Kli Smalkanka 4:12 - DAWAN BÎLA AISKA

¹² Baku kan ba ra, Dawan baha pauta lilapas wina aisin. Man nani lika witin aisi ba walram, kuna aisin walram ba tilara lilka kum kaikras kapram.

Kli Smalkanka 4:12 ပူးပေါင်းရင်းမြစ်များ

Impakan Sturka 19:9

bara Dawan bui witin ra win: —Kaiks, yang lika man ra kasbrika siksa kum ra balamni ba ra, man wal aisi kamna, upla nani ba wali kabia, bara baku witin nani piu sut man ra tniwi ban kabia. Upla nani aisinka ba Moses kli Dawan ra win,

Impakan Sturka 20:22

Dawan bui Moses ra win: “Israel luhpia nani ra naha bîla na wis: ‘Nanara man nani kaikram yang pura wina bal nâra man nani wal aisari.

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Aiseya 40:18

¿Bamna Gâd lilka ba, man nani bui ya lilka talia daukma? ¿Apia kaka, man nani dîa lilka witin ai talia ba lilka ba wal prakma?

Aiseya 40:3

Bîla baikra kum winisa: “Man nani bui Dawan yabalka ba ridi dauks upla iwras tasbaya ra, Gâd yabalka tara ba wapni dauks, wapanka kum wapni biarapara pliska kum ra.

Aiseya 40:6

Bîla baikra kum aisisa: “Wins”, bara yang pana makabi walri: “¿Dîa dukiara yang bîli baikra tara winamna?” “Upla bani ba twi baku sa, ¡bara ai prana sut ba sin twi ra tangni prana ba baku sa!

Kulki Kaikanka 12:8

Witin kat kaiki wal aisisna param pali, diara lilka bâk lika apia. Bamna witin Dawan tânka pali kaikisa kaka, ¿dîa muni man nani sibrin âpu pali yang naipakan Moses mapara saura aisi banhram ba?”

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Matiu 3:3

Naha sim Jan tânka sika prapit Aiseya naku ulban kan ba: “Upla iwras tasbaya ra upla kum bîla baikra wini ba naku walisa: ‘Dawan yabalka ba ridi dauki banhs; yabalka kum wapni dauks.’ ”

Kli Smalkanka 10:4

Bara Dawan ba walpa tanhta ra Lâ nani Matawalsip ba ulban, tâura ulban kata ba baku, il ra pauta klauhan lilapas wina man nani ra mai wisata ba baku yawan sut asla kan piua ra yang ra aikan.

Kli Smalkanka 4:11

Man nani il munhta lamara waram, pauta kiasma taki purara uli, mukus siksa taki aipaswi kan.

Kli Smalkanka 4:13

Dawan wal aisi daukan lâka ba mamrikan, baha sika lâ nani matawalsip ulban kata ba walpa ulbanka wâl ra, bara aisi wiaia dîa win ba daukaia.

Kli Smalkanka 4:15

“Horeb ilka ra Dawan pauta klauhan lilapas wina man nani wal aisin piua ra, lilka kumi sin man nani kaikras kapram. Bamna aman kaiks,

Kli Smalkanka 4:33

¿Plis bâra sa ki man nani baku pauta ami kan tila wina Gâd aisin bîla baikra pat walan ba, bara uplika nani pruras kan ba?

Kli Smalkanka 4:36

Witin kasbrika pura wina aisin, kli wapni daukaia dukiara. Witin pauta klauhan tara marikan tasba ra, baha pata klauhan lilapas wina ai bîla baikra saki aisin.

Kli Smalkanka 5:22

“Naha bîla nani sika Dawan ai bîla baikra tara ni aisin pauta klauhan lilapas wina, mukus tila wina, upla sut il playa munhtara banhwi kan piua ra. Ningkara baha wina kau sturi aisaras, bara naha bîla nani walpa tanta wâl ra ulbi aikan.

Kli Smalkanka 5:4

Dawan il ra man nani wal aisin, ai mawan kat pauta klauhan lilapas wina.

Kli Smalkanka 9:10

Dawan wina walpa tanhta wâl aikan witin pali ai mihta ni ulban bîla nani ba il ra witin bui man nani ra aisin ba, il ra pauta klauhan tila wina yawan sut asla aidruban piua ra.

Kolosi 1:15

Wan nakra ni sip kaikras Gâdka ba ai Luhpia bâk yawan ra param takan, kan Kraist lika paskanka nani sut ba tawahkia sa.

Hibru Nani 12:19

trumpit binka ba bara Gâd mita witin nani ra aisi kan bîla baikra ba sin walras katma. Baha bîla baikra wali nani ba makaban, kau witin nani ra aisabia apia.