Kolosi 2:5 - DAWAN BÎLA AISKA

⁵ Bamna yang lika man nani tilamra upla baku natka ra âpu sna, sakuna spirit baku lika man nani tilamra sna, bara yang âiyapah ai daukisa kaikaia, man nani sut lika diara wapni kat daukisma, bara aikuki asla kasak lukankam lâka ba Kraist ra bri banhwisma.

Kolosi 2:5 ပူးပေါင်းရင်းမြစ်များ

2 Kronikas 29:35

Baha purkara wîna aiska angki prisantka yaia sakripaiska ba ailal pali daukaia kan, kli wal uplika takaia sakripaiska daukaia wîna batanka nani ba sin ailal pali kan, baha angki bara wain di prisantka nani yabaia ba sin. Baku dauki natka ra tempel ra Dawan ra mayuni kaia lâka ba kli bukan.

Lawana Nani 78:37

Witin nani ai lukanka param apia kan, ai lâka nani ra sin kulkras kan.

Lawana Nani 78:8

Bara ai damika nani baku kabia apia, mapara babura bara lukras nani kan ba, ai kupia bara ai spiritka nani sip bapi buras, kiamka kum sip kasak lukras ba.

Kulki Kaikanka 7:11

Bara Dawan bui Moses ra win: “Yu bani witin nani lika upla kulki wihtka nani kumi baman altar ra ai prisantka bri balbia, wala ba yu wala ra bri balbia.”

Apastil Nani Sturka 2:42

Baha uplika nani lika yu bani takaskras kira, apastil nani smalkanka nani wina diara lan taki kan, bara witin nani sin pana pana ai walka dukiara luki kan, ai pura sin suni banhwi kan, sut sin asla taki brit kriki pi kan.

Apastil Nani Sturka 20:21

Ju nani ra bara Ju apia nani sut ra smalki kapri, ai saurka nani ba wina ai kupia lakbia Gâd mawanra, bara kasak lukbia Dawan Jisas ra.

1 Korint 11:34

Bara ani uplika plun pin daukisa kaka, baha ai watla ra piaia sa; bara baku mika man nani asla aidrubisma tânkam ba, Gâd mita klala maikbia apia. Diara wala nani ba lika, yang bui man nani ra mai kaikamna ba ra, wapnika mangkamna.

1 Korint 14:40

sakuna diara sut ba painkira bara wapni kat sin dauki kama.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

Kolosi 2:1

Bamna brinki sa, aiklabanka tara brisna ba tânka brima, kan baha ba man nani dukiamra bara Leodisia ra iwi nani ba sin, bara yang wîni tara latan kaikras nani ba sut dukiara sin.

1 Tesalonaika 2:17

Muihki nani, man nani wina piu wiria dakwi takri ba ra, mai kaikras kapri sakuna, kupi ra piu sut mai luki banhwi katna, bara wih mai kaikan pali sin ai dauki kata.

1 Tesalonaika 3:8

Baha ba yang nani maipa ra rayaka raya kum baku sa, Dawan kat ban bapi bûi banhwisma bamna.

Hibru Nani 3:14

Kan yawan na baha kasak lukanka tâ wina brin ba, ban tnata kat alki bri kabia kaka, baku lika yawan Kraist wal wan uplika takisa.

Hibru Nani 6:19

Yawan wan kainara diara briaia lâka bri ba mita, wan sulka ba ban bapi brisa bara sip sin yaban kitbras, sim grapin ba duri tara bapi bri ba baku. Naha grapinka yawan bri ba lika kasbrika purara tempel dur pamaika kwalka nina mapa wina alki brisa,

1 Pita 5:9

Kasakkam lukan lâka kat bapi, witin mapara bûi bas, kan man nani kaikisma muihkam nani sut tasba aiska ra sim pâtka nani wahwisa.

Rut 1:18

Noemí kaikan Rut witin wal waia lukanka bri kan ba, bara kau diara wala aisaras kan.