra bara Quibrot-hataavá ra sin man nani bui Dawan traika kaiki kupia sauhki banhram.

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.