Kli Smalkanka 33:8 - DAWAN BÎLA AISKA

⁸ Libai dukiara aisin: “Tumim bara Urim ba, Dawan, man dukiam sa; upla kasakkira nani ba man dukiam sa. Masá ra man tânkam marikatma ba, Meribá laya ra aikuki blahwi yabatma ba,

Kli Smalkanka 33:8 ပူးပေါင်းရင်းမြစ်များ

2 Kronikas 23:6

Sakuna upla kumi sin tempel ra dimaia apia, prîs nani baman sip sa, bara Libait ai warkka ra nani ba sin sip sa, kan witin nani ba pat holi lâka ra ba mita. Sakuna tawan aiska ba aihwaki kabia, Dawan ra kulkanka yaia dukiara.

Esdras 2:63

Baha purkara, wihta tara ba bui adar lakan plun nani pat sunu daukan ba pibia apia, ani yua prîs kum mita witin nani ba tânka pliki kaikbia ba kat, Urim bara Tumim ba bâk.

Esdras 8:28

Bara yang bui witin nani ra wîri: “Man nani sut pat Dawan lâka kat sunu takram sa, gul nani bara silbar nani ba sin sut sunu daukan sa, Dawan wan aisika nani Gâdka ba dukia.

Nihimaya 7:65

Baha purkara, Ju wihta tara ba witin nani ra win plun nani pat tâski daukan ba wina pibia apia, ani yua prîs ba bal Urim bara Tumim wal luki kaikbia ba kat.

Lawana Nani 106:16

Kiamp ra witin nani bui Moses ra misbara kaikan bara Eran ra sin, Dawan yamni munan waitnika ba.

Lawana Nani 16:10

Man bui yang ba pruan tasbaya ra ai swima apia; man uplikam kasak aihwa ba, tasba untika kum ra lulki swima apia.

Lawana Nani 81:7

Trabilkam ba wina ai winram, bara swaki mai sakri; kasbrika ringbi ba tila wina unam kahbatni; Meribá awalka lamara traikam kaikatni.

Impakan Sturka 17:7

Bara witin baha pliska nina ba, Meribá mâkata, kan Israel luhpia nani rangbi aisin bamna, Masá mâkan, kan witin nani sin Gâd traika kaikan bamna; kan witin nani win: “¿Dawan ba yawan wal sa ki, apia kaka yawan wal apia sa ki?”

Impakan Sturka 28:30

Bara ai lama purara, lâ dauki dukia Urim bara Tumim wi ba, baha sin bri kabia; baha nani ba Eran ai kupia purara bri kabia, witin Dawan mawanra wih bubia ba ra. Bara sin Eran piua bani ra ai kupia purara, baha Dawan lâ daukaika dukia nani ba ban bri kabia.

Impakan Sturka 28:36

“Gul ba pruki tanta dauki bara sîl ra ulbi ba baku naha bîla na bahara uls: ‘Dawan ra yaban’.

Libait Lâka 21:7

“Ur mairin kum wal sin marit takbia apia, baku sin waitna mita alki saura munan mairka bara ai maya wal swin mairka ba wal sin apia, kan bahmuna mairka nani ba Dawan lâka ra holi daukan sa.

Libait Lâka 8:8

Bara baha purara gul ni lama prakaika daukan ba sin, lama prakan, bara lama prakaika ba purara Urim bara Tumim ba sin mangkan.

Malaquía 2:6

Libai smalkanka tâski âpu kasakka tânka kat smalki kan. Yang wal wapni, kupia kumi lâka, upla ailal saura wina yamni ra lakan.

Kulki Kaikanka 16:5

bara Coré nina blablikra nani ra sin win: —Yauhka titan ra Dawan mita mamrikbia yamna witin ai uplika sa bara yamna sin sunukira sakan ba, witin nani ai lukanka yamni diara bri sal yabaia. Yamna witin mita bâk sakan ba kaikma, baha nani baman ai mawanra balbia altar ra.

Kulki Kaikanka 20:13

Naha sika Meribá laya kârma, bahara sin Israel luhpia nani bui Dawan mapara aisin, bara witinka mita witin holi ba tânka marikan.

Kulki Kaikanka 20:24

“Eran ba prubia, Israel luhpia nani ra tasba yaia wîri ba ra dimbia apia, kan Meribá laya kârma lamara man nani bîli lulkram.

Kulki Kaikanka 27:21

Sakuna Jasua ba prîs Eleazar mawanra buaia sa, bara prîs Eleazar ai nina ra luki Urim bâk yang ra ai aisabia. Jasua mita Israel luhpia nani ra lâ nani mangki yabi kabia, dîa dîa sut daukaia ba.

Kulki Kaikanka 35:8

Israel luhpia nani ai tasbaya pali bribia ba wina Libait nani ra tasbaya yabia ba ra, baha nani kiamka kumi bani ra nahki briaia ba tânka kat yabia. Tasba pîs kau tara ba wina, kau tara yan kabia; tasba kau sirpi ba wina kau sirpi yabia.”

Kli Smalkanka 6:16

“Dawan Gâdkam traika kaikpara, Masá ra daukram ba baku.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Kli Smalkanka 9:22

“Taberá ra, Masá ra bara Quibrot-hataavá ra sin man nani bui Dawan traika kaiki kupia sauhki banhram.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba:

1 Samuil 28:6

Bara witin Dawan wal aisaia plikan, sakuna Dawan pana witin ra aisaras kan yaprisauhkan ra, Urim bâk, prapit nani wal sin apia.