Kli Smalkanka 33:9 - DAWAN BÎLA AISKA

⁹ ai aisika bara ai yapti nani ra win: ‘Yang bui man nani mai kaikras pali’, bara ai muihni nani ra sin win: ‘Man nani ba yang mai kaikras’, bara ai luhpia nani ra win: ‘Man nani ya sma sapa yang nu âpu.’ Witin nani bîlam walisa, aiska pali man lâmka ra iwisa.

Kli Smalkanka 33:9 ပူးပေါင်းရင်းမြစ်များ

Blasi Sturka 29:32

Lea kwihra tiwan bara ai luhpia waitna kum baikan, bara ai nina ba Ruben mâkan, kan witin naku win: “Yang sari bri kapri ba Dawan ai kaikan; bamna nanara mayi latwan ai kaikbia.”

1 Kronikas 17:17

¡Bara naha na sin man mampara diara bahki baku sa, Dawan wan Gâd, bamna man nampakan watla ba wina aisaram, diara naika takaia kan ba bara man bui sin ai kaikram, yang na kau upla yamni baku!

Job 37:24

Baha mita upla nani mita witin ra sibrin brisa, sinskira nani ba witin ai mapa ra diara apia sa.

Lawana Nani 119:57

Man Dawan, man baman mai brisni; yang pramis munri, man bîlam nani ban bri dauki kaia.

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Libait Lâka 10:6

Baha ningkara Moses bal Eran ra, ai luhpia nani Eleazar bara Itamar ra sin win: —Man nani kumi sin, tâmwa slingwan kabia apia, prâmka sin kalkma apia sari mai dauki baku; man nani baku daukma kaka pruma, bara Gâd kupia baiwanka upla nani purara balbia. Sakuna sari pali takan kabia ba lika, kiamkam nani ba, Israel luhpia nani sut, baha pauta klauhan Gâd blikan, witin nani angkan ba dukia.

Libait Lâka 21:11

upla kum pruan ba watla ra dimaia apia sa, aisika, yaptika kra kabia, bâra dimi tâski takbia apia.

Matiu 10:37

“Ya ya ai aisika ra, apia kaka ai yaptika ra yang purkira latwan kaikisa kaka, yang upliki kaia sip apia sa; baku sin, ya ai luhpia waitna, apia kaka ai luhpia mairin ra yang purkira latwan kaikisa kaka, yang upliki kaia sip apia sa.

Matiu 12:48

Sakuna bal win uplika ra naku wisata: —¿Ya ba yang yaptiki bara ya ba yang muihki nani sa ki?

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Luk 14:26

“Upla kumi yang ra aula, sakuna witin ai aisika, ai yaptika, ai maya, ai luhpia nani, ai muihni nani, ai lakra nani bara ai rayaka ba sin bahki kulkras kaka, witin sip yang disaipilki kabia apia.

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.

Galesha 1:10

Yang plikras upla mita yamni ai kaikbia, sakuna Gâd mita yamni ai kaikbia. ¡Yang na upla nani mita pain ai kaikbia plikisna kaka, yang kau Kraist albika kamna apia!

1 Tesalonaika 2:4

Sakuna, yang nani lika piua sut dîa Gâd want ba kat aisisna, kan witin mita trai wan munan, bara sturi yamni ba smalki kamna wisi aikan. Yang nani mita upla nani dîa brin dauki ba kat daukras, kuna Gâd brinka ba kat mika, witinka wan kupia nani tânka pliki kaiki ba.

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.