Kolosi 4:12 - DAWAN BÎLA AISKA

¹² Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

Kolosi 4:12 ပူးပေါင်းရင်းမြစ်များ

Matiu 5:48

Man nani upla kasakkira banhwi bas, kasbrika purara ba kasakkira sa baku.

Luk 1:1

Kulkanka tara brisma Teófilo: Upla ailal wilin takan diara nani wan tilara takan ba sturka aitani kat ulbaia. Baha nani ulban, tâ pali piua wina upla nani ai nakra ni kaiki banhwan ba bara sturi yamni wan smalkan ba dukiara. Bamna yang sin kulkanka tara pali ni, tâ pali wina naha diara nani na tânka pain pliki kaikri, bara aitani lukisna naha diara takan na man ra ulbaia,

Luk 22:44

Bara baku mika witin uya pali pât wahwi kan ba tilara, kau ai tâ baiki ai pura suni kata, bara ai laptika ba tala tahwan tara baku tasba ra tahwi kata.]

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Roman 15:14

Muihki nani, yang kasak daira walisna, man nani lika kupia yamni lâka bara diara tânka kaikaia lâka ni sin aibanhram pali sma, bara pana pana kupiam kraukaia lâka sin brisma.

Roman 15:30

Muihki nani, yang bui man nani ra mamkabisna wan Dawan Jisas Kraist ba tânka bara Spirit wina latwan lâka wanki ba dukiara sin, aiklabanka ra yang wal asla taki kama, bara yang maita sin Dawan ra puram sunma.

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

1 Korint 2:6

Ban sakuna, ai spiritka mapa ra aihwa pâwan nani ba ra, sins tara bîla nani ni aisi banhwisna. Sakuna sinska lâka na lika naha tasba dukia apia sa, naha tasba wihtka nani dukia sin apia, witinka nani naika mapa âpu pali tiwi banhbia ba.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Galesha 1:10

Yang plikras upla mita yamni ai kaikbia, sakuna Gâd mita yamni ai kaikbia. ¡Yang na upla nani mita pain ai kaikbia plikisna kaka, yang kau Kraist albika kamna apia!

Galesha 4:19

Luhpi lupia nani, kli aima wala man nani dukiamra latwan saura pali wahwisna, sim yapti kumi tukta mahka baikaia kan latwanka bri ba baku; latwan ba wahwi kamna, Kraist tânka ba aiska man nani brima ba kat.

Kolosi 1:22

Kuna nanara, Gâd mita man nani ba witin wal kupia kumi mai daukan Kraist ai wîna tara pât wahwi pruan ba mita. Witin naha daukan, man nani sut witin ai mawanra holikira, tâski âpu bara pâtkas pali kama dukiara.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

Kolosi 1:7

Naha na wan latwankira Epafras mai smalkan, witinka ba yang nani aikuki wark takan, bara man nani sin witin ba Kraist dukia dadaukra painkira kulki banhwisma.

Kolosi 1:9

Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

Kolosi 4:9

Witin ba wal wan muihni latwankira bara kasakkira Onésimo sin auya; witinka lika man nani tilam pali wina sa. Dîa dîa nahara taki ba sut witin nani mita mai wibia.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

Pilimon 1:23

Pâinika Epafras, Kraist Jisas tâwan yang wal silak ra ba mita ai lakula mai blikisa,

Hibru Nani 5:14

Sakuna plun karna ba lika upla aitani pâwan nani dukia sa, kan witinka nani ba ai dara walaia lan, bara pat kaikisa wiaia: naha na pain bara naha na saura sa.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.

Jems 1:1

Yang, Jems, Gâd bara Dawan Jisas Kraist dukia dadaukra, Israel kiamka 12 tasba aiska ra yakaban nani ra lakula wisna.

Jems 1:4

Trai kaiks baha bapi buram ba kat kauhras ban kaia, baku mika man nani upla aiska bara aitani kat kama, diara sut sin bri kama.

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.