Kolosi 1:28 - DAWAN BÎLA AISKA

²⁸ Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

Kolosi 1:28 ပူးပေါင်းရင်းမြစ်များ

Esdras 7:25

“Bara man, Esdras, Gâdkam ai sinska lâka dîa man ra maikan ba kat, tawan ra wihta sirpi nani bara wihta tara nani sin mangks, sins lâka wal Éufrates awala muna tani ra upla nani ba sut pura kaiki kabia, baha nani sut man Gâdkam lâka kakaira nani ba, bara tânka briras nani ba sin sut man bui witin nani ra smalki mariks.

Sins Lâka 8:5

Sins tânka aitani briras wahmika bara taniskira nani, ¡lan taks, tânkira watauki kaia bara aman damra walaia ba!

Smasmalkra 12:9

Smasmalkra ba kau sinskira takan bara kau diara tânka kaikaia lâka upla ra smalki kan, baku sin wark tara brin, sins lâka stadi munaia, bara mahka ai tânka kat wapnika mangkan.

Jirimaya 3:15

Wihta nani yang bîli wali dauki ba yang mita mangki maikamna, bara sins bri lâka ra diara tânka kaiki lâka ni wihtkam aimaki kabia.

Jirimaya 6:10

Bara yang pana wîri: “¿Ya yang ra ai walbia, bara witin nani ra aisamna kaka, mai sauhkanka na witin nani ra wimna kaka? Witin nani ai kiama ba prakan sa, Dawan, witin nani sip walras sa; witin nani man aisisma ba lamwaska kikisa, aisisma ba witin nani yamni kulkras.

Isikiel 7:10

“¡Yua ba nâra ki! ¡Pat balan na! ¡Sauhki tikaia yua balan! Saurka ba pura luisa plis bani ra, bara praut lâka ba manis sa.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Matiu 5:48

Man nani upla kasakkira banhwi bas, kasbrika purara ba kasakkira sa baku.

Mark 6:34

Jisas duri tara wina takan piua ra, upla kwâra tara kaikan, bara sari pali lukan witin nani sîp ai sepad âpu baku kan bamna; bara mahka diara ailal smalkan.

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

Apastil Nani Sturka 11:20

Sakuna lalukra nani tila Chipre bara Cirene wina kan ba mita Antíoco tawanka ra wan, bahara Dawan Jisas swaki wan saki sturka ba Ju apia nani ra smalkan.

Apastil Nani Sturka 13:38

Muihki nani, man nani sut pain kaikaia sma, wan saurka nani swih tikaia lâka ba lika Jisas bâk mai wisa.

Apastil Nani Sturka 17:18

Upla nani kum kum Epicuro smalkanka stadi muni kan ba bara wala nani Zenón smalkanka stadi muni kan ba sut witin wal mahka blahwan. Tila nani bila: —¿Naha waitnika sturi aisasara pali na, dîa sip sa ki wan wiaia? Wala nani bila: —Gâd wala nani smasmalkrika talia sa. Witin nani naku aisi kata, kan Pal lika aisi kan Jisas dukiara, witinka pruan wina kli buan ba dukiara sin.

Apastil Nani Sturka 17:3

Ulbanka nani tânka ba param aisi kan, Misaya ba pât wahwaia kan, witin pruan wina kli buaia kan ba sin. Bara sin win: —Naha Jisaska dukiara aisisna na sika Misaya ba.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

Apastil Nani Sturka 3:20

bamna Jisas ba blîkbia, witinka man nani dukiam wisi kan wina pat sakan kan ba Misaya baku.

Apastil Nani Sturka 5:42

Witin nani yu bani Jisas Misaya ba sturka yamni ba witniska aisi smalkaia ba swiras kata, tempel ra bara utla wala nani ra sin.

Apastil Nani Sturka 8:35

Bara Pilip mita mahka baha Ulbanka pîs aisi kaiki kan ba wina Jisas dukiara aisin.

Apastil Nani Sturka 8:5

Pilip lika Sameria tawanka kumi ra wih mahka Kraist sturka upla nani ra aisi kan.

Apastil Nani Sturka 9:20

Ningkara Saulo lika mahka prias watla nani ra smalkan. Witin aisin Jisas ba kasak Gâd Luhpia sa.

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

1 Korint 1:23

sakuna yang nani lika Kraist dus prihni ra pruan sturka ba aisi smalkisna. Sturka yamni na, Ju nani mapa ra swira dukia sa, bara Ju apia nani ba lika sins âpu dukia baku kulki banhwisa;

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 12:8

Spirit ba bâk, witin bui upla tila nani ra sins tara brih aisaia sinska yabisa, bara wala nani ra lika, baha sim Spiritka bâk diara tihu tânka kaiki aisaia sinska yabisa.

1 Korint 15:12

Sakuna yang nani smalkanki ba, Kraist pruan wina kli buan tânka sa kaka, ¿dîa kan man nani tilam wina tila nani wisa, pruan wina kli upla sip buras?

1 Korint 2:15

Sakuna Spirit bri uplika ba lika diara nani lâka ba tânka pliki kaikaia sip sa, bara upla kumi mita sin witin lâka sip daukras sa.

1 Korint 2:6

Ban sakuna, ai spiritka mapa ra aihwa pâwan nani ba ra, sins tara bîla nani ni aisi banhwisna. Sakuna sinska lâka na lika naha tasba dukia apia sa, naha tasba wihtka nani dukia sin apia, witinka nani naika mapa âpu pali tiwi banhbia ba.

1 Korint 4:14

Man nani swiram dauki baku lika naha na mai ulbras, sakuna kupia kraukanka kum maikaia dukiara, luhpi laitwankira nani ra baku.

2 Korint 10:14

Baha mita sika, wan markka ba wina yang nani taki waras sna ba; baha ba baku kaia kan, yang nani na man nani ra pas balras katna kaka. Yang nani pas sika man nani ra balri Kraist sturka yamni ba wal.

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Epesus 5:27

bara baku mika witin ai mawanra bri balan sim serts pranakira baku, taya tâski âpu, bara taya sriwan âpu, dîa dîa bahmuna sâtka wala sin âpu, sakuna holikira bara kasakkira pali.

Kli Smalkanka 4:5

Yang lâ nani bara lâ daukaia ba mai smalkri Dawan Gâdki wina aikan ba. Ani kuntrika ra dimma ba, bahara smalki kaia.

Kolosi 1:22

Kuna nanara, Gâd mita man nani ba witin wal kupia kumi mai daukan Kraist ai wîna tara pât wahwi pruan ba mita. Witin naha daukan, man nani sut witin ai mawanra holikira, tâski âpu bara pâtkas pali kama dukiara.

Kolosi 2:10

bara man nani lika Gâd ni mai banhkan sa, kan Kraist wal asla sma ba mita. Spirit bri nani sut lalka sa, karnika bara pura aimakaia karnika brisa.

Kolosi 2:3

bamna Kraist ra sika sins lâka bara diara tânka briaia nani yuyaka aiska sut kuki swin ba.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

1 Timoti 3:2

Baha mita, tâ bri kum ba pâtkas uplika kaia sa; witin ai maya kumi baman bri kaia sa, bara ai rayaka ba wapni, sinskira bara kulkanka bri kabia. Witin ba ai watla ra upla tringsar nani briaia wilin kaia sa; upla smalki lan kaia sa;

Hibru Nani 10:14

Bamna sakripais kumi ni baman, baha uplika nani saurka wina klin daukan ba, witin mita ban kaia ra kasak aihwa daukan.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

2 Pita 3:15

Bamna luki bas, wan Dawan yawan aikuki wihka bîla kaiki ba lika, yawan sut swaki wan sakaia dukiara sa. Baku sin wan muihni latwankira Pal sin man nani ra ulban sa, Gâd mita sins lâka yan ba tânka kat.