Kli Smalkanka 9:4 - DAWAN BÎLA AISKA

⁴ Dawan Gâdkam mita man nani mamwan wina witin nani saki lulkbia ba ra, man nani mânkam tilamra wipara: ‘Naha na wan dukia briaia kan ba wankan bara tingki, Dawan wina naha kuntri na wan pliska wankan’; kan witin nani saura daukan ba tâwan Dawan mita kangbi sakan.

Kli Smalkanka 9:4 ပူးပေါင်းရင်းမြစ်များ

Blasi Sturka 15:16

Upla kiamka nani kau walhwal aimaki lubia ba kat, masrakam nani ba kli tawi naha tasbaya ra balbia. Kan amorreo nani ai saurka ba sut daukbia, bara klala yabamna ba piua ba kat.

Isikiel 36:22

“Bahamna, Israel uplika ra wis: ‘Naku wisa Dawan ba: Dîa daukamna ba man nani tamka apia, Israel luhpia nani, sakuna nini holikira ba, man nani sauhkram, nisan wala nani tilara waram ba ra.

Isikiel 36:32

Yang, Dawan, kasak aisisna: Israel luhpia nani kaiki bas, naha daukisna na man nani baha briaia aitani sma ba mita apia; sakuna swiram brima damra walma daukankam mita aiblakram ba mamrikaia dukiara sika.

Libait Lâka 18:3

“Man nani Idsip uplika nani tilara iwi kapram ba, baha kuntrika uplika nani lâka ba nina blîkpara. “Kenan uplika nani daukanka ba nina sin blîkpara, bahara mai brih wamna tasbaya ra, witin nani lâka natka ra man nani iwma apia.

Roman 11:20

Aitani, sakuna baha nani kasak lukras kan ba tâwan klaki sakan, bara man lika ban bâra sma kasak lukram ba mita. Baku bamna, man mamyunpara, sakuna sibrinka lâka ni bri bas.

Roman 11:6

Bamna Gâd latwanka lâka ba mita sa kaka, nanara upla mita dîa daukaia sip yaba tâka mita lika apia; kan upla dauki ba mita kaka, baha lika Gâd latwanka ba kasak pali latwan lâka tânka apia sa.

1 Korint 4:4

Kupi dara walra na klin brisna, sakuna baku ba ra wisi yang na pâtkira apia sna lika wiras sna. Dawan sika lâika aisi dauki ba.

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

Kli Smalkanka 12:31

Baku Dawan Gâdkam ra daukpara, kan bahki kulkan dukia nani ba sika, baha nisanka nani ai gâdka ra mayuni ba, Dawan pain kaikras ban ai luhpia nani sin, pauta ra sakripais daukisa.

Kli Smalkanka 31:27

Kan yang lika man nani kiamam karnika bara kupiam karnika ba sin kaikisni; naiwa bâra ban man nani tilamra raya sni, bara Dawan mapara buram, ¿nahki banhwi kama yang pruamna ningkara?

Kli Smalkanka 8:17

“Kupiam ra lukpara: ‘Naha kukanka sut na, yawan wan karnika ni sakan.’

Kli Smalkanka 9:24

Man nani ra mai kakaira takri piua wina, Dawan mapara man nani lamla karna sma.

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.

Kli Smalkanka 9:7

“Âmya tiwbiara man nani upla iwras tasbaya ra, nahki Dawan kupia sauhkram ba. Idsip wina taki naha pliska kat balram ba, man nani lika kiamam karna kapram.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,