Kli Smalkanka 33:28 - DAWAN BÎLA AISKA

²⁸ Israel ba kasak luki tniwi kabia, ai kiamka nani sut kupia kumi ra lâka ra iwi kabia. Ai tasbaya ra plawar nasla nani bara wain nasla nani bâra kabia, kasbrika purara ba wina witin nani ra lî auhi ban kabia.

Kli Smalkanka 33:28 ပူးပေါင်းရင်းမြစ်များ

Kulki Kaikanka 23:9

Naha walpaya tara nani pura wina kaikisna, kiuhsi pura wina sin kaikisna: baha uplika nani ba ai mânka bâra iwisa, uplika nani ba nisan wala nani wal baku apia sa.

Impakan Sturka 33:16

Kan man ba yang nani wal waras sma kaka, ¿nahki yang bara uplikam nani sin tânka bribia, man bui yang nani ra yamni lukisma sapa? Baku natka ra baman yawan wan tânka briaia, nisan wala nani tila wina aihka wan sakram ba.

Blasi Sturka 27:28

Bamna Dawan diwas laya kasbrika pura wina maikbia, tasba wina mâ kau yamni nani ba ailal, plawar, wain mâ ailal,

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Lawana Nani 68:26

Man nani sut, Dawan Gâd ra yamni wis; ¡yamni wis Israel aiska asla takankam ra!

Kli Smalkanka 11:11

kuna kuntri man nani pliskam briaisma ba, il nani kuntrika bara langni ra, kasbrika pura wina laya srikban sa.

Kli Smalkanka 33:13

Josep dukiara aisin: “Dawan bui witin tasbayam ba yamni munbia, kasbrika purara ba wina diwas kau pain ba ni, bâra lî tasba mununhtara bâra ba ni sin,

Kli Smalkanka 32:2

“Yang smalkanki ba lî baku auhbia, yang lukanki asla dauki aisamna ba diwas baku kabia, prata nani ra lî sikwan baku, lî tahwan baku twi purara.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Aiseya 48:1

“Jekob watla uplika, man nani naha na wals, Israel nina ni mâki ninam mâkan ba, bara man nani ba Juda kiamka, Dawan nina ra swer taki nani sma ba; bara puram suni daukisma ba, Israel Gâdka dukiara, sakuna wapni lâka ra apia, kasakka lâka ra sin apia;

Blasi Sturka 27:37

Aisak pana Isau ra win: —Nanara wals, yang pat Isau ba man wihtkam kaia mangkri sa. Ai muihni nani sut ba sin, witin ai warkka dadaukra nani kaia. Aya mâ, wain mâ ailal bri kabia. Luhpi, ¿bamna nanara yang kau dîa man ra maikamna ki?

Blasi Sturka 27:39

Bara Aisak naku aisi witin ra win: “Tasba disang nani wina laihura iwi kama, lî pura wina auhi ba wina sin laihura.

Kli Smalkanka 32:8

Yu kum Laih Purara iwi ba nisan nani tasbaya yabaia kan ba ra, tawan piarkika ba wapni kulki kaikan, kuna Israel luhpia nani dukira luki kan,

Kli Smalkanka 33:12

Benjamín dukiara aisin: “Dawan mita latwan kaiki ba ai kupia kumi sa; Laih Purara iwi ba piu bani ra kan kahbi bri kabia. ¡Ai klahkla munhtara raya kabia!”

Sins Lâka 3:20

ai sinska lâka ni daukan kabu ba baiwi takan kaia, bara kasbrika nani ba wina sin diwas laya tahwi ba.

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Jirimaya 49:31

Yang, Dawan, man nani ra mai wisna: ¡Kainamra waps, baha uplika nani trabil âpu ai âuyapah ba wal aiklas, get nani âpu, prakaika sin âpu, yakan pali iwi ba mapara!

Sakaraya 8:12

Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.

Kli Smalkanka 12:10

Sakuna piua kum man nani Jordan lui, bara baha kuntrika witin maikaia win ba ra iwma, bara waihlam nani mai kutbi ba wina pri kama, bara sibrin sin mai daukbia apia,

1 King Nani 5:5

Baku bamna brinki sa nanara, Dawan Gâdki nina ra tempel kumi mâkaia, Dawan Gâd bui papiki ra aisi win ba baku: ‘‘Man luhpiam ba yang mita yarka man king iwaikam ra iwbia ba, baha bui yang nini ra tempel kumi mâki aikbia.’’

Sakaraya 14:11

Âu, Jerusalem ra kli upla iwi kabia, witin nani ba kli sauhki tikan kabia apia. Witin nani sin baha wina kli taki waia lukbia apia.