Kli Smalkanka 6:12 - DAWAN BÎLA AISKA

¹² Baku kabia kra sin Dawan ra âmya tikpara, Idsip ra alba kapram wina mai sakan ba.

Kli Smalkanka 6:12 ပူးပေါင်းရင်းမြစ်များ

2 King Nani 17:36

Sakuna yang ra kulkanka aiki banhs, Dawan Gâdkam sna ba, ai karnika aiska mariki Idsip wina mai sakan ba. Yang ra baman kulkanka aikaia sma, bara mayunra aikaia bara yang ra sin sakripais nani dauki aikaia.

2 King Nani 17:38

Âmya tikpara man nani wal lâ aisi daukri ba dukiara, ba purkara sin upla wala gâdka bahki nani ra sin si bripara.

Job 8:13

Saurakira nani ba sin baha baku takisa, Gâd ra ai âuya tiki nani ba, bîla kaikanka nani bri ba sut saura baman takisa.

Lawana Nani 103:2

Dawan ba yamni sa wimni, sulki aiska ba wal; ai yamnika nani kumi sin, âiya tikamna apia.

Lawana Nani 44:17

Baha pâtka nani sut yang nani ra ai alkan ba, yang nani bui man ra âiya mai tikri tâka apia. ¡Yawan wal lâ daukan lâka ba krikras!

Lawana Nani 59:11

Man bui witin nani ra kupiam swapni bripara, upliki nani ba ban kabia dukiara; yakabrira dauks, man karnikam ba wal, bara yas man ra bawbia. ¡Dawan ba sika wan kan kahbaika ba!

Lawana Nani 78:7

bara witin nani Gâd ra kasak lukbia bara ai âuya tikbia apia, dîa witin nani ra daukan ba; witin nani ai lâka bîla mangkan ba, alki daukbia dukiara.

Impakan Sturka 13:14

Baha piua nani ba balbia ba ra, luhpiam nani man nani ra mamkabi walbia kaka: ‘¿Naha daukisma na dîa tânka sa?’ Man nani bui witin nani ra wima: ‘Idsip tasbaya ra yang nani alba lâka ra iwi banhwi kapri ba ra, Dawan bui witin ai karnika tara ba wal baha wina bri sal wan sakan ba tânka.

Impakan Sturka 13:3

Bara Moses baha bîla ba upla nani ra win: “Baha yua ba kupiam krauki bas, Idsip tasbaya ra alba lâka ra iwi kapram ba, Dawan mita ai karnika tara ba wal baha tasbaya wina bri sal mai sakan bamna. Bahamna man nani brit îs wal daukan ba piaia apia sma.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Sins Lâka 30:9

Kan yang brinki ba pura lui brimna kaka, bara mai kulkras naku mai wimna: “¿Dawan ba ya sa ki?” Apia kra diara luha kamna kaka, upla dukia alkamna bara alkamna ra; Dawanki, ninam sin lahtubi aisamnara sîa.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Aiseya 51:13

¿Dawan mai papaskra ba, pat âmya tikaisma, witin kasbrika pura nani ba bri sal saki bapan ba? ¿Bara man yu aiska ban sibrin tatatwi ban kaisma, baha nani ai kupia baikanka ra sarkam paski ba dukiara, witin nani mai slingbi tikaia ridi taki buan ba sîa? ¿Sakuna kupia baiwanka ra sarkam paski nani ba anira sa?

Jirimaya 34:13

“Yang, Dawan, Israel Gâdka, man nani damikam nani Idsip wina sakri taim witin nani wal lâ kum daukri, bahara witin nani alba warkka dauki kan. Witin nani ra wîri

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

Kli Smalkanka 32:18

“Israel, aisikam bara kainam kakahbra ba âmya tikram; rayakam maikan Gâdka ra âmya tikram.

Kli Smalkanka 4:23

Sakuna aman kaiks, Dawan Gâd bui man nani wal ai lâka aisi daukan yaba âmya tikpara. Aidul lilka kumi sin daukpara, Dawan Gâd mita waihlam mai kulkan ba,

Kli Smalkanka 4:9

Baku bamna aman kaiks, diara nani kaikram ba âmya tiki banhpara. Ban kaia ra, sinskam wina sin sâkpara. Man ra yamni kabia luhpiam nani ra bara mulam nani ra sin smalkma.

Kli Smalkanka 8:10

Pih âmyapah kama ningkara, Dawan Gâdkam ra tasba disang maikan ba dukiara mayuns.

Kolosi 2:8

Man nani aman kaiki bas: Upla nani kunin baman diara bahki aisi ba mita yarka kunin mai muni mai brih wabiara; kan baha nani ba Kraist ra ai tâ baikras sa, sakuna upla iwanka lâka kat bara naha tasba lâka karnika baman ra wataukisa.

Wihta Nani 2:12

Witin nani Dawan ba swin, ai damika nani Gâdka, Idsip wina witin nani ra saki bri balata ba. Bara upla nani witin nani ai lamara kir iwi kan ba mihta ra kauhan, bara baha nani gâdka nani ra mahka mayunan, bara baku witin nani Dawan kupia sauhkan.