Kolosi 3:9 - DAWAN BÎLA AISKA

⁹ Pana pana kunin munpara, kan pat tânkam almuk ba wina dakbi mai sakan sa, bara pas piua dîa dîa dauki katma ba wina sin,

Kolosi 3:9 ပူးပေါင်းရင်းမြစ်များ

Sins Lâka 13:5

Upla kasakkira ba kunin aisaia waihla sa; swira bara kulkras lâka ba rugkira nani dukia sa.

Aiseya 63:8

Witin win: “Witin nani ba yang upliki sa, baha luhpia nani ba waihli mihta ra mangkaia apia kaia sa.” Bara witin swaki sakan,

Libait Lâka 19:11

“Man nani implikpara. Man nani kunin aisapara, pana pana kunin munpara.

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Sakaraya 8:16

Naha sika man nani piu bani dauki kaia sma: Piu bani pana pana sturi kasak ba aisi kama, lâ daukaia watla nani ra kupia kumi lâka bukaia dukiara, lâ aisi dauki bas;

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Roman 6:6

Yawan kaikisa, kaina piua ra yawan dîa kata ba lika Kraist wal dus prihni ra saban, baku mika saurka wan wîna tara ra ba sauhki tikan kabia, bara kli baha albika kaia apia dukiara, saurka lâka bîla wali dauki kaia wan wihtka kum baku.

Epesus 4:22

Bamna man nani blasi natkam almuk ra iwi katma lâka ba mahka swis, kan baha daukanka mita mai sauhkisa, bara ai brinka saura ba ni kunin mai munisa.

Epesus 4:25

Baha mita kli kunin aisapara, sakuna kumi bani ai muihnika ba wal diara kasak baman aisi kabia, kan yawan sut lika wîna tara kum sirpika nani sa.

Kolosi 3:8

Sakuna nanara naha diara nani sut mahka swis: kupia baiwanka, brinka karna lâka, saura lâka nani, swira daukaia lâka nani, bîlam wina saura aisaia ba sin.

1 Timoti 1:10

marit takras tâski lâka dauki nani ba, waitna ai tahkia wal tâski lâka dauki nani ba, upla ai tahkia ra impliki nani ba, kuninkira nani, swer taki kunin aisi nani ba sut, wibia sa kaka, ani uplika nani smalkanka kasak ba mapara bûi ba tani ra lâ ba bâra sa.

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.