Kli Smalkanka 4:39 - DAWAN BÎLA AISKA

³⁹ “Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Kli Smalkanka 4:39 ပူးပေါင်းရင်းမြစ်များ

2 Samuil 7:22

Baha ba mita, Dawanki, tara kaia lâka ba man dukiam. Kan man baku wala âpu sa, gâd wala nani sin âpu sa man tnamya ra, yang nani sut pat walri ba baku.

1 Kronikas 17:20

Dawan, man baku wala âpu sa, gâd wala man baku âpu sa, diara nani yang nani walri bara tânka brisna ba.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

2 Kronikas 20:6

bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

Lawana Nani 100:3

Kakaira taks man nani, Dawan ba sika Gâd; witin sika wan paskan bara yang nani witin dukia sna. Yang nani, witin ai uplika sna bara sîp daknika nani sin.

Lawana Nani 115:3

Yawan wan Gâdka ba kasbrika purara sa; witin mita ai brinka ba kat daukan.

Lawana Nani 135:6

Dawan witin dîa daukaia ba sut daukisa, kasbrika pura ra bara tasba ra sin, kabu tihuka nani ra ba sut.

Impakan Sturka 8:10

King fero aisi, win: —Yauhka pali puri suns. Bara Moses bila pana win: —Yang baku daukamna, bara man kaikma Dawan wala âpu sa, yang nani Dawanki Gâd ba baku.

Aiseya 1:3

Wark bîpka wainhka ba ai dawanka kaikisa, biriku sin ai dawanka daiwan watla ba; sakuna Israel yang upliki nani ai dara walaia tânka âpu sa.”

Aiseya 43:10

Dawan aisisa: “Man nani ba yang witniski nani sma, bara yang duki dadaukra, yang mita bâk sakri ba, man nani ai kaikma bara yang ra kasak lukaia bara man nani tânka brima yang ban sna ba; Gâd kumi wala yang kainira âpu sa, bara yang ningkira sin âpu sa.

Aiseya 44:8

¡Man nani si bripara, man nani sin tâ iwpara! ¿Blasi pali kankika ba piua wina, maikri man nani walram bara sin mai wîri kan apia? Man nani ba sika yang witniski nani sma. Gâd wala âpu, yang baman; yukuwaia watla wala âpu; kaikras sna wala kra.”

Aiseya 5:12

Pata tara dauki ba ra, arp, gitar tara, kingbi nani, plut bara wain sin bâra brisa; sakuna Dawan warkka nani ba lika kaikras, Dawan mihta warkka nani ba dukiara sin luki kaikras.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

1 Korint 8:4

Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

1 Korint 8:6

ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.

Kli Smalkanka 32:12

“Dawan bui man nani tâm brin, upla wala apia; ¡gâd tringsar wala nani kumi sin hilp mai munras!

Kli Smalkanka 32:29

Sinskira kan kaka ai tânka briaia kan, ai dahra walaia kan anira buaia ba.

Kli Smalkanka 4:35

Baku marikan tânka briaia, Dawan Gâd ba aihwakira sa, witin wina wala âpu.

Kli Smalkanka 6:4

“Wals, Israel: Dawan wan Gâdka ba Dawan kumi sa.

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,

Jasua 2:11

Baha sturka walri ba ra yang nani ra sibrin tara ai dingkan sa, upla kumi sin man nani mampara sip bubia apia. Kan Dawan, man nani Gâdkam ba, kasbrika purara ba baku naha tasba ra sin witin ba Dawan sa.

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!