Kulki Kaikanka 10:10 - DAWAN BÎLA AISKA

¹⁰ Man nani lilia daukaia yua ra sin trumpit ba puhs, kati raya yua liliaka daukaia, daiwan aiska angkaia yua, Dawan wal kli uplika takaia yua. Bara baku yang bui man nani ra kupi krauki kamna. Yang sika man nani Dawan Gâdkam.”

Kulki Kaikanka 10:10 ပူးပေါင်းရင်းမြစ်များ

2 King Nani 4:23

—¿Dîa muni naiwa witin ra kaikaia auma? —maya waitna makabi walan—. Naiwa sika kati raya apia, ris yua sin apia. —Baha lukpara —mairin ba win.

1 Kronikas 15:24

Bara prîs nani ba Sebanías, Josafat, Natanael, Amasai, Sakaraya, Benaías, bara Eleazar, witin nani lika Gâd lâka auhbaia watla ba tâura trumpit nani puhbi kata. Obed-edom bara Jehías sin Gâd lâka auhbaia watla durka âialkra nani kata.

1 Kronikas 15:28

Baku natka ra Israel luhpia nani sut bui Gâd lâka auhbaia watla ba brih auya kata. Lilia wini, sîp aringka puhbi, trumpit nani bara plit sirpi nani binka kira, bara tramhtram tara, arp binka sut ba wal.

1 Kronikas 16:42

Naha nani ba lilia binka daukaia dukia nani ba kangbi kata: trumpit nani, plit sirpi nani bara kangbi pulaia dukia wala nani sin, Dawan ra aiwanaia dukiara tâ baiki dukia nani ba sin. Jedutún luhpia nani ba lika dur ra aihwaki banhwi kata.

2 Kronikas 29:26

Libait nani ba bûi kan Debit miusik pulaia sâtka yan ba wal, bara prîs nani lika trumpit nani ba wal.

2 Kronikas 29:28

Upla nani ba ai lula kriki Dawan ra mayuni kan, trumpit ba prîs nani puhbi kan aiwawanra nani sin aiwani kan, ban trumpit nani puhbi kan sakripais ba sut aman ba kat.

2 Kronikas 7:6

Bara prîs nani ai warkka ban daukata, bara Libait nani sin, Dawan mayunaia miusikka nani wal, king ulbanka ba lawana ba wal, bara lawana ba naku aisi aiwani kata: “Kan ai latwanka lâka ba ban kaia ra ban sa”, Debit ba witin nani tilara aiwani kan piua ra. Baku sin prîs nani trumpit puhban witin nani mawanra, bara Israel luhpia nani sut ai mina ra bûi kata.

Esdras 3:10

Bara tempel mâmakra nani ba mahka Dawan watla playka nani bapi kan yua ba, prîs nani ai prâka diman, bara lamara bûi kan bara trumpit nani sin puhban. Bara Asaf kiamka Libait nani ba lika bin daukaia pânka tara nani ba bri kan Dawan ra mayunaia dukiara, Israel kingka Debit dîa win ba kat daukaia.

Nihimaya 12:35

Bara prîs nani tila wina yula kahban trumpit nani puhbi: Sakaraya, Janatan luhpia waitna, ai damika nani ba Semaías kata, baku sin Matanías, Micaías, Zacur bara Asaf;

Lawana Nani 150:3

¡Witin ra mayuns trumpit kangbi ba wal! ¡Witin ra mayuns arp kangbi bara drum kangbi kira!

Lawana Nani 81:3

Kati raya yua balbia ba ra, trumpit kangbi bas; bara kati tilwan yua ra sin, baha sika yawan lilia tara daukaia yua;

Lawana Nani 81:4

naha sika lâ bîla. Jekob Gâdka mita Israel ra yaban ba.

Lawana Nani 89:15

Man Dawan, lilia pali sa baha uplika lilia mamyunaia lan banhwi ba, bara ingnikam ba ai yabalka ra ingwi kabia,

Impakan Sturka 28:29

Bamna baku, Eran Dawan watla holi pliska ra wih dimbia. Bara ai lama prakan ba purara, lâ dauki dukia nani ba ra, Israel luhpia nani nina ba sin bri kabia Dawan mawanra, baku Dawan bui witin nani ra luki ba ban kabia.

Impakan Sturka 30:16

Baku bamna silbar nani ba man brima, Israel luhpia wina yabi ba rayaka swaki sakan mana, baha bri si Dawan wal prawaia watla ra yama, wark nani dauki ba ra yus munaia. Baha ba Dawan mawanra kabia, witin bui Israel luhpia nani ra ai kupia krauki kaia.”

Aiseya 27:13

Baha yua ra sin trumpit binka tara puhbi kabia, baha nani Asiria tasbaya ra yakaban nani ba balbia, tasbaya wina kangban Idsip ra wan nani ba sin, bara witin nani Dawan ra mayunbia, Jerusalem ra baha il holikira sa purara.

Libait Lâka 23:24

“Israel luhpia nani ra naku wis: Kati 7 yua pas ba ris yua liliaka daukma, trumpit nani puhbi aidrubi balma.

Kulki Kaikanka 10:9

“Tasbayam ra waihla nani mita mai warbia, bara war aiklabaia mampara taki balbia kaka, trumpit nani ba karna pali puhma, bara yang Dawan Gâdkam bal, man nani tâmwan aimakaia kupi kraukbia, bara waihla nani mihta wina swaki mai sakamna.

Kulki Kaikanka 28:11

“Kati bani, baha yua pas ba daiwan aiska angki Dawan ra yabi kaia, baha lika bîp lupia wâl, sîp wainhka kumi, baha sîp lupia ba mani kumi alkan kaia, taya sauhkan âpu ba.

Kulki Kaikanka 29:1

“Kati 7 pas yua ba, man nani aidrubanka holikira kum daukma. Baha yua ba man nani wark wala daukpara, trumpit nani ba puhbi upla sut ra maisa paks.

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Apastil Nani Sturka 10:4

Bamna Cornelio sibrinkira pali insal kat ban kaiki, makabi walan: “Dawan, ¿dîa ki?” Bara insal ba bila: “Gâd bui pain kaikan man puram sunram ba, bara Ju uplika umpira nani ra sin hilp munisma ba sut.

1 Korint 15:52

wan nakra klipan kumi ra, trumpit binka ba walbia. Trumpit ba inbia, bara pruan nani ba bukan kabia, bara kli prubia apia; bamna yawan na aihka wan lakan kabia.

1 Tesalonaika 4:16

Kan Dawan pali ba sika bîla baikra karnakira ba wal kasbrika pura ba wina bal iwbia arkinsal bîla baikra wal bara Gâd trumpitka wal sin. Bâra mika, Kraist ra kasak luki pruan nani ba, pas tâura bubia;

1 Tesalonaika 4:18

Baku bamna, pana pana walkam nani aikuki naha bîla nani wal maisa nihki tâm baiki bas.

Jasua 4:7

bara man nani bui witin nani ra wima: ‘Yu kumi kan Dawan lâka auhbaia watla ba Jordan awala bâk brih twilki luan bara lî ba lâ auhbaia watla ba mawan lilak tar baiki lâkan kan, baikanka wâl daukan. Bara naha walpaya nani na, baha takan ba dukiara luki Israel luhpia nani wan kupia krauki kabia nâra bri balan ba.’ ”

Jasua 6:4

Prîs 7 Dawan lâka auhbaia watla ba twilki wapi ba, upla sut tâura wapi kabia, kumi bani sîp aringka ni daukan trumpitka kum bri kabia, bara yu matlalkahbi pura kumi yua ba, yu kumi bilara 7 taim tawan ba mawanra wapi tawbia, bara prîs nani ba lika trumpit ba puhbi kabia witin nani wapi ba ra.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.

1 Samuil 20:5

Debit pana win: —Wals, yauhka sika kati raya, liliaka daukaia yua, bahara king wal yang iwi plun piaia sna. Sakuna ai swis yang twi ra yukuwaia wamna, yahwanka tutni kat,