Kolosi 2:12 - DAWAN BÎLA AISKA

¹² Bara man nani sut tahbi mai daukan ba ra, Kraist wal raiti ra mai bikan kan, baku sin witin wal kli pruan wina mai bukan, kan man nani kasak lukram, Gâd karnika mita Kraist ba pruan nani tila wina kli bukan.

Kolosi 2:12 ပူးပေါင်းရင်းမြစ်များ

Luk 17:5

Apastil nani Dawan ra makaban: —Kau kasak lukan lâka ba yang nani ra aik.

Apastil Nani Sturka 14:27

Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.

Apastil Nani Sturka 2:24

Sakuna Gâd bui witin ba prura karnika mununhta wina kli bukan, prura sip witin ba ai karnika mununhtara taibi briras kan bamna.

Apastil Nani Sturka 2:32

Bamna sim Jisaska sika Gâd mita pruan kan ba wina kli bukan. Bara yang nani sut baha witniska nani sna.

Roman 4:24

sakuna yawan wan dukiara sin ulban sa. Gâd, witinka mita Jisas wan Dawan pruan wina bukan bara yawan kasak luki ba mita wan kasak lukanka ba pain kulkisa;

Roman 7:4

Baha baku natka ra, yang muihki laitwankira nani, Kraist pruanka ba mita man nani sin witin wal pruram lâ ba mapara, waitna wala maya takaia dukiara. Nanara man nani Kraist dukia atia sma witin pruan wina buan ba, baku natka ra wan rayaka na Gâd mawanra diara pain kaia.

1 Korint 12:13

Baku ba mita yawan sut na, Ju nani kabia, apia kaka Grik nani kabia kra, alba nani, alba apia nani, tahbi wan daukan ba ra, asla wîna tara kumi paskan sa, Spirit kumi baman bâk; bara sut ra sin Spiritka kumi bâk wankan din sa.

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

Galesha 3:27

Man nani sut Kraist wal asla kaia wisi tahbi mai daukan ba, witinka mita puram prâka baku mai brisa.

Epesus 2:8

Bamna Gâd latwanka lâka ba mita sika, man nani swaki mai sakan ba kasak lukan lâka bâk. Naha tânka na lika, man nani mita dîa kum daukram ba mita lika apia, sakuna baha lika Gâd mita ban prisant maikan sa.

Epesus 3:17

kasak lukisma ba mita, Kraist man nani kupiam ra iwi kabia, bara baku mika man nani latwan lâka wakia nani purara karna taki tihu pali bapram kabia,

Epesus 3:7

Bamna yang na, Gâd ai uplika nani ra diara yaia win ba sturka yamni albika takri. Gâd naha na aikan, witin ai karnika tara wal wark dauki ba kat.

Epesus 4:5

Dawan ba kumi baman sa, kasak lukan lâka bara tahbi daukan lâka sin kumi baman sa,

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

Pilipai 1:29

Kan Kraist ba mita man nani kasak baman lika lukras, sakuna witin tâwan sin pât wahwaia.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

Kolosi 2:13

Piua luan ra, man nani sut lika spiritkam mapa ra pruram nani katma saurkam nani ba tâka mita, bara Aisa sainka briras kapram ba mita sin; sakuna nanara, Gâd mita Kraist ra mai praki raya kaia lâka asla ba maikan, bara saurkam nani sut sin swin tiwan sa.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 6:2

tahbi daukaia lâka smalkanka nani, lalukra nani purara upla ai mihta nani kahbi lâka ba, pruan nani kli buaia ba bara ban kaia lâka daukanka ba sin.

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.