Kli Smalkanka 5:21 - DAWAN BÎLA AISKA

²¹ ‘Man uplikam maya mairin tumpara. Uplikam watla ba man wamtla baku brin mai daukbiara, nasla ba, ai albika waitna, ai albika mairin, ai bîpka wainhka, ai birikuka, diara wala nani sut ba man dukiam briaia brin mai daukbiara.’

Kli Smalkanka 5:21 ပူးပေါင်းရင်းမြစ်များ

2 Samuil 11:2

Tutni kum, Debit ai krikrika ra yapi si buan ba ra, king watla bahna purara wapi taukaia pliska ba ra wapi tauki kan, baha wina mairin painkira kum kaikan, ai katka siknis wina klin taki si bal aihtabi kan. Debit upla saki blikan, wih mairka ba tânka pliki kaikaia. Tânka pliki kaikan ba ra witin ra win baha sika Betsabé, Eliam luhpia mairin, Urías hitita ba maya. Debit bîla twatwilkra nani saki blikan mairka ba bri balaia, bara witin wal krikri ra aitnikan, baha ningkara kli ai watla ra wan.

Job 31:9

Mairin kum ra lihkisna kaka, apia kaka waitla lamara iwi ba mairka ra biki kaikri kaka,

Impakan Sturka 20:17

“Man uplikam watla tumpara, maya mairin, ai albika waitna bara mairin, ai bîpka wainhka, ai birikuka, diara wala sut witin ai dukia ba sin tumpara.”

Sins Lâka 6:25

Witin wîna tara painka ba kaiki kupiam ra brin mai daukbiara; ¡ai nakra mai kaiki ba wal, yabrika kupiam alkbiara!

Miqueas 2:2

Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Abakuk 2:9

¡Man nani sarkam pali ai daukisa, wamtla ra implikan dukia nani wal banhki dauki brisma ba, baha dukia nani ba ni yukuwaikam brih pât nani aula ba wina swak takaia lukisma!

Luk 12:15

Jisas naha sin wisata: —Upla diara bri ba tumisma ba aman kaiki damra wali bas man nani, kan upla rayaka ba lika diara ailal bri ba mita raya apia.

Roman 13:9

Gâd lâka nani ba wisa: “Man marit lâka sauhkpara, upla ikpara, implikpara, upla dukia sin tumpara”; sakuna naha nani na lâ bîla wala nani sut ba naha bîla nani wal asla prakan sa: “Upla wala ba man wînam baku latwan kaikma.”

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”