Kli Smalkanka 7:21 - DAWAN BÎLA AISKA

²¹ Witin nani mawanra tatatpara, kan Dawan Gâdkam, Gâd tara sibrinkira ba man nani wal sa.

Kli Smalkanka 7:21 ပူးပေါင်းရင်းမြစ်များ

2 Kronikas 32:8

Witin waitna nani karnika ba ra kulkisa, sakuna yawan lika Dawan wal sa, Gâd wan tâ baikisa war aiklabaia.” Tawan uplika Ezequías aisin ba walan ba ra, ai kupia karna takan.

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Nihimaya 4:14

Sakuna yang kaikri upla nani ba sibrin dauki kan, bara yang mita wihtka nani ra, wark tâ bri nani ra bara tawan uplika nani ra sin naku wîri: “Man nani lika witin nani mawan ra sîa bripara, kupiam krauks Dawan tânka ba, nahki tara sibrinkira ba, bamna man nani luhpiam waitna nani, luhpiam mairin nani, mairin nani bara wamtla uplika nani tâwan pât taki banhwi bas.”

Nihimaya 9:32

“Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Lawana Nani 27:1

Dawan ba, yang ingniki, bara yang swaki ai sakisa ¿ya sîa ai daukbia ki? Dawan bui yang rayaki kaina kahbisa; ¿yaura sîa ai daukbia?

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 46:5

Baha tawanka lilapas kat, Dawan ba bâra sa bara alki brisa, Dawan bui yu bani ra hilp muni kabia.

Lawana Nani 46:6

Nisan nani bin tara daukisa, king tasbaya nani ba tatatwisa, tasba ba slilwisa ai bîla baikra saki ba waluya ba ra.

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Lawana Nani 47:2

Kan Dawan Laih Purara pali iwi ba, aihka sibrinkira sa bamna; witin ba king tara sa naha tasba aiska ra.

Lawana Nani 68:35

Gâd ba pranakira sa ai tintka watla holikira ra; Israel Gâdkam ai karnika yabisa ai uplika nani ra. ¡Dawan ba yamni pali kabia!

Lawana Nani 89:8

Dawan Gâd, karnika sut brisma ba, karnika sut ba man dukiam, bara kasakka lâka ni kir mai kutbi brisa; ¡man baku wala âpu sa!

Lawana Nani 95:3

Kan Dawan ba Gâd tara sa, King tara sa, gâd nani sut Gâdka.

Impakan Sturka 29:45

Bara yang lika Israel luhpia nani tilara iwamna, bara yang lika witin ai Gâdka kamna.

Daniel 9:4

Dawan Gâdki ra puri sunri, bara naha dahra na wîri: ‘Dawan, man lika Gâd karnakira pali sma ba, piua bani man dîa aisisma ba daukisma, bara man lamtwanka lâka tânka ba pliki kaikisma ya man ra latwan mai kaikisa, bara lâmka bîla nani kat sin dauki ba:

Kulki Kaikanka 13:9

Benjamín kiamka wina Paltí, Rafú luhpia ba;

Kulki Kaikanka 14:14

Kenan uplika nani ra sin aisisma na wibia. Man Dawan naha uplika nani lilapas ra katma, witin nani mai kaiki kan man param taki katma ba, âu, Dawan, kasbrika bukram witin nani purara kata, bara kakna ra witin nani tâura impaki katma kasbrika playa kumi ni, bara tihmia ra lika pauta klauhan playa kumi ni.

Kulki Kaikanka 14:42

Bamna kainamra kau wapara, kan Dawan ba man nani wal apia sa. Waihlam nani bui puram lubia.

Kulki Kaikanka 14:9

Sakuna man nani lika Dawan mapara bûi banhpara, baha tasbaya uplika nani ra sin sibrin lukpara, kan baha uplika ba yawan mapara brit baku pibia, witin nani ra hilp yabaia uplika âpu sa bamna, sakuna yawan lika Dawan wan tâ baikisa. ¡Man nani si bripara!

Kulki Kaikanka 16:3

Witin nani sut asla taki banhwan ba ra, Moses wihki Eran wal mapara naku aisin: —Naha kat ba aitani sa, man nani wal. Upla sut ba Gâd mita sunu atia sakan sa, bara Dawan sin yang nani wal sa. ¿Bara dîa muni man nani baman kau karnika bri baku Dawan uplika nani purara aimakisma?

Kulki Kaikanka 21:34

Bara Dawan bui Moses ra win: “Witin ba mapara si bripara, kan yang bui witin ba man nani mihtam ra mangkamna, war uplika nani ba bara ai tasbaya ba sin. Bara man nani, Sihón, amorreo nani kingka Hesbón ra iwi kan ra dîa munram ba baku, witin ra daukma.”

Kulki Kaikanka 23:21

Israel luhpia nani tilara kunin aisi watawi dauki uplika ba âpu sa, Jekob uplika nani ba. Ai Dawanka ai Gâdka ba witin nani wal sa, bara witin nani bui witin ra winisa ai kingka ra baku.

Kulki Kaikanka 9:20

Tila taim yu kulki baman kasbrika ba tint watla ba purara kan bamna, Dawan ahkia witin nani ra maisa paki dauki ba kat takaski bâra ba piua witin nani takaski kan, apia kaka impaki kan.

1 Korint 14:25

Baku ai kupia dahra prakanka nani ba latan takbia, bara ai lula kriki Gâd ra ai pura suni mayunbia, bara aisabia kasak pali Gâd ba man nani tilamra sa.

Kli Smalkanka 1:21

Dawan, man nani Gâdkam, naha tasbaya maikisa. Bara naha wina kainamra tasbaya ba, Dawan, man nani Gâdkam damikam nani ra win ba baku, man nani brih iwma. Bamna man nani si bripara dring sin prui banhpara.

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Kli Smalkanka 25:8

Bamna tawan almukka nani mita paiwi witin ra aisabia, bara waitnika mita wibia wal briaia apia;

Kli Smalkanka 31:17

Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’

Jasua 3:10

Dawan rayakira ba man nani tilamra bâra ba tânka man nani naku brima, man nani awala lui auma ba tâmra witin wabia, bara Kenan uplika nani ba, hitita nani, heveo nani, ferezeo nani, gergeseo nani, amorreo nani bara Jebús uplika nani ba sut munka plapbia.

Jasua 8:1

Dawan ba Jasua ra aisi, win: “Nanara, man si bripara, lukankam sin swapni takbiara. Suldiarkam nani ba bris, bara mahka taki was, Ai tawanka ba mapara aiklabaia waia. Kingka ba, tawanka uplika nani ba sut pura luaia karnika ba yang maikuna bamna. Witin nani, Ai tawanka ba, ai tasbaya nani ba sut man nani brima,

1 Samuil 4:8

¡Yawan ra saura pali kabia! ¿Ya yawan ra swaki wan sâkbia naha Gâdka karnakira na mihta ra kauhbia ba ra? ¡Witin sika Idsip uplika nani sut sauhki tikan upla iwras tasbaya ra siknis sât sât klalka ba wal!”