Kli Smalkanka 9:24 - DAWAN BÎLA AISKA

²⁴ Man nani ra mai kakaira takri piua wina, Dawan mapara man nani lamla karna sma.

Kli Smalkanka 9:24 ပူးပေါင်းရင်းမြစ်များ

Lawana Nani 78:8

Bara ai damika nani baku kabia apia, mapara babura bara lukras nani kan ba, ai kupia bara ai spiritka nani sip bapi buras, kiamka kum sip kasak lukras ba.

Impakan Sturka 32:22

Eran pana witin ra win: —Dawanki, yang ra kupiam sauhkpara. Man upla nani na tânka kasak kakaira sma, witin nani saura daukaia nahki lihki ba.

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Jirimaya 4:17

Juda ba kir kutbia insla ra daiwan aihwaki kaiki baku, kan Dawan mapara buan ba mita. Yang, Dawan, kasak aisisna.

Isikiel 20:8

‘Kuna witin nani lika yang maipara buan, bara yang ra walaia brinka apia kan; sakuna Idsip wina aidul nani brin ba âpu daukras, witin nani baha nani swiras. Yang lukri kupi baiwanka witin nani purara batakaia, bara klala yabaia Idsip ra, yang kupi baiwanka wina âuyapah takbia kat.

Kulki Kaikanka 14:9

Sakuna man nani lika Dawan mapara bûi banhpara, baha tasbaya uplika nani ra sin sibrin lukpara, kan baha uplika ba yawan mapara brit baku pibia, witin nani ra hilp yabaia uplika âpu sa bamna, sakuna yawan lika Dawan wan tâ baikisa. ¡Man nani si bripara!

Kulki Kaikanka 17:10

Bara Dawan bui Moses ra win: “Eran kînka ba kli bri si, wal lâ daukan lâka auhbaia watla ba lamara swis. Bahara bri bas, baha ba naha uplika kiamapara nani ra kupia kraukanka kum kabia. Baha kaiki ba ra witin nani maipara saura aisabia apia, bara sin prui banhbia apia.”

Kulki Kaikanka 23:21

Israel luhpia nani tilara kunin aisi watawi dauki uplika ba âpu sa, Jekob uplika nani ba. Ai Dawanka ai Gâdka ba witin nani wal sa, bara witin nani bui witin ra winisa ai kingka ra baku.

Kulki Kaikanka 32:14

Bara nanara man nani, saura dadaukra luhpia nani, papikam nani daukan ba baku kli daukaia lukisma, Israel luhpia nani mapara Dawan lawanka ba kli bri balaia dukiara.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Kli Smalkanka 31:27

Kan yang lika man nani kiamam karnika bara kupiam karnika ba sin kaikisni; naiwa bâra ban man nani tilamra raya sni, bara Dawan mapara buram, ¿nahki banhwi kama yang pruamna ningkara?

Kli Smalkanka 9:4

Dawan Gâdkam mita man nani mamwan wina witin nani saki lulkbia ba ra, man nani mânkam tilamra wipara: ‘Naha na wan dukia briaia kan ba wankan bara tingki, Dawan wina naha kuntri na wan pliska wankan’; kan witin nani saura daukan ba tâwan Dawan mita kangbi sakan.