Kulki Kaikanka 1:20 - DAWAN BÎLA AISKA

^20-21 Israel luhpia 12 ba, kumi bani ba kiamka nani ba sut kulki kaikan. Kumi bani manka mani yawanaiska pura bri nani ba sut nina ulban, bara kulkanka ba naku kata: Tawahkia Ruben kiamka nani ba kulkan, 46,500 waitna nani aiklabaia waia sip sa.

Kulki Kaikanka 1:20 ပူးပေါင်းရင်းမြစ်များ

Blasi Sturka 29:32

Lea kwihra tiwan bara ai luhpia waitna kum baikan, bara ai nina ba Ruben mâkan, kan witin naku win: “Yang sari bri kapri ba Dawan ai kaikan; bamna nanara mayi latwan ai kaikbia.”

Blasi Sturka 35:23

Lea wal baikan nani ba Ruben, ai tawahkia ba; baha wina Simian, Libai, Juda, Isacar bara Zabulón.

Blasi Sturka 46:9

Ruben luhpia waitna nani ba: Hanoc, Falú, Hesrón bara Carmí.

1 Kronikas 5:1

Israel luhpia tawahkia, Ruben luhpia nani ba naha nani kata: Hanoc, Falú, Hesrón bara Carmí. Kasak pali Ruben ba tawahkia pali kata, ban sakuna tawahkia yamnika ba tikan witin ai aisika maya ra alki saura munan bamna, bara baha yamnika ba Josep luhpia nani ra ni yan, Israel luhpia wala kan ba. Ban sakuna, Juda ba ai muihni nani sut wal kau karnikira pali takan, bara witin wina wihta kum takan; sakuna tawahkia yamnika ba Josep dukia ni takan.