Kli Smalkanka 6:6 - DAWAN BÎLA AISKA

⁶ “Diara sut yang aisari ba sinskam ra ulbi mangkma,

Kli Smalkanka 6:6 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

2 Samuil 22:23

Ai lâka daukanka nani sut yu bani maiwan kat brisna; ¡ai lâka nani wina yu kum sin tnaya ra tawras kapri!

Lawana Nani 119:11

Man bîlam aisinka nani ba kupi ra mangki briri, yang bui man mampara saura daukaia apia ba mata.

Lawana Nani 119:13

Yang bui upla nani ra wimni, man bîlam ni aisi daukram lâka nani dahra ba.

Lawana Nani 119:30

Kasakka tânka yabalka ba bâk saki briri, bara brin ai daukisa lâ nani aisi daukram lâka ba sin.

Lawana Nani 119:98

Man lâmka bîla nani, yang lâika sa ban kaia ra; waihli nani wal kanra sinskira ai daukisa;

Lawana Nani 37:31

Dawan smalkanka bîla ba, witin ai lukanka ra brih taukisa; ¡baha mita witin nani ai mina ba lalalras!

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Sins Lâka 3:5

Dawan ra kupiam aiska ni kasak luki bas, bara man sinskam lâka ba kat tniwi kapara.

Sins Lâka 7:3

Baha nani mihtam sirpi nani ra wilks; lukankam kat ulbi mangks.

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Luk 2:51

Bara witin nani aikuki Nasaret ra wan, piua bani sin witin nani bîla wali dauki kata. Ai yaptika lika diara nani sut ba ai kupia ra mangki bri kan.

Luk 8:15

Sakuna saumuk mâ nani tasba pain ra kauhan ba sika, baha uplika nani ai kupia pain ni, ridi pali Dawan bîla smalkanka ba waluya, bara piua bani kasak ban sa, bara mâ pain pali sakuya.

2 Korint 3:3

Man nani sika Kraist pali mita ulban wauhkataya kumi sma ba, bara yang nani bâk blikan ba. Man nani sika wauhkataya kumi ink laya ni ulbras ba, sakuna Gâd rayakira Spiritka ba ni; naha lika wauhkataya kumi walpa ra ulban ba sâtka lika apia, kuna upla nani kupia ra ulban ba.

Kli Smalkanka 11:18

“Naha bîla nani na kupiam ra bara sinskam ra alki bris; mihtam ra bara lamla purara sin sain baku mangks.

Kli Smalkanka 11:20

Wamtla playa nani ra bara durkam nani ra sin ulbi mangks,

Kli Smalkanka 32:46

Bara Israel luhpia nani ra win: “Yang bui man nani ra mai wîri ba dukiara naiwa pain luki kaiks, bara luhpiam nani ra wis naha lâka daukaia trai kaikbia.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

2 Jan 1:2

Diara kasak pali wan kupia ra bri ba mita, yang bui man nani ra latwan mai kaikisni, bara baha dukia kasak pali ba sin, ban wan kupia ra kabia.