Kli Smalkanka 4:9 - DAWAN BÎLA AISKA

⁹ Baku bamna aman kaiks, diara nani kaikram ba âmya tiki banhpara. Ban kaia ra, sinskam wina sin sâkpara. Man ra yamni kabia luhpiam nani ra bara mulam nani ra sin smalkma.

Kli Smalkanka 4:9 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Lawana Nani 119:11

Man bîlam aisinka nani ba kupi ra mangki briri, yang bui man mampara saura daukaia apia ba mata.

Lawana Nani 71:18

Dawanki, ai lulki ai swipara, ban almuk kra, tâiwa pihni kabia kra, kuna ban aisi kamna, man karnikam tara ba dukiara naha kiamka nani ra, bara aula nani ba ra sin.

Impakan Sturka 10:2

Bara man mita sin luhpiam bara mulam nani ra wiaia sma, yang nahki Idsip uplika nani ra lawaska kiki pulri ba, bara wark aihka tara nani sin witin nani tilara daukri ba. Baku man nani sin kaikaia sip sma yang sika Dawan sna ba.

Impakan Sturka 23:13

“Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Sins Lâka 1:8

Luhpi waitna, aisikam mai smalki ba wals, bara sin yaptikam mai smalki ba, bahki kulkpara.

Sins Lâka 23:26

Man bui yang ra aiska aman wali bas, yang luhpi; namkra nani sin yarka yang yabalki nani yamni kaiki kabia.

Sins Lâka 3:21

Luhpi, piu bani wapni lâka ba alki bas, âuya mâira lâka ba namkra wina lap tiwbiara.

Sins Lâka 7:1

Luhpi, yang bîli nani ban bri bas, bara lâika bîla nani ba sin ban lukankam ra bri bas.

Aiseya 38:19

Witinka nani raya ba, baha nani baman, Dawan, mayunra maikbia, naiwa yang daukisna ba baku. Aisika nani ba ai luhpia nani ra naha kasakka tânka na param marikan kabia.

Aiseya 42:20

Witin diara manis kaikisa, sakuna tânka nani ba kat sip alkras; binka nani ba walisa, sakuna tânka ba sip briras.

Jirimaya 17:21

Dawan aisisa: Ris yua ra man nani rayakam ra luki kaiki, man nani diara twilki bal Jerusalem getka nani ra dimpara.

Luk 8:18

“Baku bamna, pain wals; ya diara bri ba, witin ra kau yan kabia, sakuna ya âpu ba lika, witin dîa brisa luki ba sut ai mihta dakban kabia.”

Epesus 6:4

Aisa nani bara yapti nani, man nani luhpiam nani ra ai kupia baikaia tatuski kapara, sakuna Dawan latwan lâka ra witin nani ra smalki paks, lâ kat wapni tauki kaia.

Kli Smalkanka 11:19

Baha nani dukiara luhpiam nani ra aisi smalki bas, wamtla ra kama, yabal ra kama sin, bara aitnikisma piua ra, krikrikam wina kli buisma piua ra sin.

Kli Smalkanka 12:1

“Naha lâka nani sika man nani rayakam aiska ra trai kaiki kaia sma ba Dawan, damikam nani Gâdka mita tasba maikaia ba brima ba ra.

Kli Smalkanka 16:3

“Daiwan sakripais daukan ba, man nani wik kum brit îs mangkras wal pi bas, baha ba pât wahwan britka sika, kan isti pali Idsip wina takaia kapram, baku man nani rayakam aiska ra Idsip wina takram ba dukiara kupiam krawi kabia.

Kli Smalkanka 17:19

Baha ulbanka ba ban sait ra laki bri rayakam aiska ra aisi kaiki bas, Dawan Gâdkam ra tara kulki kaia, bara naha smalkanka lalka bani ba kulki ai lâka nani ba trai kaiki kaia,

Kli Smalkanka 29:29

“Diara nani bâra sa yawan tânka briras: baha nani ba Dawan Gâd dukia sa. Sakuna diara nani yawan ra marikan bara wan luhpia nani ra sin mariki ba, baha lika piu bani ra alki daukaia sa naha lâka nani na.

Kli Smalkanka 31:19

“Bara nanara naha lawana ulbi Israel luhpia nani ra smalks aiwanaia dukiara, bara naha na witnis kaia witin nani ai mapara.

Kli Smalkanka 32:46

Bara Israel luhpia nani ra win: “Yang bui man nani ra mai wîri ba dukiara naiwa pain luki kaiks, bara luhpiam nani ra wis naha lâka daukaia trai kaikbia.

Kli Smalkanka 4:10

“Man nani Horeb ilka ra, Dawan Gâd lamara kapram ba piua ra, Dawan bui ai win: ‘Upla nani ba asla dauks bara yang bîli aisari ba wali, yang ra maiyuni kaia lan takbia, ai yua nani sut ra; ai luhpia nani ra sin smalkbia baha dauki kaia ba.’

Kli Smalkanka 4:15

“Horeb ilka ra Dawan pauta klauhan lilapas wina man nani wal aisin piua ra, lilka kumi sin man nani kaikras kapram. Bamna aman kaiks,

Kli Smalkanka 4:23

Sakuna aman kaiks, Dawan Gâd bui man nani wal ai lâka aisi daukan yaba âmya tikpara. Aidul lilka kumi sin daukpara, Dawan Gâd mita waihlam mai kulkan ba,

Kli Smalkanka 6:12

Baku kabia kra sin Dawan ra âmya tikpara, Idsip ra alba kapram wina mai sakan ba.

Kli Smalkanka 6:2

Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.

Kli Smalkanka 6:20

“Luhpiam nani yu kum mamkabi walbia taim: ‘¿Dîa tânka sa naha lâka bara lâ adarka nani Dawan wan Gâdka wankan ba?’

Kli Smalkanka 6:7

bara luhpiam nani ra ban smalki bas, wamtla ra kama, yabal ra kama sin baha dukiara aisi bas, aitnikisma piua ra, krikrikam wina kli buisma piua ra sin.

Kli Smalkanka 8:11

“Aman kaiks Dawan Gâdkam ra âmya lap tikpara. Ai lâka nani ba daukras kapara, lâka nani aisi naiwa adar maikri ba.

Kli Smalkanka 8:14

Tara pulan lâka ni aibanhwi, Dawan Gâdkam âmya tikpara, alba kapram Idsip wina mai sakan ba.

Hibru Nani 2:1

Baha mita sika, yawan diara nani walan ba pain pali alki kaia sa, bara baku mika yawan yabal ba wina tnaya ra tawbia apia.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

Jems 2:22

¿Kaikras sma ki? Ebraham kasak lukanka ba ai daukanka wal kumi asla daukan sa; witin ai kasak lukanka lâka bara ai daukanka nani mita kasak pali marikan.

Jasua 1:18

Man bui diara nani daukaia wima ba, daukaia apia wisi bîlam walras mampara bubia uplika nani ba lika, prubia. Bamna yang nani mamkabisna kupiam karna brih bapi bûi bas.

Jasua 23:11

Bamna man nani pali aman damra wals, bara Dawan Gâdkam ra latwan kaiks.

Jasua 4:21

Bara witin bui Israel luhpia nani ra win: “Yu kum luhpiam nani man nani ra makabi walbia: ‘¿Naha walpaya nani na dîa tânka?’,

Param Marikanka 3:3

Kupiam krauki bas smalkanka briram ba, bara baha nina blîks bara kli tawi Gâd ra bal. Man raya apia kama kaka, âimplikra baku man ra wamna, bîli kaikras kama ba ra.

Wihta Nani 3:7

Israel luhpia nani daukanka ba Dawan bui saura kaikan, witin nani Dawan ra ai âuya tiki si, Baal bara Astarté ra ai pura suni kan.

Wihta Nani 8:34

Witin nani ai waihla ai kaina kir bri kan ba mita, Dawan Gâd bui witin nani ra swaki sakan ba lika ai âuya lap tikan.