Kulki Kaikanka 10:12 - DAWAN BÎLA AISKA

¹² Bara Israel luhpia nani ba Sainai wina upla iwras tasbaya ra mahka impakan, bara kasbrika ba Parán langnika kat takaskan.

Kulki Kaikanka 10:12 ပူးပေါင်းရင်းမြစ်များ

Blasi Sturka 14:6

Baku sin Hor uplika nani Seír ilka ra kan nani ra sin, wal aiklabi pura luan bara nina bliki plis kum El-parán upla iwras tasbaya lama kat wan.

1 King Nani 11:18

Bamna Madián wina taki banhwan, bara Parán ra balan; bara witin mani wal Parán waitnika nani sin brih, Idsip kingka fero ra balan, witin nani ra utla yan bara plun sin, baha purkara tasba sin yan.

Impakan Sturka 13:20

Bara witin nani Sucot wina mahka impakan, Etam kat wih ai tintka watla nani bapan. Baha wina mahka tasba lâwan yabalka ra aimakan.

Abakuk 3:3

Gâd Edom tasbaya ba wina taki aula, Parán ilka nani wina Dawan holikira ba aula, witin ai prana ingnika ba mita kasbrika mawan ba banhwisa, tasba aiska ba sin witin mayunra ni aibanhwan.

Kulki Kaikanka 1:1

Israel luhpia nani Idsip wina takan pat mani wâl aimakaia lamara kan, baha manka ra kati wâl aimakan yua pas ba, Dawan bui Moses ra aisin Sainai upla iwras tasbaya ra, Dawan wal aisaia tintka watla ra, bara Gâd bui witin ra win:

Kulki Kaikanka 10:33

Witin nani baku Dawan ilka ba wina mahka yabal ra impakan yu yumhpa. Bara Dawan lâka auhban watla ba witin nani ai tâura bri impakan, anira takaskaia pliki banhwi kan ba kat.

Kulki Kaikanka 12:16

Bara baha ningkara upla nani Haserot wina taki impakan, Parán upla iwras tasbaya ra, bara ai watla mâkan.

Kulki Kaikanka 13:26

Cadés kat, Parán upla iwras ba tasbaya ra. Moses, Eran bara Israel luhpia nani sut bâra kan. Witin nani ra bara dakni aiska ra sturi ba sut maisa pakan, bara tasbaya dusa mâ nani ba sin marikan.

Kulki Kaikanka 13:3

Bamna Dawan win ba baku Moses daukan, Parán upla iwras tasbaya ba wina baha waitna nani sut ba lika, Israel luhpia nani wihtka nani kata,

Kulki Kaikanka 2:34

Bamna Israel luhpia nani baku daukan, dîa Dawan mita Moses ra daukaia win ba kat. Baku witin nani kumi bani ai plakinka ba lamara takaski kata, bara baku witin nani sin wapan ai taya nani ba aikuki, ai aisika uplika ba aikuki.

Kulki Kaikanka 9:1

Israel luhpia nani ba Idsip wina takan piua wina, mani wâl aimakan katka ba mani tâura, Dawan bui Moses ra aisin Sainai upla iwras ba tasbaya ra, bara witin ra win:

Kulki Kaikanka 9:17

Tint watla pura ba wina, kasbrika ba purara uluya piua ra, Israel luhpia nani ba mahka impaki kan. Bara kasbrika ba ani pliska ra takaskuya ba ra, baha pliska ra Israel luhpia nani ba takaski ai watla mâki kan.

Kulki Kaikanka 9:5

Bamna witin nani Insal luan Yua Liliaka tara ba daukan baha katka yua 14 aimakan ba ra Sainai ra, upla iwras tasbaya ra, Dawan mita Moses ra dîa win ba daukan mahka yu dimaia ba ra.

Kli Smalkanka 1:1

Naha bîla nani sika Moses bui Israel luhpia nani sut ra aisin ba witin nani ba upla iwras tasbaya ra impaki ba piua ra, Jordan awala lalmika tani ra, Suf mawanra bara naha tawanka nani bilka ra: Parán, Tófel, Labán, Haserot bara Dizahab.

Kli Smalkanka 1:19

“Yawan Horeb wina takan ba wina amorreo nani ilka nani ra impakan, Dawan Gâd adar wankan ba bîla wali dauki. Baha upla iwras tasbaya tara, sibrinkira pali man nani kaikram yaba, yawan sut bâk wataukan, Cadés-barnea ra balan ba kat.

Kli Smalkanka 1:7

Dukiam nani sut wahbi lamam ra brih amorreo nani tasbaya ra, il nani tilara man nani was: Arabá ra, il nani tilara, twi langnika ra, Négueb ra, kabu un ra, Kenan uplika nani kuntrika ra, Líbano ra bara kau kainara Éufrates awala tara ba kat.

Kli Smalkanka 33:2

naku natka ra: “Dawan ba Sainai ilka wina aula; Seír wina yawan ra ingwan. Parán ilka nani wina ingwan bara Meribá-cadés wina ban kitwisa; ai aihkika ra pauta klauhan lâ ba brih yawan ra aula.

1 Samuil 25:1

Samuil pruan bara Israel uplika sut asla takan pura mata inaia, bara watla Ramá ra bri si bikan. Baha ningkara Debit mahka wan Parán upla iwras tasbaya ra.