Kulki Kaikanka 10:9 - DAWAN BÎLA AISKA

⁹ “Tasbayam ra waihla nani mita mai warbia, bara war aiklabaia mampara taki balbia kaka, trumpit nani ba karna pali puhma, bara yang Dawan Gâdkam bal, man nani tâmwan aimakaia kupi kraukbia, bara waihla nani mihta wina swaki mai sakamna.

Kulki Kaikanka 10:9 ပူးပေါင်းရင်းမြစ်များ

Blasi Sturka 8:1

Bara Gâd kupia krawan, Noa bara daiwan wail nani, tim nani sut kira, ark watla ra bâra kan ba. Bara witin yan pâsa krawan tasba purara, bara baku lî nani ba mahka rahwi iwan.

2 Kronikas 13:12

Damra wali banhwi bas, kan yang nani kainira Dawan ai prîska nani aikuki bâra sa, bara ridi banhwisa war trumpit ba puhbaia man nani mampara. Baha mita, Israel luhpia nani, Dawan mapara war bukpara, kan almukkam nani Gâdka sa, bara man nani sip pura luma apia.”

2 Kronikas 13:14

Juda uplika nani ai ninara tawi kaikan, bara ai dahra walan witin nani ra nahki aiklabi kan ba ai nina wina bara ai mawan wina, bara witin nani Dawan ra winan, bara prîs nani sin trumpit ba puhban.

Lawana Nani 106:4

Dawan, yang ra kau ban luki bas, man uplikam nani ra yamni munisma bara; yamni ai muns swaki sakaia balma ba ra.

Lawana Nani 106:42

witin nani ra waihla nani ba bui ai mina ra taibi brin, bara baha nani karnika mununhtara bawan.

Lawana Nani 136:23

Witin sika, ai kupia krauki ba yawan dring prui ba ra, ai latwanka lâka ba ban kaia ra ban sa bamna.

Aiseya 18:3

Man nani sut, tasba aiska ra iwisma ba, tasbayam ra iwisma ba sin. Il nani purara sain nani bukbia ba ra, man nani kaikma, trumpit puhbia ba ra, man nani walma.

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Jirimaya 4:21

¿Ahkia kat kau ban plakin paman ba kaiki kamna, trumpit binka ba sin ban wali kamna?

Jirimaya 4:5

“Jerusalem bara Juda ra naha na wis, baha nani kuntrika aiska ra trumpit puhbi maisa paks, karna pali wini wis: ‘¡Kaisa yawan! ¡Asla takaia waia! ¡Baha tawanka kutbanka karna nani ba ra!’

Jirimaya 49:2

“Bamna baha aitani, yang, Dawan ba, kasak aisisni: Baha yua balbia ba ra yang daukamna Rabá Amón uplika nani tawanka ba war aiklabi winanka ba walaia; slingwan nani paskanka tara kum takbia, upla nani ba pauta buki klahkla ra ambia. Bara Israel luhpia nani bal ai tawanka nani kli bribia. Yang, Dawan, kasak aisisna.

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.

Jirimaya 6:17

Dawan mita tawan ra aihwawakra nani ba swin, bara upla nani ra win: “Winanka daukuya binka ba man nani wals.” Sakuna upla nani ba win: “Apia, yang nani baha daukamna apia.”

Isikiel 7:14

“Trumpit puhbisa war ra waia paiwi; upla sut ba ridi takaia sa, sakuna upla kumi sin takras aiklabaia waia. Klala yabaisna kupi baiwanka wal Israel prautka lâka ba.

Oseas 5:8

¡War aiklabaia puhbaika aringka ba, Guibeá ra puhbi banhs, bara Ramá ra trumpit ba puhs! ¡Bet-avén ra bin tara dauks! ¡Benjamín ra bin tanis pali dauks!

Libait Lâka 23:24

“Israel luhpia nani ra naku wis: Kati 7 yua pas ba ris yua liliaka daukma, trumpit nani puhbi aidrubi balma.

Emus 3:6

War aiklabaia trumpit ba tawan bilara puhbia kaka, upla nani ba tâ iwi sirang man sa. Tawan ra diara saura kum taki ba ra, baha ba Dawan mita blikan sa sika.

Sofonías 1:16

Trumpit puhbi karna winaia yua kabia, tawan tara karna nani mâkan ba ra, tawer purara paskan ba mapara sin.

Kulki Kaikanka 31:6

Bara Moses bal baha uplika nani ba war ra blikan, prîs Eleazar luhpia Finees sin tâura wabia win. Finees sika Dawan watla wina kâp bara trumpit nani sin brin, waihla nani ra aiklabi pura luaia ba dukiara.

1 Korint 14:8

Bara war aiklabuya ba ra, sim trumpit binka ba latan kangbras sa kaka, suldiar kumi sin aiklabaia ridi takbia apia.

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Jasua 6:5

Man nani wali kama trumpit puhbi binka ba bin sât aihka kum puhbia, bara upla sut sin ai karnika aiska ni karna ai pura winbia, bara man nani kaikma tawan kutbanka ba sasakwi kauhbia. Bâra mika man nani aihni plapi tawan ra dimma.”

Wihta Nani 10:12

Sidón uplika nani, Amalec uplika nani bara Madián uplika nani sut ba man nani ra mai taibi mai bri kan; sakuna man nani bui yang ra karna winram ba ra, baha mihta wina pri mai sakri.

Wihta Nani 10:8

Dawan mita witin nani ra swin ba piua wina, 18 mani filisteo nani bara Amón uplika nani ba bui Israel luhpia nani ba taiban lâka ra saura pali rausauhki kan Galaad ra, Jordan awala baila wala ra iwi kan uplika nani ba, amorreo nani tasbaya ra.

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.

Wihta Nani 3:27

Witin ba Israel luhpia nani tasbaya ra wih diman ba ra, Efraín ilka nani ra uli wih trumpit puhban Israel luhpia nani ba paiwaia, bara witin nani sut il ba wina bal iwan, Ehud witin nani tâura aimaki.

Wihta Nani 6:34

Sakuna Dawan spiritka ba Gedeón ra aiska diman, bara witin sîp aringka kum brih puhban, Abiézer masraka nani sut bal asla takbia dukiara;

Wihta Nani 6:9

Idsip wina baman yang bui man nani ba pri mai sakras kapri, sakuna baha nani sut man nani ra mai taibi kan nani ba mihta wina sin. Baha nani man nani mamwan wina kangbi sakri bara tasbaya nani ba man nani ra maikri.

1 Samuil 10:18

bahara witin nani ra win: —Dawan, Israel Gâdka ba, naku wisa: ‘Man nani Israel luhpia nani, yang bui Idsip uplika nani karnika wina mai dakbi pri mai sakri, king tasbaya wala nani sin mai taibi kan ba karnika ba wina sin mai dakbi mai sakri.’