Kli Smalkanka 4:28 - DAWAN BÎLA AISKA

²⁸ Dus, walpa aidulka, gâd bahki upla mita daukan ba, sip kaikras sa, walaia sin walras sa, piaia sin piras sa, ai wingka puhbras ba, bahara man nani baha warkka daukma.

Kli Smalkanka 4:28 ပူးပေါင်းရင်းမြစ်များ

2 King Nani 17:40

Ban sakuna, baha nisanka nani walras baku dauki kan, bara witin kau kanra ai natka almuk nani kan ba lika dauki kan; baha piua ra baha uplika nani Dawan ra baku sibrin luki kan, sakuna witin nani ban sin lilka bahki nani ra mayunra yabi kan. Bara baku sin ai luhpia nani bara mulika nani ba ai aisika nani dîa dauki kan ba kat daukan, bara ban sin naiwa kat daukisa.

Aiseya 26:14

Witin nani ba pruan sa, kli sin rawbia apia; witin nani ba rayaka âpu, kli raiti wina bubia apia; man bui witin nani ra klala yaram, witin nani ra lukaia lukra nani ba sin sut man mita sauhkram;

Aiseya 44:11

Upla sut mayunbia ba, swira lâka ra takaskbia. Aidul paski uplika ba waitna sa. Upla sut ba asla takbia kaka lâ pliska ra swira lâka ra takaskbia, bara sibrin ni banhwan kabia.

Aiseya 44:12

Yawan kaikpi ayan ni diara papaskra ba, nahki dauki ba: ayan klakaika ba ni alkisa, lapta dauki bara amar ni pruki wîna daukra ba daukisa. Ai klahkla karnika ni baha warkka takisa; witin tisku plun daukisa, piras sa kaka ai karnika nani sin âpu takisa, lî diras bara mahka swapni takuya.

Aiseya 44:9

Aidul lilka papaskra nani kumi sin diara apia sa, witin nani aidul ra kulkanka tara yabi ba bahki baman. Ya bahara ai pura suni ba blain banhwisa bara sin sinskas, ba mita swira lâka ra takaskbia.

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Aiseya 46:7

Witin nani ai pahpaya ra sunisa, witin nani twilki brih auya, bara ai watlika ra kahbi swisa bâra kabia dukiara. Baha ai watlika ra ba wina aiawras, witin ra winisa sakuna pana mapara aisaras, pât nani wina sin pri sakras.

Jirimaya 10:3

Baha uplika nani mayuni gâdka ba bahki pali sa. Dus nani pâwi ba tila wina dus kum klakisa; bara dus wina diara papaskra ba bal lilka kum karbi paskisa,

Jirimaya 10:5

Aidulka nani ba rayapisa nasla ra daiwan tnawira nani kangbaika paski ba baku paskisa; sip aisaras, witin nani mita twilki bri taukisa, sip wapras. Baha nani sîa bripara, baha nani upla kumi ra sin saura munras, yamnika sin yaras.”

Jirimaya 10:9

Aidulka nani silbarka ba Tarsis wina bri balan, gulka nani ba sin Ufaz wina bri balan; diara lilka karbi slilki dauki paski uplika nani paskan ba bara kwala balianta pauni ni prâka sipisa, baha sut ba âuya mâira diara paski uplika nani ba paskan.

Jirimaya 16:13

Baha tâwan, naha kuntrika wina man nani mai saki kuntri wala ra mai lulkaisna, man nani damikam nani sin kakaira apia kan ba tasbaya ra, bahara Gâd wala nani warkka dauki kama, yang bui man nani ra kupi swapni brimna apia.’

Isikiel 20:32

Man nani lamla ra diman, nisan wala nani tasba ra ba baku kaia, dus ra bara walpa ra mayuni ba, kuna baku kabia apia.

Isikiel 20:39

‘Israel luhpia nani, Dawan naku aisisa: ¡Man nani aidulkam nani ra mayunaia was...! Sakuna baha ningkara man nani bîli wali daukma, bara yang nini holikira ba kli tâski daukma apia, baha prisantka nani ba yabi aidulkam nani ra puram suni.

Apastil Nani Sturka 19:26

Ban sakuna, man nani pain kaikisma bara sin walisma, nahki naha waitnika Pal wi ba smalkisa, gâd nani upla ai mihta ni paskan ba lika bahki pali sa. Baku smalki ba mita upla manis kupia alkan, naha Epesus tawanka ra baman apia, sakuna Asia tasbaya aiska ra sin.

Apastil Nani Sturka 7:42

Bara Gâd lika witin nani wina tnaya ra takan, ban sin swin kasbrika purara ba slilmika nani ra ni ai pura sunaia. Baku sin prapit nani wauhkataya nani ra ulban sa: ‘Man nani Israel luhpia nani, daiwan nani iki banhwi bara sakripais dauki katma ba 40 mani upla iwras tasbaya ra, baha ba yang ra lika apia.

Kli Smalkanka 28:36

“Dawan mita man bara kingkam ba sin nisan wala ra yaka brih wabia, man nani bara man nani damikam nani sin kaikras kan ba, bahara gâd wala nani walpa dus ni daukan ba warkka dauki kabia.

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.

Kli Smalkanka 29:17

bahara yawan kaikan gâd kuninkira nani aidul nani dus ni paskan, aitani kulkanka âpu ba, walpa, silbar bara gul ni paskan, baha uplika nani mayuni ba.

Param Marikanka 9:20

Bara upla wala nani baha pâtka saura nani mita ikras kan ba, ai kupia lakras, diara saura nani dauki kan ba sin swiras, lasa nani ra ai pura suni mayuni kan ba gul ni, silbar ni, gul ni, walpa ni, dus ni paskan nani ra ai pura suni mayuni kan ba sin swiras, baha nani sip aisaras bara sip kaikras, sip walras, sip sin wapras ba.

1 Samuil 26:19

Yang bui king ra puri sunisni, man albikam aisinka na wals: Dawan bui king ba yang maipara blikisa kaka, prisantka kum yabrika bribia kaka lilia kamna; sakuna waitna bui daukisa kaka, Dawan bui lahtubia. Kan nanara Dawan tasbaya wina saki ai lulkan, bara baku plaitukbisa gâd bahki nani dukia daukaia.