Kli Smalkanka 8:17 - DAWAN BÎLA AISKA

¹⁷ “Kupiam ra lukpara: ‘Naha kukanka sut na, yawan wan karnika ni sakan.’

Kli Smalkanka 8:17 ပူးပေါင်းရင်းမြစ်များ

Job 31:25

Aima kumi sin yang aisinki ba yuyaka manis kuki briaia baku kulkras katna, apia kaka lalah manis saki briaia sin lukras kapri.

Lawana Nani 44:3

Klamhkla bara sordkam sin apia, pura lui buaia karnika yaban ba; witin nani mita upla wala nani tasbaya ba pura luras kan. Man diara daukaia karnika brisma ba, man karnikam ba mita baha sut daukram. ¡Man bui witin nani lamara mamwan ingnika marikram bamna, latwan kaiki kapram ba mita daukram!

Smasmalkra 3:6

Trai muni daukaia piua bâra sa, daukras kaia piua bâra sa. Suni briaia piua bâra sa, lulkaia piua sin bâra sa.

Smasmalkra 9:11

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Jirimaya 9:22

Upla pruan nani wîna ba tasba kat prawisa daiwan tâskika nani tasba ra bâra ba baku, aya dâkaia mihta wina kauhan ba baku, upla kumi sin bal alki bukras.” Dawan ba kasak aisisa.

Isikiel 28:5

Diara âiatkra sip kaia lâka ba wal, yuyakam nani ba ailal pali daukram, bara yuyakam nani ba mita aimayunra mai daukan.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Oseas 12:8

Efraín aisisa: ‘¡Âu, yang yuyakira takri, kan yang sans pain pali kum wal prawri; sakuna upla kumi sin sip daihra aisabia apia naha dukia nani brisna na saura dauki natka bâk saki briri!’

Abakuk 1:16

Baha mita inska âialkra nani ba inska alkaia dukia nani bri ba, baha dukia nani ra mayunisa, kîa yamni daukaia dukia nani angki, pain kulkan lâka dauki yabisa, baha dukia nani ra ai pura suni tingki wisa, kan baha dukia nani ba wina, witin nani ai pata ailal pali saki pîsa bamna.

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

Kli Smalkanka 7:17

“Ban kra man nani lukma: ‘Yawan nani wal naha nisanka ailal sa; ¿nahki sip kabia yawan kangbi sakaia?’

Kli Smalkanka 9:4

Dawan Gâdkam mita man nani mamwan wina witin nani saki lulkbia ba ra, man nani mânkam tilamra wipara: ‘Naha na wan dukia briaia kan ba wankan bara tingki, Dawan wina naha kuntri na wan pliska wankan’; kan witin nani saura daukan ba tâwan Dawan mita kangbi sakan.

Wihta Nani 7:2

Bara Dawan bui Gedeón ra win: “Man ba upla dakni tara pali yang ra brih aulma, bara Israel luhpia nani lukbia uplika nani ba witin nani ai mihta ra mangkri kan aiklabi pura luan ba ra, witin nani lukbia ai karnika ni aiklabi Madián uplika nani ba pura luan, bara maiwanra witin nani aimayunbia.

1 Samuil 2:7

Dawan bui umpira wan daukisa, yuyakira sin wan daukisa, wankan kauhisa bara wan bukisa.

1 Samuil 30:23

Ban sakuna, Debit win: —Upliki nani, Dawan wina naha diara nani sut na wankan, bara nanara baha diara nani brih baku daukpara, witin wan rayaka nani ba main kaikan, âimplikra daknika nani ba sin wan mihta ra mangkan, baha nani rau wan sauhki kata ba.