Kulki Kaikanka 1:53 - DAWAN BÎLA AISKA

⁵³ Libait nani ba lika wal lâ daukan tintka watla latka tani ra takaski main kaiki kabia, baku mika Dawan lawanka Israel daknika nani purara âpu kabia.”

Kulki Kaikanka 1:53 ပူးပေါင်းရင်းမြစ်များ

1 Kronikas 23:32

Witin nani ai mihta ra kata tint watla, Dawan wal aisaia tintka watla kan ba, bara sunukira pliska ba. Tempel ra wark dauki kan ai muihni kulkan kiamka nani ba aikuki, Eran kiamka nani ba sin.

2 Kronikas 13:10

Sakuna tani wala ra, yang nani maipa ra wan Gâdka ba Dawan sa, bamna witin ra lulki swiras. Prîs nani Dawan warkka dauki nani ba Eran kiamka nani sa, bara warkka alki dauki nani ba Libait nani sa.

2 Kronikas 13:11

Witin nani ba titan bara tutni ra sin Gâd ra sakripais yabisa, bara sîka mâka kîa painkira nani sin tibil kum ra suni mayunanka tara daukisa, kasak lâka ra brit holikira ba wal; bara sin tutni bani, lamp nani ba angkisa gul kiandilka dusa nani ra, kan yang nani Dawan Gâd lâka nani ba alki daukisna, sakuna man nani lika witin wina laihura takram sa.

Jirimaya 23:15

Baha mita yang, Dawan karnika sut brisna, prapit nani ba mapara naha aisisna: Diara tahpla pali kum man nani piaia maikaisna; puisin laya maikrika dima, kan Jerusalem prapitka nani ba mita tasbaya na aiska ra saurka lâka ba yakaban.”

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Libait Lâka 10:6

Baha ningkara Moses bal Eran ra, ai luhpia nani Eleazar bara Itamar ra sin win: —Man nani kumi sin, tâmwa slingwan kabia apia, prâmka sin kalkma apia sari mai dauki baku; man nani baku daukma kaka pruma, bara Gâd kupia baiwanka upla nani purara balbia. Sakuna sari pali takan kabia ba lika, kiamkam nani ba, Israel luhpia nani sut, baha pauta klauhan Gâd blikan, witin nani angkan ba dukia.

Kulki Kaikanka 1:50

Libait nani ba lika Dawan wal aisaia tintka watla ra wark nani daukaia swis, bara tint watla ra diara nani bâra ba sut main kaiki kabia. Witin nani mita tint watla ba twilki brih wabia, dîa dîa warkka wala nani daukaia bahara ba baha warkka nani ba daukbia, bara tint watla lamara takaski kabia.

Kulki Kaikanka 1:54

Israel luhpia nani ba Dawan bui Moses ra dîa daukaia win ba baku daukan.

Kulki Kaikanka 16:46

Bara Moses mita Eran ra win: —Kîa pain angkaika brisma ba wih bri bal, bara altar ba wina masku nani saki mangks, bara kîa pain nani sin mangks; baha ningkara upla nani bâra ba kat plapi was, Gâd ra makas, naha uplika nani pâtka ban swih tikbia. Kan Dawan lawanka ba pat aula sa; kaiks, pât tara ba pat tâ krikan sa.

Kulki Kaikanka 16:9

¿Man nani ra baha ba diara apia sa ki, Israel Gâdka mita bâk mai sakan ba Israel uplika wala nani ba tila wina, bara man nani bui witin ai lamara Dawan watla ra warkka nani ba dauki kaia, bara upla nani wal sin baha warkka dauki kaia ba?

Kulki Kaikanka 17:7

Bamna Moses bui baha kînka nani ba sut, Dawan lamara witin kaiki ba ra tint watla ra bri si swin,

Kulki Kaikanka 2:17

“Baha upla daknika walhwal ai daknika kat utla nani mâkan ba lilapas kat, Dawan wal aisaia tintka watla ba Libait nani ba twilki impaki kabia. Daknika walhwal ba kumi bani ba tint watla ba twilki impaki kabia, daknika walhwal ba kumi bani ai plakinka buki ai nina pura kat impaki kabia.

Kulki Kaikanka 3:23

Guersón masraka nani ba lika tint watla muna tani ra takaski kan.

Kulki Kaikanka 3:29

bara witin nani ba tint watla waupasa tani ra takaski banhwi kan.

Kulki Kaikanka 3:35

Bara Merarí kiamka wihtka ba lika Suriel, Abihail luhpia ba, baha nani takaskan tint watla ba tnaya yahbra tani ra.

Kulki Kaikanka 3:38

Tint watla ra lalma Dawan wal aisaia tintka watla ba lamara, Moses, Eran bara ai luhpia nani aikuki, ai watla mâkan. Witin nani baha Dawan wal aisaia watla ba main kaiki kan Israel luhpia nani nina ra. Bara upla prîs apia nani ba baha lamara wabia kaka prubia.

Kulki Kaikanka 31:30

Israel luhpia nani ra yabisma ba daiwra nani 50 bani ba wina, kumi tnaya ra laki upla nani ba wina bris: Bîp 50 bani ba wina kumi, biriku 50 bani ba wina kumi, sîp 50 bani ba wina kumi, daiwan nani sut ba wina baku brih Libait nani ra yas, baha nani ba Dawan watla ra wark taki bamna.”

Kulki Kaikanka 31:47

Baha nani ba wina Moses mita handat bakriki bani ba wina kumi sakan, daiwan bara upla nani ba wina sin, bara Libait nani Dawan watla ra wark dauki nani ba ra yan, Dawan mita dîa lâ mangkan ba kat daukan.

Kulki Kaikanka 8:19

Bara Libait nani ba Israel luhpia nani tila wina prisantki baku Eran ra ai luhpia nani ra yâri, bara tintka watla ra Israel luhpia nani nina ra wark dauki kaia, bara Israel luhpia nani ba yaka Dawan wal uplika takaia lâka ba alkbia, baku sin Israel luhpia nani tilara klala briaia âpu kabia, Israel luhpia nani holi pliska lamara wabia piua ra.”

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

1 Samuil 6:19

Sakuna Bet-semes uplika nani sin Dawan bui klala yan, baha nani lâ auhbaia watla ba biki kaikan tâwan. Waitna 70 rayaka tikan, bara tawan aiska ba inanka tara bri kan Dawan baku upla iki tikan ba mita.