Kli Smalkanka 7:1 - DAWAN BÎLA AISKA

¹ “Dawan man nani Gâdkam bui maikka dimi kuntrika ba ra pliskam brima, bara nisan 7 kau tara karnakira ba man nani taima bara mamwan wina saki lulkma: hitita nani, gergeseo nani, amorreo nani, Kenan uplika nani, ferezeo nani, heveo nani bara Jebús uplika nani.

Kli Smalkanka 7:1 ပူးပေါင်းရင်းမြစ်များ

1 King Nani 16:31

Ban ai kupia lakras kan, Jeroboam Nabat luhpia saurka ba nina blikan, witin Sidón kingka Et-baal luhpia mairin, Jezabel ba ai maya brin, bara witin Baal mayuni dukia daukan.

1 Kronikas 1:14

Kenan wina sika Jebús uplika nani bal takan, amorreo nani, gergeseo nani,

2 Kronikas 8:7

bara upla nani sut naha tawanka ra kau takaskan nani ba, hitita nani, amorreo nani, heveo nani, ferezeo nani bara Jebús uplika nani ba, witin nani Israel luhpia nani apia kan ba,

Esdras 9:1

Baha warkka nani ba sut daukan ba ra, Israel wihtka nani ba yang ra balan bara naku ai win: “Israel luhpia nani, baku sin prîs bara Libait nani ba, naha tasbaya uplika lâka nani wina sip dakwi takras sa: Kenan uplika nani, hitita nani, ferezeo nani, Jebús uplika nani, Amón uplika nani, Moab uplika nani, Idsip uplika nani bara amorreo nani dîa ai natka saura dauki tauki banhwi ba lâka kat taukisa.

Nihimaya 13:23

Baku sin yang kaikri baha yua nani ra, tila Ju nani ba Asdod, Amón bara Moab wina mairka nani ba, ai maya bri banhwan kan;

Lawana Nani 78:55

Idan nani, Israel mawan wina tnaya ra lakan; tasbaya ba yuan kiamka bani ra bara ai kiampka dauki bahara iwan.

Impakan Sturka 15:7

Man karnikam tara pali ba wal waihlam nani mampara buan ba, minam ra taibram; kupiam baiwanka ba pauta klauhan baku sa, bara witin nani ba twi lâwan baku angkram.

Impakan Sturka 23:28

Yang daukamna sibrin mita kupia sut tiwi kaia ba, man nani kainamra wabia, bamna baku mita heveo nani, hitita nani, Kenan uplika nani sut sin, man nani kainamra plapi kabia.

Impakan Sturka 23:32

“Witin nani wal ban kra bara ai gâdka nani wal sin, kupia kumi takaia wisi aisi lâ daukpara.

Impakan Sturka 23:33

Witin nani ba man nani tasbayam ra swirka takaskaia lâka sin daukpara, witin nani kra mai munka, yang maipara saura yama kra sîa. Ai gâdka ra kra wih puram suni mayunma kaka, baha ba man nani kauhankam kabia tiwaia lâka ra.”

Impakan Sturka 33:2

Bara man nani kainamra insal kum blikamna tâm bri waia. Bara kuntrika ba wina, Kenan uplika nani ba, amorreo nani, hitita nani, ferezeo nani, heveo nani bara Jebús uplika nani ba sut kangbi sakamna.

Impakan Sturka 6:8

Ebraham ra, Aisak ra bara Jekob ra yaia pramis munri ba tasbaya ra mai brih wamna, bara tasbaya ba man nani dukiam maikamni. Yang sika Dawan.

Libait Lâka 14:34

“Man nani Kenan ra tasba maikaia wîri ba tasbaya ra, yang lipar sikniska blikamna, bahara iwi uplika tawanka nani ra.

Kulki Kaikanka 13:29

Amalec uplika nani Négueb tani ra iwisa, hitita nani, Jebús uplika nani bara amorreo nani ba sin il tani ra iwisa, bara kabu tani ra lika Jordan awala lamara Kenan uplika nani iwisa.

Kulki Kaikanka 14:31

Sakuna man nani luhpiam nani ba, baha nani waihla ba mihta ra kauhbia aisi banhwatma ba, yang bui witin nani ba yarka baha tasbaya ra dimbia. Bara witin nani baha tasbaya ra liliaka ba bribia, man nani mita kulkras sma ba.

Apastil Nani Sturka 13:19

bara Kenan tasbaya ra 7 nisan iwi kan ba sut âpu daukan, wan damika nani ra tasba ba yaia dukiara.

Kli Smalkanka 11:29

“Dawan Gâd bui kuntri kum man nani dakbi briaia maiki ba ra dimma taim, Guerizim ilka ra yamnika ba swibia, Ebal ilka ra saura kulkan ba swibia.

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Kli Smalkanka 20:16

Sakuna Dawan Gâdkam mita baha nisanka nani tawanka wina man nani dukiam maikbia ba ra, diara kumi sin raya swipara.

Kli Smalkanka 31:20

Yang mita baha tasbaya tialka laya bara nasma wal lî aubi baku ai damika nani ra yabaia wîri ba ra yarka dimbia piua ra, witin nani plun pih aibanhbia, bara batanbia, bara gâd wala nani ninara wih mayunbia, bara yang ra bahki ai kulkbia, bara yang lâika ba wina dakwi takbia.

Kli Smalkanka 31:3

Sakuna Dawan Gâdkam man nani kainamra wapbia, minam taibanka ra naha nisanka nani ra sauhki âpu daukma, ai tasbaika nani briaia dukiara. Jasua man nani tâm bri baku kainamra wabia, Dawan win ba baku.

Kli Smalkanka 4:38

Man nani mawan wina nisan kau ailal karnakira kan ba lulkan, nanara baku, tasbaya kuntrika aiska sut man nani dawanka kaia.

Kli Smalkanka 6:1

“Naha sika lâ nani ba, lâ nani bara diara daukaia lâka nani ba, Dawan Gâdkam mita man nani ra mai smalkaia ai win ba, baha kuntrika ba man nani pliskam brima ba ra lâka nani na daukaia.

Kli Smalkanka 6:10

“Man nani Dawan Gâdkam mita almukkam nani, Ebraham, Aisak bara Jekob ra pramis muni yabaia win ba kuntrika ra dimma. Kuntri kum tawan tara pranakira nani brisa, man nani paskras kapram ba;

Kli Smalkanka 6:19

Waihlam man nani mampara bubia ba, Dawan bui munka plapbia, swer takan ba baku.

Kli Smalkanka 6:23

Sakuna baha wina yang nani ai sakan, bara wan almukka nani ra swer takan kuntrika ra wan brih wan.

Kli Smalkanka 9:1

“Israel luhpia nani, wali banhs: piua balan sa man nani Jordan ba lui waia, bara mahka man nani wal nisan kau tara, kau karna nani tawanka nani kutbanka purara ba pura lui tawanka ba bris;

Kli Smalkanka 9:3

“Nanara kaikaia sma, Dawan Gâdkam man nani mamwanra wapisa pauta ami sasauhkra kum baku, man nani mamwanra baha nisanka nani ra sauhkbia. Bara man nani mita nakra klipan kumi ra kangbi sâkma, Dawan baku pramis daukan.

Kli Smalkanka 9:4

Dawan Gâdkam mita man nani mamwan wina witin nani saki lulkbia ba ra, man nani mânkam tilamra wipara: ‘Naha na wan dukia briaia kan ba wankan bara tingki, Dawan wina naha kuntri na wan pliska wankan’; kan witin nani saura daukan ba tâwan Dawan mita kangbi sakan.

Jasua 11:3

ban Kenan uplika nani lalma tani ra bara muna tani ra tawanka nani ra, amorreo nani, hitita nani, ferezeo nani, Jebús uplika nani il nani tasbaya ra iwi ba, heveo nani, Hermón ilka ra, Mispá tasbaya aiska ra king nani sut bâra iwi nani ba ra baha nani wal ai bîla blikan.

Jasua 24:11

Bara man nani Jordan awala lui bara Jeriko kat balram. Jeriko ra iwi kan nani ba amorreo nani, ferezeo nani, Kenan uplika nani, hitita nani, gergeseo nani, heveo nani bara Jebús uplika nani. Man nani mampara aiklaban, sakuna yang pura luaia maikri man nani ra.

Jasua 3:10

Dawan rayakira ba man nani tilamra bâra ba tânka man nani naku brima, man nani awala lui auma ba tâmra witin wabia, bara Kenan uplika nani ba, hitita nani, heveo nani, ferezeo nani, gergeseo nani, amorreo nani bara Jebús uplika nani ba sut munka plapbia.