Kli Smalkanka 7:26 - DAWAN BÎLA AISKA

²⁶ Baha mita lulkan dukia kumi sin man nani wamtla ra bri wapara, man nani ra sin sauhki mai tikan kaia apia ba mata. Baha ba sauhki tikaia lâka sa, baha mita saura kulki banhwaia sma.

Kli Smalkanka 7:26 ပူးပေါင်းရင်းမြစ်များ

Aiseya 2:20

Upla nani gul ni bara silbar ni bahara mayuni kaia paskan ba, aidulka nani ba, baha yua ra, matis nani ra bara sakangki nani ra lulki yaban kabia.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Aiseya 41:24

Sakuna man nani sika diara apia, dîa daukaia sin sip apia. Saura kulkan kabia, baha uplika bâk saki mai brin nani ba.

Isikiel 11:18

Witin nani kli tawi balbia ningkara, ai kuntrika ra diara saura nani dauki ba sut âpu daukbia, diara yamni apia nani witin ra ba sin.

Isikiel 14:7

Israel uplika kum, apia kaka upla tringsar kum Israel ra iwi ba, yang laima wina taki wan bara ailal nani bri bara aiska pali tâwan ai pura suni ba, witin ra munan saura dauki bâra kaiki ba, bara baha wina kli prapit kum ra wih ai pura suni ba yang ra ai pura sunaia wisi, yang mita witin ra aisamna.

Oseas 14:8

Baha yua ra Efraín aisabia: ‘¿Aidul nani ba dukiara, yang dîa lukamna?’ ¡Yang sika upliki ra wali ban kaiki kamna! Piu bani awas dusa baku sangni ban kamna, bara upliki nani ba, yang wina mâ nani wahbi kabia.”

Sakaraya 5:4

Dawan, witin karnika sut alki bri ba, kasak aisisa: ‘Naha lahtubanka yang blikisni, impliki kunin aisi yang nini bri swer taki nani ba watla ra dimaia, bara lahtubanka ba bahara ban takaskbia, watla playka nani ba sukwi âpu takbia ba kat.’ ”

Roman 2:22

Man wisma marit lâka sauhkaia apia, ¿bara dîa muni man pali marit lâka sauhkisma ki? Man aidul nani ra misbara kaikisma ba, ¿dîa muni man pali ai tempelka nani wina implikisma ki?

Kli Smalkanka 13:16

Tawan lilara upla aipaswaika pliska ra, ai dukia kukanka nani ba bri si paski swis, bara tawanka ba ra, diara nani sut waihlam nani wina dakbram ba pauta ra angks. Sauhki tiks, Dawan Gâdkam ra prisantka baku angki yas. Bara baha tawanka ba baku ban kabia, kli raya paskbia apia.

Kli Smalkanka 13:17

“Sauhki tikan dukia nani wina kumi sin man wal takaskpara, bara Dawan lika man nani ra ai kupia sauhkbia apia. Damikam nani ra yabaia win ba baku, man nani ra maikka ailal sauhma,

Kli Smalkanka 13:18

naiwa Dawan Gâdkam lâka man nani ra maikri ba bîla wali, ai nakra ra wapni baman daukisma kaka.