Kli Smalkanka 6:2 - DAWAN BÎLA AISKA

² Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.

Kli Smalkanka 6:2 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Blasi Sturka 22:12

Insal ba witin ra win: —Tukta ba ikaia mihtam bukpara, kan nanara yang pat mai kaikisna man lika Gâd ra sibrin lukisma ba, man luhpiam unhsak ba Dawan ra yabaia apia wiras sma bamna.

1 King Nani 8:40

Baku man sibrinkam wal iwi kabia, ai damika nani ra tasba yaram ba ra iwi piua ra.

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Lawana Nani 111:10

Sins lâka kau tara briaia ba lika, Dawan ra pain kulkaia lâka ba; witin ra kulkanka yabi nani ba, lâ wapni daukanka brisa. ¡Dawan ra mayunra ba ban kaia ra ban kabia!

Lawana Nani 128:1

Lilia pali sma man, Dawan ra kulki, bîla wali daukisma ba.

Lawana Nani 91:16

Witin ra rayaka yari kaia yabamni; ¡bara swaki sakan lâka liliaki ba sin yabamni!”

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Impakan Sturka 20:20

Bara Moses pana witin nani ra win: —Man nani si bripara. Gâd balan man nani tânkam aihwa sapa trai kaikaia, bara man nani yu bani witin bîla wali witin ra sibrin luki kaia ba mata, baha mita man nani bui witin mapara saura yabaia apia.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 3:16

Mihta aihkika ba yua nani yari wankisa; bara smihka ba lika, yuya bara kulkanka lâka wankisa.

Sins Lâka 9:11

Tingki manis sins lâka ra, yuam nani kau ailal maikbia, bara rayakam manka nani sin kau pura praki maikbia.

Smasmalkra 12:13

Smalkanka ba tnata alkan sa. Pat diara sut win sa, Gâd ra kulks bara ai lâka nani ba dauks, kan baha ba upla sut daukaia sa.

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Isikiel 20:19

Wîri: Yang sika man nani Dawan Gâdkam. Lâika bîla ba kat, ulbanka ba kat sin daukbia,

Luk 12:5

Sakuna yang mai wimna yaura lika sibrin briaia ba: Wînam tara ikan ba ningkara sulkam ba sin hil pauta ra lulkaia karnika bri ba ra lika, sibrin luks. Âu, witin ra sibrin luki bas.

Kli Smalkanka 10:20

“Dawan Gâdkam bîla wali dauki bas, bara witin ra baman mayuni bas; man nani kasak bas, witin ai nina ra baman swer taki bas.

Kli Smalkanka 11:9

bara Dawan bui man nani damikam bara ai kiamka nani ra yabaia pramis munan tasbaya ra, mani ailal raya kama; nasma bara tialka laya lî aubi baku tasbaya ra.

Kli Smalkanka 13:4

Dawan Gâdkam ra baman mayuni asla witin ra iwi, ai nina bliki bas.

Kli Smalkanka 15:5

naiwa naha lâka nani yang bui man nani ra maikisna na, main kaiki bara daukaia trai munma kaka.

Kli Smalkanka 22:7

sakuna luhpia ba baman alkaia, kuna yaptika ba lika swika wabia, baku yamni kama tasba ra bara piuam sin yari kabia.

Kli Smalkanka 30:19

Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Kli Smalkanka 30:20

Dawan Gâdkam ra man nani latwan kaiki bas, bîla wali dauki kasak bas, kan man nani rayakam ba witin wina sa bamna. Bara mani ailal baha kuntrika ra iwma, damikam nani ra Dawan Ebraham ra, Aisak ra bara Jekob ra yabaia win ba.”

Kli Smalkanka 4:10

“Man nani Horeb ilka ra, Dawan Gâd lamara kapram ba piua ra, Dawan bui ai win: ‘Upla nani ba asla dauks bara yang bîli aisari ba wali, yang ra maiyuni kaia lan takbia, ai yua nani sut ra; ai luhpia nani ra sin smalkbia baha dauki kaia ba.’

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

Kli Smalkanka 4:9

Baku bamna aman kaiks, diara nani kaikram ba âmya tiki banhpara. Ban kaia ra, sinskam wina sin sâkpara. Man ra yamni kabia luhpiam nani ra bara mulam nani ra sin smalkma.

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.

Kli Smalkanka 6:1

“Naha sika lâ nani ba, lâ nani bara diara daukaia lâka nani ba, Dawan Gâdkam mita man nani ra mai smalkaia ai win ba, baha kuntrika ba man nani pliskam brima ba ra lâka nani na daukaia.

Kli Smalkanka 6:24

Dawan wan Gâdka wan blikan naha lâka nani ra sut yawan trai kaikaia bara tara kulkaia, yamni waia wan rayaka sin main kaiki bri kaia nanara baku.

Kli Smalkanka 6:7

bara luhpiam nani ra ban smalki bas, wamtla ra kama, yabal ra kama sin baha dukiara aisi bas, aitnikisma piua ra, krikrikam wina kli buisma piua ra sin.

Jasua 4:24

Baku upla nani tasba aiska ra wali tânka bribia, Dawan karnakira ba nahki diara dauki ba, bamna man nani piu sut Dawan Gâd ra pain kulkan lâka ba yabi kama.”

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.