Kli Smalkanka 5:29 - DAWAN BÎLA AISKA

²⁹ Aitani kabia baku natka ra ban luki kaia, bara ai kulki lâika bîla nani sin yu bani ra ban bri kaia. Witin nani ai rayaka, ai luhpia nani rayaka sin yamni bribia.

Kli Smalkanka 5:29 ပူးပေါင်းရင်းမြစ်များ

1 Kronikas 29:18

Dawan, almukki nani Ebraham, Aisak bara Israel Gâdka, naha man uplikam nani ai kupia wilinkira lâka bri ba ban kaia ra bris, bara yarka ai kupia ba man kat wapi kabia.

Lawana Nani 106:3

Lilia pali sa baha nani kasakka lâka dauki ba, bara piua sut diara kasak baman dauki ba.

Lawana Nani 19:11

Baha lâka nani ba mita, naha nampakan sna na kupia kraukuya; baha lâka bîla nani wali dauki ba wina, nampakan ra diara yamni uya takisa.

Lawana Nani 19:12

¿Ya witin ai swakwanka nani tânka briaia sip sa? ¡Yukuwan ra daukri pâtki nani daira walras sna ba, baha wina man klir ai sâks!

Lawana Nani 78:7

bara witin nani Gâd ra kasak lukbia bara ai âuya tikbia apia, dîa witin nani ra daukan ba; witin nani ai lâka bîla mangkan ba, alki daukbia dukiara.

Lawana Nani 81:16

Bara Gâd ai uplika nani ra plawar mâ kau pain ba wal dakakaia kan, bara nasma wail ba wal ai diranka daskaia kapri.

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Aiseya 48:18

¡Bamna man, yang lâika bîla nani ra walram kan kata! Bâra lika man ra kupia lâka ba awala kum baku kaia kan, bara yamnika nani man ra taki ba kabu ripka nani baku kaia kan.

Jirimaya 42:6

Dawan pana aisabia ba yang nani kupi lâka kabia, apia kra kabia sin, yang nani Dawan Gâdki bîla walamni, witin ra puram sunaia yang nani makabisna, baku yang nani ra diara sut yamni kaia dukiara.

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Luk 19:42

naku win: “Man kaikram kata, naiwa piua kupia kumi lâka dukiara dîa pali want sma ba; sakuna nanara baha sut ba yukukan sa, bara man sip kaikras.

Jan 15:14

Bamna man nani sika upliki nani, yang dîa mai wisna ba sut daukma kaka.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Epesus 6:3

bara baku mika naha tasba ra lilia kama bara piuam sin yari brima.”

Kli Smalkanka 10:12

“Nanara, Israel luhpia nani, ¿Dawan Gâdkam man nani wina dîa makabisa? Ai bîla wali ai yabalka nani sut nina blîkma baman, kupiam aiska kira, sulkam aiska kira latwan kaiki mayuns,

Kli Smalkanka 10:20

“Dawan Gâdkam bîla wali dauki bas, bara witin ra baman mayuni bas; man nani kasak bas, witin ai nina ra baman swer taki bas.

Kli Smalkanka 11:1

“Man nani bui Dawan Gâdkam ra latwan kaiks, bara ai lâka nani ba kat dauks piu bani ra, ai lâka nani maikan ba ban bri bas.

Kli Smalkanka 12:25

Pipara, bara man nani lika Dawan nakra ra wapni baman daukisma tâwan, man nani bara luhpiam nani ra yamni baman wabia.

Kli Smalkanka 12:28

“Yang dîa man nani ra mai wîri ba alki dauks, bamna man nani bara luhpiam nani ra sin, ban yamni baman waia dukiara, Dawan nakra ra wapni baman dauki kapram ba mita.

Kli Smalkanka 19:13

Kupiam ra umpira lukpara, bara baku lika Israel ra tala pâtkas laikbia apia. Baha mita diara sut ba pain kabia.

Kli Smalkanka 22:7

sakuna luhpia ba baman alkaia, kuna yaptika ba lika swika wabia, baku yamni kama tasba ra bara piuam sin yari kabia.

Kli Smalkanka 4:10

“Man nani Horeb ilka ra, Dawan Gâd lamara kapram ba piua ra, Dawan bui ai win: ‘Upla nani ba asla dauks bara yang bîli aisari ba wali, yang ra maiyuni kaia lan takbia, ai yua nani sut ra; ai luhpia nani ra sin smalkbia baha dauki kaia ba.’

Kli Smalkanka 4:2

Yang mai wîri ba, pura prakpara, dakbi sin sâkpara, Dawan Gâdkam dîa mai win ba kat dauks. Yang mai wîri ba kat,

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.

Kli Smalkanka 5:30

Wih wis witin nani kli tawi ai tintka watla ra wabia;

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.

Kli Smalkanka 6:17

Dawan Gâdkam lâka ba kasak kat dauki banhwi bas, witin ai lâka nani adarka ba sin.

Kli Smalkanka 6:18

Dawan nakra ra kasak wapni kat dauki banhwi bas, Dawan mita almukkam nani ra yabaia swer takan ba tasbaya ra yamni waia pliskam briaia.

Kli Smalkanka 6:3

Baku bamna, Israel luhpia nani, trai kaiks bara baku lika yamni wama bara upla ailal takma, baha tasbaya nasma bara tialka laya lî baku aubi ba, almukkam nani ra Dawan Gâdkam pramis munan ba.

Kli Smalkanka 8:6

Dawan Gâdkam lâka kat dauks, bara smalkanka nani maikan ba bîla wals.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Jems 1:25

Upla kum diara dauki ba mita, Gâd ai yamnika yabia lukisa kaka, aman walaia sa bara ai âuya tikaia apia sa; bara kasakka lâka pri wan dauki ba kat, aman pali tawi kaiki si, baha lâka nina blikaia sa, bara dîa wi ba kat sin daukaia sa.

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.

Rut 3:1

Yu kumi Noemí Rut ra win: —Luhpi mairin, yang lika man mayam kum pliki maikaia sna, man ra diara nani sut yamni baman taki kaia ba mata.