Kli Smalkanka 4:31 - DAWAN BÎLA AISKA

³¹ Witin kupia yamni sa, lulki mai swibia apia, man nani damikam nani wal aisi yan lâka ba ai âuya lap tikbia apia.

Kli Smalkanka 4:31 ပူးပေါင်းရင်းမြစ်များ

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

2 Kronikas 30:9

Man nani ba Dawan ra tawma kaka, waihlam nani nanara kat muihkam nani ra taibi bri ba, baku sin luhpiam nani ra taibi bri ba, umpira kaikbia bara swika kli ai tasbaya ra balbia. Kan Dawan man nani Gâdkam ba, kupia latwankira sa, bara upla ra kupia pihni lâka brisa, bamna man nani ra mai swibia apia, man nani kli witin ra tawma kaka.”

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Nihimaya 9:31

Ban sakuna, man kupiam swapnika lâka uya pali brisma ba mita sut âpu daukras kapram, lulki sin swiras kapram; kan man sika Gâd, kupiam swapni bara umpira kaikan lâka brisma ba tâwan.

Lawana Nani 103:8

Dawan ba upla ra tawa munisa, bara kupia swapni sa, wihka sin bîla kaikisa, ai latwanka lâka bri ba mita.

Lawana Nani 105:8

Kiamka tausin lui wabia kra, dîa pramis daukan lâka ba, ai âuya tikbia apia;

Lawana Nani 111:4

Man warkkam aihka daukram ba, sip wan âuya tiwras. Dawan ba ai warkka aihkakira nani daukan ba; sip wan âuya tiwaia apia daukan. Dawan ba kupia swapni upla ra umpira kaikisa.

Lawana Nani 111:5

Witin ra kulki nani ra plun piaia yabisa, wal lâ daukan ba witin kau luki kabia ban kaia ra.

Lawana Nani 111:9

Ai uplika nani ra pri lâka yan, bara wal lâ daukan ba ban kaia ra bapi swin. Gâd ba holi sa bara sibrinkira sa sin.

Lawana Nani 116:5

Dawan lika kasak kupia yamnikira sa; wan Gâdka upla ra latwan kaikisa.

Lawana Nani 86:15

Sakuna, man Dawan, latwankam swapni brisma ba wihka bîla kaikisma, lamtwanka lâka bara kasakkam lâka ba wal.

Lawana Nani 86:5

Dawan, man yamni sma, wan pâtka nani swih tikisma; man ra ai pura suni nani ba sut ra, latwan kaikisma.

Impakan Sturka 6:8

Ebraham ra, Aisak ra bara Jekob ra yaia pramis munri ba tasbaya ra mai brih wamna, bara tasbaya ba man nani dukiam maikamni. Yang sika Dawan.

Jirimaya 14:21

¡Ninam ban yamni kulkan kaia ba tâwan wan lulki wan swipara; naha tawanka tara na ban saura kulkpara bahara man iwaikam pranakira bâra ba! ¡Yang nani wal lâ daukram ba kau luki bas, baha âmya tiwbiara!

Jirimaya 30:11

Yang, Dawan, kasak aisisni man nani wal sna swaki mai sakaia. Nisan nani ba sut slingbamna baha nani tilara mai yakabri ba. Sakuna man ra lika mai slingbamna apia; klala lika maikamna, mana briaia sma ba kat: klalkam ba maikras lika mai swimna apia.”

Libait Lâka 26:42

Bara yang kupi kraukamni, Jekob, Aisak bara Ebraham sin aikuki lâ daukri ba, baku sin kupi kraukamni tasba ba dukiara.

Libait Lâka 26:44

“Baha mai wîri ba sut tilara, waihlam nani tasbaya ra kama ba ra, aiska pali saura mai kaiki, ban pali mai kulki swimna apia. Âpu pali mai daukamna apia, damikam nani wal lâ daukri, Jekob wal lâ daukri ba luki kamna, kan yang sika ai Dawan Gâdka.

Libait Lâka 26:45

Ban sakuna, kupi krauki kamni lâ nani witin nani aikuki daukri ba, Idsip wina sakri piua ra nisan nani mawanra witin nani Gâdka kaia. Yang sika Dawan.”

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Kulki Kaikanka 14:18

Pat pali kupiam sauhkpara bara kupiam takaski bris; kupiam pihni lâka ba kau tara sa, watawika lâka mapara buan lâka sin pâtkas ra swiras sma sakuna, man uplikam nani saura dauki ba ban klala yabisma, aisika bara yaptika nani watawika ba, luhpia nani ra, mulika nani ra, snawika kat.

Luk 1:72

wan damika nani ra sin umpira kaikbia, bara ai pramiska holikira witin nani wal daukan ba sin ai âuya tikbia apia.

Kli Smalkanka 31:6

Kupiam karna bri ban bapi bûi bas. Si bripara, sirang sin iwpara witin nani aikuki prawma taim, kan Dawan Gâdkam ba man nani wal kabia bara mai swibia apia, lulki sin mai swibia apia.”

Kli Smalkanka 31:8

Baha sim Dawanka man kainamra wabia bara man wal kabia, lulki yakan mai swibia apia; baha mita ban sibri kapara.”

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Jasua 1:5

Rayakam yua nani sut ra upla kumi sin man nani wal aiklabi, puram lui mai batakbia apia; yang lika man nani wal kamna, Moses wal kapri ba baku, lamamra ban kamna bara lulki mai swimna apia ban kaia ra.