Kli Smalkanka 34:1 - DAWAN BÎLA AISKA

¹ Moab upla iwras tasbaya wina, Moses Nebo ilka ra ulan, baha lika Pisgá ilka Jeriko mawan kat yaba. Bahara Dawan bui Galaad tasbaya ba ban Dan tasbaya kat marikan,

Kli Smalkanka 34:1 ပူးပေါင်းရင်းမြစ်များ

Blasi Sturka 13:14

Lot taki wan ba ningkara, Dawan Ebram ra win: “Nanara man bâra sma ba tasbaya wina namkra buki pain laki kaiks, yahbra tani ra bara waupasa tani ra, lalma tani ra bara muna tani ra sin.

Blasi Sturka 14:14

Ebram walan ai luhpia diwra ba priski brih wan ba; bara witin ai dukia dadaukra nani, ai watla bilara aisubi taki pâwan nani sut ba paiwan balan baha lika waitna 318, baha nani mihta ra aiklabaia dukia nani ba mangki si, bara mahka kingka nani ba nina blikan Dan tawanka kat.

Kulki Kaikanka 21:20

Bamot wina Moab tasbaya ra il bîla langnika ba kat, baha wina Pisgá ilka bahna ba kat, baha wina sika upla iwras tasbaya ba kaikisa.

Kulki Kaikanka 23:14

Bara Balac bui Balaam ba Sofim twiya ra brih wan, Pisgá ilka bahna ra; bahara altar 7 paskan bara bîp wainhka 7, sîp sin 7 angkan.

Kulki Kaikanka 27:12

Dawan bui Moses ra win: —Abarim ilka ra uli bal, bara kaiks Israel luhpia nani ra yabri tasbaya ba.

Kulki Kaikanka 33:47

Almón-diblataim wina taki wih Abarim ilka ra ai watla mâkan, Nebo lalmika tani ra.

Kli Smalkanka 3:27

Pisgá ilka pura ba ra uls, bara baha wina kaiks lalma ra, muna ra, yahbra ra waupasa ra, sakuna Jordan baila wala ra lika luma apia.

Kli Smalkanka 32:49

“Abarim tasbaya ra wih Nebo ilka ra uli was, Moab uplika nani tasbaya Jeriko mawan kat yaba, bara baha wina Kenan tasbaya ba kaiks, yang bui Israel luhpia nani ra yabaisna ba.

Kli Smalkanka 32:52

Baha mita tasba Israel luhpia nani ra yabaisna ba laih wina kaikma, sakuna bahara lika dimma apia.”

Kli Smalkanka 34:4

Bara Dawan bui witin ra win: “Naha kuntrika sika yang bui Ebraham ra, Aisak ra bara Jekob kiamka nani ra sin yabaia swer takri ba. Man lika dimma apia, sakuna laih wina kaikma.”

Jasua 19:47

Naha tasbaya nani sip alkras kan bamna, Dan kiamka nani ba Lésem tawanka ra wan aiklabi pura luaia, bara dakbi brih ki upla nani bâra kan ba sut ikan. Bara witin nani baha tawanka ra iwan, bara tawanka nina ba Dan mâkan, ai damika ra kulkanka yaia dukiara.

Jasua 22:9

Baku sika Ruben bara Gad kiamka nani bara Manasés kiamka bakriki ba wal Israel luhpia nani wina dakwi takan ba Siló ra, Kenan tasbaya ra, kli tawi wih Galaad ra iwaia dukiara, bahara sika ai tasbaya nani bri kan, Dawan bui Moses bâk wisata ba baku.

Param Marikanka 21:10

Spirit ba yang purira karnika brin, bara insal ba mita il tara kum purara ai brih wan. Witin Jerusalem, tawan holikira ba, ai marikan; baha ba lika kasbrika pura ba wina bal iwuya kan, Gâd mawan wina.

Wihta Nani 18:29

Blasi tawanka nina ba Lais mâki kan, sakuna nanara witin nani mita nina ba Dan mâkan, ai damika tara Jekob luhpia waitna Dan nina ra luki.