Kulki Kaikanka 10:35 - DAWAN BÎLA AISKA

³⁵ Lâ watla ba mahka twilki impakuya ba ra, Moses naku aisi kan: “¡Dawanki, mahka bus! ¡Waihlam nani ba muns plapi yakabrira tawbia! ¡Kang mai kaiki, misbara mai kaiki nani ba plapi banhbia!’’

Kulki Kaikanka 10:35 ပူးပေါင်းရင်းမြစ်များ

Lawana Nani 132:8

Buram, Dawan, lâ auhbaia watla karnakira ba wal, bara bal il ra man bahara ris briaisma ba.

Lawana Nani 3:8

Dawan, man sika swaki sakisma ba; bamna yamnikam, uplikam nani ra yas.

Lawana Nani 9:19

Dawan, bus; praut nani ba swirka puram lubiara; ¡idan nani mamwanra ba lâka aisi dauks!

Lawana Nani 94:16

¿Ya bui tâi baikaia kan, baha watawikira, bara saura dadaukra nani mihta wina?

Aiseya 51:9

¡Rawi bus! ¡Rawi bus! Dawan klahkla, man karnikam prâka ba dims; rawi bus piua luan ra daukram ba baku, piua wihka luan ra baha daukram ba; Rehob ra klakatma ba, bara dragun kabu ra ba.

Kli Smalkanka 32:41

yang sordki glas baku lipi ba mala daukamni bâra kasakka lâka daukaia ba tâ krikbia, waihli nani ra pana munamni. Misbara ai kaiki nani ra ai mana aibapi yabamni.

Kli Smalkanka 7:10

sakuna witin ra misbara kaiki nani ra sauhki tikisa, pitka kat mana aitani yabisa. ¡Takaskras pitka kat yabisa witin ra misbara kaiki nani ra!

1 Samuil 4:3

Aiklaklabra nani ba plapi kli kiamp ra balan ba ra, Israel almukka nani ba bila win: “¿Naiwa na dîa kan Dawan ba lulki wan swin, bara filisteo nani bui rau wan sauhki na? ¡Kaisa Siló ra waia Dawan lâ auhban ba bri balaia, baku Dawan wan tilara wabia bara wan waihla nani mihta wina swaki wan sâkbia!”