Kli Smalkanka 4:24 - DAWAN BÎLA AISKA

²⁴ kan Dawan Gâd lika lalawra Gâdka sa, pauta ami âpu taki ba baku.

Kli Smalkanka 4:24 ပူးပေါင်းရင်းမြစ်များ

2 King Nani 24:20

Bamna Dawan lawanka ba Jerusalem wihki Juda wal purara balan, ani yua ra ai mawan wina kangbi sakan ba kat.

Lawana Nani 21:9

man bui witin nani ba pauta klauhi kubuska ra lulkma, witin nani ai lâka daukaia param takma ba ra. Dawan ai lawanka tara ni, pauta klauhi bara witin nani ba angki tikbia.

Lawana Nani 78:58

Idan altarka paskan ba mita, Dawan kupia sauhkan, aidul nani ra mayuni ba tâwan ai kupia baikan.

Impakan Sturka 15:7

Man karnikam tara pali ba wal waihlam nani mampara buan ba, minam ra taibram; kupiam baiwanka ba pauta klauhan baku sa, bara witin nani ba twi lâwan baku angkram.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 24:17

Bara il banhta pali ba kat Dawan prana ba, Israel luhpia nani nakra ra latan takan, pauta lakni diara sauhki tatikra buki klauhi ba baku.

Impakan Sturka 33:3

Baha tasbaya ra tialka laya nasma wal lî laiwi ba ra man nani was. Ban sakuna, yang lika man nani tilamra wamna apia, kan man nani ba warkki daukaia ra kiamam karna ba mita, ban kra yabal ra âpu pali mai daukamna.

Impakan Sturka 34:14

“Lilka bahki daukan kumi ra sin man nani puram suni mayunpara. Dawan ba ai nina tâwan lalawra pali sa, Gâd ai nina tâwan lalawra sa.

Aiseya 10:17

Gâd Holikira, Israel ingnika ba, pauta klauhan takbia, bara yu kumi bilara kuntrika ra rahra nani ba sut angki âpu daukbia.

Aiseya 30:27

Man nani kaiks, Dawan ba laih wina param taki aula ba; ai kupia baiwanka ba, pauta klauhan lakni kiasmika siksika baku sa, ai un nani ba, ai kupia baiwanka pali man aisisa, bara ai twisa ba pauta klauhan baku sa, âpu wan tikaia,

Aiseya 30:33

Kan piua wihka wina pat pliskam ridi daukan sa, Asiria kingka ba ai uplika nani dukiara sin, pliska ba tara pakni pali sa, upla angki ikaika pauta manis kir mukan klauhisa. Dawan wingka puhbra ba mita, pauta buki klauhbia sulpa lî aubi baku.

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 42:8

Yang sika Dawan, baha ba yang nini sa, bara yang praina ba upla wala ra yabamna apia. Bara aidul nani ra sin sip mayunras yang sirki ra.

Emus 5:6

Dawan ra pliks, bara man nani raya kama; natka wala ra kaka, witin mita pauta klauhan blîkbia Israel luhpia nani purara, bara Betel ra upla âpu kabia naha daskaia.

Nahum 1:2

Dawan ba tâwan lalawra Gâdka sa, bara sin pana mamunra sa; ai lâka mapara nani ra, witin pana saura munisa. Bamna ai waihla nani mapara ai kupia sauhkisa.

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!

Kulki Kaikanka 25:11

—Finees daukan ba mita, Israel luhpia nani mapara lawanki ba wiria takaskamna. Yang baha nani tâwan lawisna ba baku, witin sin tâwan lawi kan. Baha mita lawanki aiska ba witin nani mapara brih waras takaskri.

1 Korint 10:22

¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?

Kli Smalkanka 29:20

Dawan baha pâtka ban swi tikaia wilin apia kabia, sakuna witin ai lawanka tara, ai kupia baiwanka baha uplika purara lahtuban kabia, bara witin purara saurka aiska naha wauhkataya ra ulban ba kauhbia. Bara Dawan mita tasba mawan wina, witin kiamka ba diki sâkbia.

Kli Smalkanka 32:16

Aidul nani sîa briaia kata ba ra mayuni Gâd lawanka ra kupia baiwanka nani ra tuskan;

Kli Smalkanka 5:9

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni. Baha nani misbara ai kaiki banhwi nani ba luhpia nani ra, mulika nani, snawika nani kat sin klala yabisna bamna,

Kli Smalkanka 6:15

Dawan Gâdkam man nani aikuki ba, Gâd kum lalawra sa, man nani mampara ai kupia sauhki, sip sa aiska mai sauhki tikaia.

Kli Smalkanka 9:3

“Nanara kaikaia sma, Dawan Gâdkam man nani mamwanra wapisa pauta ami sasauhkra kum baku, man nani mamwanra baha nisanka nani ra sauhkbia. Bara man nani mita nakra klipan kumi ra kangbi sâkma, Dawan baku pramis daukan.

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.