Kolosi 4:10 - DAWAN BÎLA AISKA

¹⁰ Aristarco, yang wal silak ra ba, man nani ra ai lakula blikisa, Bernabé tubankika Mark ba sin. Witin dukiara dîa mai smalkatna ba, man nani kaikisma: Man nani mai kaikaia wabia kaka, pain bri bas.

Kolosi 4:10 ပူးပေါင်းရင်းမြစ်များ

Apastil Nani Sturka 12:12

Pita baha dukiara luki ban wapi, Jan, Mark yaptika Meri wi ba watla kat balan; bahara upla ailal asla taki ai pura suni kan.

Apastil Nani Sturka 12:25

Bernabé bara Saulo wal ai warkka sut daukan ba ra, Jerusalem ra kli tawi wan; witin nani aikuki Jan bara nina wala Mark mâkan ba sin brih wan.

Apastil Nani Sturka 13:13

Pal ai uplika wala nani ba aikuki Pafos wina duri ra aimaki, ban laki Perge ra balan, Panfilia tasbaya ra; sakuna Jan lika witin nani wina dakwi taki kli Jerusalem ra wan.

Apastil Nani Sturka 13:5

Witin nani Salamina ra wan ba ra, mahka Gâd sturka yamni ba smalki kan Ju nani Ju nani priaska watla ra. Jan Mark sin witin nani wal wan kata baha warkka ra hilp muni.

Apastil Nani Sturka 19:29

Tawan aiska ba kupia turban kan. Bara Macedonia wina waitna wâl, Gayo bara Aristarco, Pal wal tauki kan ba, baha nani purara tawan ba kauhan bara alki raski pulaia watla tara ra brih wan.

Apastil Nani Sturka 20:4

Witin wal wan nani ba sika, Sópatro, Berea wina; Pirro luhpia ba; bara Tesalonaika nani wina Aristarco, Segundo sin; bara Gayo Derbe wina; wala Timoti; bara Asia wina Tíquico, Trófimo sin, witin aikuki Asia kat wan.

Apastil Nani Sturka 27:2

Yang nani aimakri duri tara ba lika Adramitio wina mahka taki impakaia kan, Asia wâpka nani un ra tawanka nani bâk. Aristarco sin yang nani aikuki kan, witin ba lika Macedonia tawanka kumi nina Tesalonaika wi ba wina kan.

Apastil Nani Sturka 4:36

Baku sin witin nani ai tilara Libait kum kata nina Josep, witin ba Chipre kî dakura ra aisuban kan, bara apastil nani mita nina wala laki yan, Bernabé, (tânka ba “Maisa Nanihkra luhpia”).

Roman 16:2

Bamna man nani bui witin na Dawan nina ra luki pain bris, wan muihni nani kasak lukan lâka ra nahki briaia ba baku, bara dîa dîa kra Febe want takbia kaka sin hilp muns, kan witin lika upla ailal ra hilp munan, bara yang pali ra sin.

Roman 16:7

Lakula wis yang kuntriki wina ba Andrónico bara Junias ra sin, witin nani wâl sika yang silak ra ai mangkan, bara witin nani pas sika yang kainira Kraist ra kasak lukan, bara apastil nani tilara tara pali kulkan sa bamna.

2 Timoti 4:11

Luk baman yang wal sa. Mk ba pliki man wal bri bal, kan witin sip sa napakan warkka ra nâra hilp ai munaia.

Pilimon 1:23

Pâinika Epafras, Kraist Jisas tâwan yang wal silak ra ba mita ai lakula mai blikisa,

Pilimon 1:24

bara Mk, Aristarco, Dimas, bara Luk sin; naha nani sika wark daukaia hilp ai muni nani ba.

1 Pita 5:13

Babilon ra serts bâra ba, baha sin Gâd mita man nani ra baku bâk sakan ba, man nani ra lakula blikisa, bara luhpi Mark mita sin.