Kli Smalkanka 6:24 - DAWAN BÎLA AISKA

²⁴ Dawan wan Gâdka wan blikan naha lâka nani ra sut yawan trai kaikaia bara tara kulkaia, yamni waia wan rayaka sin main kaiki bri kaia nanara baku.

Kli Smalkanka 6:24 ပူးပေါင်းရင်းမြစ်များ

Lawana Nani 41:2

Naha tasba ra Dawan bui witin nani ba kan kahbi kabia, rayaka sin alki bribia, liliaka sin yabia, ai waihla nani witin ra munaia luki ba mihta ra sin mangkan kabia apia.

Lawana Nani 41:3

Siknis ai krikrika ra prawi ba ra, Dawan bui witin ra ai karnika yabisa; ai sikniska nani wina sin rakisa.

Lawana Nani 66:9

Kan witin raya wan brisa bamna, witin sin wan swin kauhras.

Impakan Sturka 20:20

Bara Moses pana witin nani ra win: —Man nani si bripara. Gâd balan man nani tânkam aihwa sapa trai kaikaia, bara man nani yu bani witin bîla wali witin ra sibrin luki kaia ba mata, baha mita man nani bui witin mapara saura yabaia apia.

Sins Lâka 22:4

Dawan ra bawaia lâka bara pain kulkaia lâka ba wal baha wina lika prisantka dukia kukanka nani takisa, yamni kulkan lâka bara rayaka sin.

Sins Lâka 9:12

Man sinskira kama kaka, yamnika nani ba man pali wînam hilpka brima; bara man trabil babukra sma kaka, baha sin man yakan wînam ra baha pâtka nani ba wapni daukma.

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Luk 10:28

Bara Jisas pana win: —Man pain wiram. Naha na dauks, bara raya ban kaia ba brima.

Roman 10:5

Moses lâka bâk Gâd mita pâtkas kulkisa kaka, Moses mita naku ulban: “Ani uplika lâ ba kat pain daukisa kaka, witin lâ ba mita raya kabia.”

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 4:4

Sakuna man nani sut, Dawan Gâd ra kasak kapram ba, kau raya banhwisma.

Kli Smalkanka 6:2

Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.

Kli Smalkanka 6:23

Sakuna baha wina yang nani ai sakan, bara wan almukka nani ra swer takan kuntrika ra wan brih wan.

Kli Smalkanka 8:1

“Naiwa lâ nani maikisna ba, man nani daukaia trai kaiks, bara baku sip kama man nani raya kaia, bara ailal sin sahwi naha kuntrika Dawan bui damikam nani ra yabaia win ba dakbi brima.

Kli Smalkanka 8:3

Pât maikan plun wauhram, sakuna ningkara manâ maikan, man nani kaikras sma ba damikam nani sin kaikras kan ba. Mamrikaia want sa upla ba plun wina baman raya apia ba, sakuna bîla bani Dawan bîla wina taki ba mita raya sa.