Kli Smalkanka 6:13 - DAWAN BÎLA AISKA

¹³ Dawan Gâdkam ra mayuns bara witin warkka baman dauki bas, bara swer takaia kaka, Dawan nina ra baman dauki banhwi bas.

Kli Smalkanka 6:13 ပူးပေါင်းရင်းမြစ်များ

Blasi Sturka 24:3

bara yang ra swer taki ai wis Dawan nina ra luki, kasbrika pura bara tasba wal Gâdka ba nina ra, man bui yang luhpi waitna maya ba naha Kenan tasbaya yang nâra iwisna na tasbaya mairka nani na tila wina pliki maya baikaia apia.

2 King Nani 17:36

Sakuna yang ra kulkanka aiki banhs, Dawan Gâdkam sna ba, ai karnika aiska mariki Idsip wina mai sakan ba. Yang ra baman kulkanka aikaia sma, bara mayunra aikaia bara yang ra sin sakripais nani dauki aikaia.

Lawana Nani 15:4

bahki kulkan uplika ba witin bui bahki kulkisa, sakuna Dawan ra kulki uplika nani ba, witin kulkisa; witin trabil briaia kat sin swer takisa, sakuna ai kupia aihka lakras;

Lawana Nani 63:11

Sakuna king ba lika, Gâd ra lilia tara bribia; witin ra swer taki lilia lawana aiwani mayuni kabia, sakuna kuninkira nani bîla ba lika, prakan kabia.

Impakan Sturka 20:7

“Dawan Gâdkam nina ba, diara bahki lâka daukaia dukiara brih mâkpara. Kan witin ai nina diara bahki daukaia dukiara brih mâki nani ba, klala yabras ban pâtka swih tikbia apia sa bamna.

Impakan Sturka 23:25

Dawan Gâdkam ra puram suni mayuni bas, bara witin mita patam nani ra lî nani ba pura ai yamnika yabi kabia. “Yang sin siknis nani ba, man nani wina laihura sakamni.

Aiseya 45:23

Yang nini mâki swer takri ba, yang bîli dîa takan ba pura luan lâka ra bara baha ba kli ai ninara tawbia apia: lula nani sut ba yang ra ai lula krikan kabia, bara twisa bani sin swer takbia.

Aiseya 48:1

“Jekob watla uplika, man nani naha na wals, Israel nina ni mâki ninam mâkan ba, bara man nani ba Juda kiamka, Dawan nina ra swer taki nani sma ba; bara puram suni daukisma ba, Israel Gâdka dukiara, sakuna wapni lâka ra apia, kasakka lâka ra sin apia;

Aiseya 65:16

Ya ya kabia naha tasba ra yamni munaia lâka plikbia ba, Gâd kasakkira ba mita yamni munan kabia; bara ya tasba ra swer taki aisin kabia ba, Gâd kasakkira ba nina ra swer takbia. Blasi sarka lâka bâra kata ba sut âuya tiwan kabia, baha nani sut nakra nani wina yukukan kabia.

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Jirimaya 5:2

Upla ailal bâra sa Dawan nina ra aisi swer takisa, sakuna witin nani kunin man aisisa.”

Jirimaya 5:7

Dawan naku aisisa: “¿Naha pâtka nani sut na nahki ban swih tikamna? Man luhpiam nani ba lulki ai swin, bara gâd apia nani ba mayunisa. Yang bui witin nani ra plun ailal pali yabri, sakuna witin nani lika yang wal wapni apia kan, witin nani sut aiska ba ur tatakra takan.

Libait Lâka 19:12

“Yang nini mâki pramis kunin daukpara, kan Gâdkam nina sauhkisma. Yang sika Dawan.

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Matiu 5:33

“Man nani sin pat walram damikam nani ra win ba: ‘Swer taki Dawan mawanra aisaram ba kat daukaia sma.’

Luk 4:8

Sakuna Jisas pana win: —Ulbanka ba wisa: ‘Man Dawan Gâdkam ra puram suni mayuns, bara witin dukia baman dauks.’

Kli Smalkanka 10:12

“Nanara, Israel luhpia nani, ¿Dawan Gâdkam man nani wina dîa makabisa? Ai bîla wali ai yabalka nani sut nina blîkma baman, kupiam aiska kira, sulkam aiska kira latwan kaiki mayuns,

Kli Smalkanka 10:20

“Dawan Gâdkam bîla wali dauki bas, bara witin ra baman mayuni bas; man nani kasak bas, witin ai nina ra baman swer taki bas.

Kli Smalkanka 13:4

Dawan Gâdkam ra baman mayuni asla witin ra iwi, ai nina bliki bas.

Kli Smalkanka 13:5

Bara baha prapitka, apia kaka yapi kakairika ba pât ra lakan kabia, Dawan mapara buaia mai smalkan bamna, witin bui Idsip ra alba ra mai dingkan kan wina pri mai sakan ba, bara Dawan Gâd mita yabal nani mamriki adar maikan, baha nani wina tnaya ra tawaia. Baku lika saura lâka man nani tilamra ba, âpu daukan kabia.

Kli Smalkanka 5:11

‘Dawan Gâdkam nina ba diara bahki lâka daukaia dukiara brih mâkpara, kan witin ai nina diara bahki daukaia dukiara brih mâki nani ba, klala yabras ban pâtkas swibia apia sa bamna.

Kli Smalkanka 5:29

Aitani kabia baku natka ra ban luki kaia, bara ai kulki lâika bîla nani sin yu bani ra ban bri kaia. Witin nani ai rayaka, ai luhpia nani rayaka sin yamni bribia.

Kli Smalkanka 6:2

Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.

Jasua 2:12

Bahamna yang bui man nani ra makabisni nanara man nani bui yang ra swer takma, yang bui man nani ra yamni mai munisna na baku, man nani sin yang bara taiya nani ra sin baku yamni munaia. Man nani sin kunin aisapara, diara kasak daukisma ba sainka sin kum aik,

Jasua 23:7

Aiblakpara upla wala nani man nani tilamra nâra iwi nani ba wal, baha nani gâdka ra mayunpara, baha nani bîla wali sin daukpara. Baha nani gâdka nina sin mâkpara, gâdka bahki ba nina mâki sin aisapara, swer sin takpara.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

1 Samuil 20:3

Sakuna Debit kli kli aisi, win: —Papikam kasak tânka brisa, man bui yang ra yamni lukisma ba, bamna witin brin daukras sa man naha tânka brima bara kupia wirha takaia. Sakuna yang lika Dawan nina ra, man ra swer taki aisisna, kau mini kum bukamna ba prura kat taibaia sna.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”