Kli Smalkanka 5:14 - DAWAN BÎLA AISKA

¹⁴ Bara yu 7 yua ba lika ris yua, wark takaia apia yua ba, Dawan Gâdkam ra kulkanka yabaia ris yua ba. Baha yua ra wark sâtka kumi sin daukpara, luhpiam waitna, luhpiam mairin, albikam waitna, albikam mairin, bîpkam nani, birikukam nani, daiwram wala nani, upla wala tawankam ra takaski nani ba sin apia, albikam waitna, albikam mairin ba sin ris bribia.

Kli Smalkanka 5:14 ပူးပေါင်းရင်းမြစ်များ

Blasi Sturka 2:2

Gâd ai warkka nani daukan ba yu 7 kat paski tnata alkan, bara ris brin.

Nihimaya 13:15

Bara baha yua nani ra Juda ra yang kaikri, tila upla nani wain mâ taibi laya saki kan, ris briaia yua ra wain daukaia. Baha purkara sin, plawar mâ nani sin twilki kan, bara muyul nani ba sin wain mâ wihta nani, kwah damni mâ nani bara diara sât sât nani karbanka sut pali twilki kan, ris briaia yua ra baha dukia nani ba Jerusalem ra brih wi kan. Yang bui witin nani ra lawi daukri baha yua ra witin nani diara bri si atki ba tâwan.

Nihimaya 13:16

Bara Tiro uplika nani sin bâra kan, witin nani lika inska bara diara wala nani sin Jerusalem ra bri bal, Ju nani ra atki kan ris yua ra.

Nihimaya 13:21

sakuna yang bui witin nani aikuki karna aisi wîri dîa muni witin nani tawan kutbanka lamara takaskisa, bara kli aima wala daukbia kaka silak ra wabia. Baha wina witin nani kli balras kan ris briaia yua ra.

Nihimaya 5:5

“Yang nani muihki aikuki tawanki kumi kiamka sna; yang nani luhpi nani witin nani ai luhpia nani wal sim sât sa. Ban sakuna kaiks, yang nani luhpi waitna nani bara luhpi mairin nani alba lâka ra pat mangki banhri sa. Pat baku daukan sa luhpi mairin nani tila pat alba lâka ra sa, sakuna yang nani sip takaskras, kan tasbayi nani bara wan nasla nani sin pat upla wala dukia takan sa bamna.”

Impakan Sturka 23:12

“Yu nani 6 ba bilara dîa warkka nani daukaia sma ba sut dauks, sakuna yua 7 ba aimakbia ba ra, ris bri bas, bîpkam wainhka nani, birikukam nani sin ris bribia, bara tringsar nani, albikam nani sin kli ai karnika briaia ba mata baku dauks.

Libait Lâka 23:3

“Man nani yu 6 wark taki bas, sakuna yu 7 yua ba wark sâtka kumi sin daukma apia; baha yua ba ris yua bâk sakan bamna, holi man nani aidrubi asla takaia sma. Ani anira iwi kama kra, baha yua ba holikira Dawan ra baman kulkanka yabaia yua sa.

Mark 2:27

Jisas naku sin win: —Ris yua ba upla dukiara daukan sa, sakuna upla ba ris yua dukiara lika apia.

Luk 23:56

Ai watla ra kli tawi balan ba ra, isint kîa pain nani bara batana nani sin ridi daukan. Ris briaia lâka ulban ba kat mairin nani ba baku daukan,

Kli Smalkanka 5:13

Yu matlalkahbi ba man wark takma bara diara sut daukaia brisma ba baha yua nani ra dauks.

Hibru Nani 4:4

Kan Ulbanka nani wina pîs kumi ra, yu 7 dukiara naku wisa: “Gâd lika ai warkka sut wina, yu 7 ba kat ris brin.”