Kli Smalkanka 6:4 - DAWAN BÎLA AISKA

⁴ “Wals, Israel: Dawan wan Gâdka ba Dawan kumi sa.

Kli Smalkanka 6:4 ပူးပေါင်းရင်းမြစ်များ

1 King Nani 18:21

Bara Ilayas upla nani ba lamara wih win: —¿Ahkia kat man nani ba lukankam wâl brisma ba swiaisma? Dawan ba Gâd sa, ai nina blîks, bara Baal ba gâd sa kaka, witin ninara was. Bara upla nani pana diara aisaras kan.

2 King Nani 19:5

Bara king Ezequías wihtka nani ba Aiseya kaikaia balan,

1 Kronikas 29:10

Baku bamna, Debit bui Dawan ra sin yamni pali win, upla nani sut mawanra, naha bîla nani aisi: “¡Dawan, yamni pali kama, wan aisika Israel Dawanka sma ba!

2 Kronikas 17:9

Baha nani blikan wan kata Dawan lâ wauhkataya bri ba wal, Juda uplika nani ra smalkbia dukiara. Bara witin nani Juda tawanka nani aiska ra tauki banhwan.

Nihimaya 9:6

Bara Esdras aisin: “Man lika Dawan sma, bara kau wala âpu. Man kasbrika pura ba daukram, bara kasbrika nani kau purkara ba sin, slilma nani ba, tasba ba, baha bilara dîa dîa bâra ba sin man daukram, bara kabu nani ba, kabu bilara dîa dîa bri ba sin man daukram. Baha mita sika, slilma nani ba kasbrika pura wina mamyuni ba.

Lawana Nani 78:5

Gâd mita lâ kum mangkan, Jekob dukia; Israel ra nahki watauki kaia lâka ba, bara adar yaban wan damika nani ra ai kiamka nani ra smalkbia wisi;

Lawana Nani 86:10

Man baman sika Gâd; man baman tara sma bara diara tara nani daukisma.

Aiseya 42:8

Yang sika Dawan, baha ba yang nini sa, bara yang praina ba upla wala ra yabamna apia. Bara aidul nani ra sin sip mayunras yang sirki ra.

Aiseya 44:6

Dawan, Israel kingka witin ra swaki saki ba, Dawan karnika sut bri ba, witin aisisa: “Yang sika diara sut tâura sna, ningkara sin yang bâra sna ba. Yang tnaiya ra Gâd wala âpu sa.

Aiseya 44:8

¡Man nani si bripara, man nani sin tâ iwpara! ¿Blasi pali kankika ba piua wina, maikri man nani walram bara sin mai wîri kan apia? Man nani ba sika yang witniski nani sma. Gâd wala âpu, yang baman; yukuwaia watla wala âpu; kaikras sna wala kra.”

Sakaraya 14:9

Baha yua ra, wan Dawan ba tasba aiska ra king aimakbia. Wan Dawan kumi baman kabia, ai nina sin kumi baman kabia.

Matiu 22:37

Jisas bila: —‘Dawan Gâdkam ra latwan kaikma kupiam aiska kira, sulkam aiska kira bara sinskam aiska kira ni sin.’

Luk 10:27

Lâ Smasmalkra ba pana win: —Dawan Gâdkam ra latwan kaikma, kupiam aiska, sulkam aiska kira, karnikam aiska kira, bara sinskam sin aiska kira; bara uplikam ra sin latwan kaikma man wînam ra latwan kaikisma ba baku.

Jan 10:30

Yang na Aisa wal kumi pali sni.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Roman 3:30

Gâd ba kumi baman sa, wala âpu; kasakkira luki nani ba witin mita pât wina pri sakisa, Aisa sainka bri nani ba briras nani ba lukras.

Epesus 4:6

Gâd kumi baman sa upla nani sut Aisika. Witin lika sut purkara sa, diara sut bâk ai warkka daukisa, bara sut ra sin dimi iwisa.

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Kli Smalkanka 5:6

‘Yang sika man Dawan Gâdkam, Idsip tasbaya ra alba kapram ba wina mai sakri ba.

1 Timoti 2:5

Gâd kumi baman bâra sa, bara Gâd, witin lika upla nani wal asla kumi dauki ba sin kumi baman sa; baha sika Jisas Kraist, bara witin ba sin upla sa.

Jems 2:19

Man kasak lukisma Gâd kumi baman bâra sa, bara baha ba aitani daukisma; sakuna lasa nani ba sin kasak lukisa, bara sibri tatatwisa.