Kli Smalkanka 33:3 - DAWAN BÎLA AISKA

³ Dawan lika ai uplika nani ra latwan kaikisa, sunu takan nani ba main kaikisa; witin nani sin ai mina ra bawisa bara ai adarka nani sin brisa.

Kli Smalkanka 33:3 ပူးပေါင်းရင်းမြစ်များ

Lawana Nani 31:15

Rayaki ba man mihtam nani ra sa; ¡waihli nani rau ai sauhkaia nini bliki ba wina dakbi ai sâks!

Lawana Nani 47:4

Yawan wan prapatika ra witin mita bâk saki wankan, Jekob ba tara daukan, witin mita latwan kaikan bamna.

Lawana Nani 50:5

“Baha nani, yang ra kasak ba asla dauks, baha nani yang wal lâ kum daukan ba, yang ra sakripais dauki aiki ba wal sin.”

Sins Lâka 2:1

Yang luhpi waitna, yang bîli ba man dukiam dauks, man lukankam ra mangki bris, yang bîli lâka aisi daukri ba.

Smasmalkra 9:1

Naha nani sut ra, yang piui aiska yabri baku tânka nani briaia dukiara; kan upla yamni bara sinskira nani warkka sut ba, Dawan mihta ra sa. Upla ba diara kumi sin tânka briras, latwan lâka bara misbara lâka dukiara sin, kau ban kaikisa sakuna.

Jirimaya 2:2

“Jerusalem tawanka tara ra was bara aisas; wini karna aisas witin nani pain walbia: ‘¡Dawan naku aisisa! Kupi krawisa man tiara katma piua ba, mayi mai briri bara man wapni kapram, latwan ai kaiki katma bara upla iwras tasbaya bâk nini blikram, baha tasbaya ra diara pâwaia mangkras kan ba.’

Jirimaya 31:3

yang param takri witin ra laih wina. Yang latwan pali mai kaikri ban kaia ra latwanka; baha mita ninam blikisna yamni man dauki kaia.

Jirimaya 32:40

Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Oseas 11:1

“Israel luhpia nani ba kau tuktan kan ba ra, yang bui witin ra latwan kaiki katna; witin, yang luhpi waitna sa, Idsip ra kan yang winri.

Malaquía 1:2

Dawan wisa: “Yang bui man nani ra latwan mai kaikisna.” Sakuna man nani lika pana aisisma: “¿Yang nani nahki kaikamna man latwan ai kaikisma ba?” Bara Dawan pana aisisa: “Latwan mai kaikisna ba tânka sika, Jekob Isau wal ai muihni sakuna Jekob ra baman latwan kaikri ba,

Matiu 23:2

“Lâ Smasmalkra nani bara parisi nani sin Moses lâka tânka pliki marikaia karnika brisa.

Luk 10:39

Marta lika ai muihni kum bri kata nina Meri, bara witinka ba lika Jisas mina ra iwan, dîa aisi ba walaia dukiara.

Luk 2:46

Yu yumhpa ningkara, witin nani bui Jisas ba sakan tempel ra, Lâ Smasmalkra nani tilara iwi, bara witin nani dîa dîa smalki kan ba wali, pana sin diara makabi wali kan.

Luk 8:35

Bara upla nani ba aidrubi balan, diara takan ba kaikaia. Witin nani ba Jisas bâra kan pliska ra balan ba ra, kaikan baha waitnika wina pirit saura nani taki wan ba; witin Jisas mina ra iwi kan, kwala dimi, ai sinska sin pain; bamna sut ba tâ iwan.

Apastil Nani Sturka 22:3

“Yang lika Ju uplika Tarso tawanka, Cilicia kuntrika ra aisubi takri, sakuna naha tawanka Jerusalem ra pâwri. Gamaliel skulka ra sin dimri, wan damika nani lâka ba sin pain pali ai smalkan. Piua bani ra kupi aiska ni Gâd dukia dauki katna, man nani naiwa daukisma ba baku.

Kli Smalkanka 14:2

Kan man nani ba Dawan Gâdkam mihta ra mangkan uplika nani sma; witin mita naha tasba ra iwi uplika nani sut tila wina aihka mai saki yamni mai kulkan sa, witin ai dukia kaia.

Kli Smalkanka 4:37

Witin bui man nani damikam nani ra latwan kaiki witin nani kiamka ra bâk sakan bara Idsip wina ai karnika tara ni pri sakan.

Kli Smalkanka 6:1

“Naha sika lâ nani ba, lâ nani bara diara daukaia lâka nani ba, Dawan Gâdkam mita man nani ra mai smalkaia ai win ba, baha kuntrika ba man nani pliskam brima ba ra lâka nani na daukaia.

1 Tesalonaika 1:6

Bamna man nani ba yang nani daukri baku, bara Dawan daukan ba baku sin daukram; bara pât kasak wahwi kapram, ban sakuna sturi yamni ba Spirit Holikira mita lilia maiki kan ba wal bri katma.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

1 Jan 4:19

Yawan bui Gâd ra latwan kaikisa, witin mita pas latwan wan kaikan bamna.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.