Kli Smalkanka 4:38 - DAWAN BÎLA AISKA

³⁸ Man nani mawan wina nisan kau ailal karnakira kan ba lulkan, nanara baku, tasbaya kuntrika aiska sut man nani dawanka kaia.

Kli Smalkanka 4:38 ပူးပေါင်းရင်းမြစ်များ

2 Kronikas 20:11

Naha mana nanara wan aiklabisa, ai tasbaya wina kangbi wan sakisa, man tasba wankram kata wan dukia baku.

2 Kronikas 20:7

Wan Dawan, man mihtam kahbi sakram Israel luhpia nani mawanra, naha tasbaya luhpia nani ra yaram, ban kaia ra ban kabia, Ebraham kiamka man uplikam nani ba dukiara.

Kulki Kaikanka 32:4

Dawan mita baha tasbaya nani ba dakbi Israel luhpia nani ra yan ba, baha tasbaya nani ba twi manis pâwisa bîp nani pata. Yang nani dukiam dadaukra nani brisna ba sika bîp manis.

Kulki Kaikanka 34:14

Ruben bara Gad wal kiamka nani ai aisika watla uplika nani ba, Manasés kiamka nani sin baha nani tilara bakriki ba, witin nani ai tasbaya brih banhwan, Jordan, Jeriko wal lalma tani ra wan yu uli yaba tani ra.”

Kli Smalkanka 11:23

Dawan bui man nani mamwan wina baha nisanka sut saki lulkbia, bara man nani tawan kau tara karnakira ba dakbi brima.

Kli Smalkanka 2:31

“Bamna Dawan bui ai win: ‘Nanara Sihón bara ai kuntrika ba sut man mihtam ra mangkisa, bara mahka tasbaya ba dimi bris.’

Kli Smalkanka 7:1

“Dawan man nani Gâdkam bui maikka dimi kuntrika ba ra pliskam brima, bara nisan 7 kau tara karnakira ba man nani taima bara mamwan wina saki lulkma: hitita nani, gergeseo nani, amorreo nani, Kenan uplika nani, ferezeo nani, heveo nani bara Jebús uplika nani.

Kli Smalkanka 8:18

Dawan Gâd ra kupiam krauks, briaia dukiara witin karnikam maikan, damikam nani wal lâ aisi daukan ba man nani baku daukaia.

Jasua 3:10

Dawan rayakira ba man nani tilamra bâra ba tânka man nani naku brima, man nani awala lui auma ba tâmra witin wabia, bara Kenan uplika nani ba, hitita nani, heveo nani, ferezeo nani, gergeseo nani, amorreo nani bara Jebús uplika nani ba sut munka plapbia.