Kli Smalkanka 4:27 - DAWAN BÎLA AISKA

²⁷ Dawan mita kiamka wala nani tilara mai yakabia, bara man tilam wina kulki baman raya kabia.

Kli Smalkanka 4:27 ပူးပေါင်းရင်းမြစ်များ

Blasi Sturka 11:4

Bara witin nani win ai walka nani ra: “Man nani bal, kaisa yawan tawan tara kum paskaia, bara utla karnakira purara pali sin kum mâkaia, watla bahna ba kasbrika alkaia praiska kat, bara baku natka ra yawan wan nina ba tara kulkan kabia, bara tasba mawanra sin yawan nani ba yakabrira baman tauki kabia apia.”

Blasi Sturka 34:30

Bamna Jekob bui Simian bara Libai wal ra aisi, win: —Nanara man nani mita yang na pât ra ai mangkram sa. Nanara naha tasbaya dawanka, Kenan uplika nani bara ferezeo nani ba mita yang ra misbara ai kaikbia. Witin nani asla taki yang maipara bal aiklabia. Upla maura man brisna bamna sut wan ikbia, baku sin wan taya nani ba sin sut ikbia.

Nihimaya 1:3

Bara witin nani naku ai wi banhwan: “Baha nani priski brih waras, upla iwras pliska wina swak takan nani ba, ai tasbaya ra witin nani saura pali swira lâka tara tilara bâra banhwisa. Bara Jerusalem sin, walpaya kutbanka kata ba sin aiska pali batakan sa, bara getka nani ba sut sin pauta ni angkan luan sa.”

Lawana Nani 106:27

Ai kiamka nani sin sut yaka prubia, bara idan nisanka nani tilara, yakabrira tauki kaia.

Lawana Nani 44:11

Sîp nani baku, sîp âikra nani mihta ra wan mangkram; idan nani tilara sin wan yakabram.

Lawana Nani 44:12

Man uplikam nani, sirpi mana atkram, baha atkram wina, man lika diara pura praki briras katma.

Aiseya 17:6

Diara maura baman bâra swin kabia; Oliv dusa yahbi swin ba baku; tnawa ra kau mâ wâl kra, apia kaka mâ yumhpa kra kau swin baku; tnawa kau mâyara ba ra, ban kra walhwal, apia matsip kra kau bâra kabia. Dawan Israel Gâdka baku wisa.

Jirimaya 16:13

Baha tâwan, naha kuntrika wina man nani mai saki kuntri wala ra mai lulkaisna, man nani damikam nani sin kakaira apia kan ba tasbaya ra, bahara Gâd wala nani warkka dauki kama, yang bui man nani ra kupi swapni brimna apia.’

Isikiel 11:16

Baku mita, wis: ‘Naku wisa Dawan ba: Yang mita kangbi sakri, bara tasbaya aiska ra yakabi kir lakri, kuntri tringsar nani tilara, sakuna naha sât na piua kunhku baman kabia. Nahara yang sika, witin nani kutbanka painkira kum kamna ani tasbaya ra wabia sut ra.’

Isikiel 12:15

Bara pat yakabi lakan kabia piua ra, kuntri wala bara nisan wala mita ai dahra walbia, yang sika Dawan sna ba.

Isikiel 20:23

Upla iwras tasbaya ra yang swer takri, witin nani ba nisan nani tilara tasbaya aiska ra yakabi lakaia.

Isikiel 22:15

nisan nani tilara mai yakabamna, tasba wala nani ra ilihbi mai swimna, bahara tâskikam ba aiska klin mai daukamni.

Isikiel 32:26

“Bahara sa Mésec bara Tubal, ai suldiarka sut aikuki ai raitika ba kutbi kir brisa. Witin nani sut gâdkas war ra pruan nani ba tâ ikan tara daukan raya nani ba wal.

Daniel 9:7

Man lika Dawan kasakkira sma, sakuna yang nani Ju nani ba naiwa wan swira tara sa, baha nani Jerusalem ra iwi ba Israel luhpia nani sut sin, baha nani wan lamara ba bara laihura ba sin, witin nani man bîlam kulkras kan ba tâwan plis plis ra yakabram sa.

Oseas 9:17

Naha uplika nani na, Gâdki aisi ba walan daukras sa; baha mita Dawanki mita witin nani ba lulki swiaisa, bara ai tasbaya âpu nisan nani tilara ban watauki kabia.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Kli Smalkanka 28:36

“Dawan mita man bara kingkam ba sin nisan wala ra yaka brih wabia, man nani bara man nani damikam nani sin kaikras kan ba, bahara gâd wala nani walpa dus ni daukan ba warkka dauki kabia.

Kli Smalkanka 29:28

Bara ai kupia baiwanka ni ai kuntrika wina saki lulkan, ai lawanka tara ni sin kuntri wala ra lulkan, naiwa yua ra taki ba baku.’

Kli Smalkanka 30:3

Baku bamna, Dawan mita man nani ra umpira mai kaiki alba ra kapram ba wina kli mai bri balbia. Dawan mita upla nani tilara lulki mai swin kan ba,

Kli Smalkanka 32:26

“Yang luki kaikri kan laihura yakabi swiaia, bara naha tasba lukanka wina sin diki sakaia.