Kli Smalkanka 7:3 - DAWAN BÎLA AISKA

³ Witin nani wal bripara, baha uplika luhpia man nani luhpiam wal maya baikpara,

Kli Smalkanka 7:3 ပူးပေါင်းရင်းမြစ်များ

Blasi Sturka 24:3

bara yang ra swer taki ai wis Dawan nina ra luki, kasbrika pura bara tasba wal Gâdka ba nina ra, man bui yang luhpi waitna maya ba naha Kenan tasbaya yang nâra iwisna na tasbaya mairka nani na tila wina pliki maya baikaia apia.

1 King Nani 11:2

Baha uplika nani sât dukiara sika Dawan bui Israel luhpia nani ra win kan ba, baha mairka nani wal bribia apia, kan mairka nani ba mita munka gâd bahki nani ra ai kupia ba yaka tniwbia. Sakuna baha mairka nani ra sika Salaman bui latwan kaiki aikuki wal asla takan.

1 King Nani 16:31

Ban ai kupia lakras kan, Jeroboam Nabat luhpia saurka ba nina blikan, witin Sidón kingka Et-baal luhpia mairin, Jezabel ba ai maya brin, bara witin Baal mayuni dukia daukan.

Esdras 10:3

Bamna kaiks, nanara yang nani pramis takaisna, man wan smalkisma baku wala nani sin Gâd lâka kulki ba baku, yang nani daukaisna: wan mairka nani ba sut pliska ra bliki banhwaisna, ai luhpia nani sin, bara lâ ulbanka ba aimakbia, man bara wala nani brinkam ba kat.

Esdras 9:12

Bara yang nani luhpi mairin nani ba, witin nani luhpia waitna nani wal maya baikamna apia wiram, baku sin luhpi waitna nani ba baha nani luhpia mairin nani wal maya baikamna apia wiram, witin nani aikuki sin kupia kumi lâka dauki, yamnika briaia lâka daukamna apia wiram, bara baku mika tawan ba karna kaia. Bara tasba ritska wina pi kamna wiram, bara wan luhpia nani ra prapatika yama piu bani ra ban kaia ra.

Nihimaya 10:30

Baku bamna, yang nani luhpi mairin nani ba idan uplika ra yabamna apia, bara ai luhpia mairin nani ba sin, yang nani luhpi waitna nani maya baikamna apia.

Wihta Nani 14:3

Sakuna ai aisika nani pana witin ra win: —Luhpi, ¿dîa muni man filisteo mairka idan nani ba tila kat wih, mayam briaia plikisma? ¿Yawan wan taya nani tilara bara Israel taika nani sut tilara sin mairin âpu sa ki? Samson pana win: —Yang baha tiara ba sika brinki sa, witin baha wal mayi takan ai daukisa.