Kli Smalkanka 4:22 - DAWAN BÎLA AISKA

²² Baku bamna yang Jordan ra luras, naha kuntrika ra pruamna. Man nani lika luma, tasbaya painkira ba ra pliskam brima.

Kli Smalkanka 4:22 ပူးပေါင်းရင်းမြစ်များ

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Kulki Kaikanka 27:13

Man baha kaikma ba ningkara, pruma bara almukkam nani wal asla takma, man muihkam Eran pruan ba baku,

Kulki Kaikanka 27:14

kan man nani wâlsut bîli lulkram, Sin upla iwras tasbaya ra upla nani maipara aisin ba piua ra, bara witin nani lî makaban ba piua ra man nani bui yang ra bawi ai mayunras kapram. (Naha na Meribá laya kârma dukiara aisisa, baha lika Cadés ra ba, Sin upla iwras tasbaya ra.)

Kulki Kaikanka 31:2

“Israel uplika nina ra Madián uplika nani ra pana munan lâka ba dauks, bara baha ningkara man pruma.”

Kli Smalkanka 1:37

“Kan man nani pâtkam tâwan, Dawan ba yang ra ai kupia sauhki, ai win: ‘Man sin baha tasbaya ra dimma apia.

Kli Smalkanka 3:25

Mamkabisni adar aikma, Jordan awalka baila wala ra luaia, kan kaikan ai daukisa baha tasbaya painkira ba, baha il tasbaya pranakira ba, bara Líbano sin.’

Kli Smalkanka 3:27

Pisgá ilka pura ba ra uls, bara baha wina kaiks lalma ra, muna ra, yahbra ra waupasa ra, sakuna Jordan baila wala ra lika luma apia.

Kli Smalkanka 31:14

Baha ningkara Dawan bui Moses ra win: “Kaiks, man prurikam ba pat baila sa; bara man Jasua ra wis man wal Dawan tintka watla ra balbia, bara yang bui witin purara warkka kahbaisna.” Bamna Moses lika Jasua wal Dawan wal aisaia watla ra wan.