Kli Smalkanka 33:27 - DAWAN BÎLA AISKA

²⁷ Gâd ban kaia ba man yukuwaikam sa, ai karnika ban kaia ba man tâm baikbia, ai waihla nani ai mawan wina yan plapan bara man ra karnika maikan sauhki tikaia.

Kli Smalkanka 33:27 ပူးပေါင်းရင်းမြစ်များ

Blasi Sturka 49:24

Sakuna Josep ai klahkla nani karna bri bamna, ai trisbaika nani ba karna alki brisa; tingki Jekob Gâdka karnakira ba ra; tingki baha Sepadka nina ra, Israel kan kahbi ba.

Lawana Nani 102:24

Yang mai wisni: “Yang Dawanki, rayaki bakriki man ai brih wapara.” ¡Mankam nani ba ban sa, lui waras!

Lawana Nani 139:5

Tnaya kir kutbi ai brisma; bara man mihtam ba, yang laila purara mangkisma.

Lawana Nani 18:2

Dawan, man sika kaini kahbisma, yang yukuwaiki pliska, yang swaki ai sasakra; yang Gâdki, walpa tara, yang ra ai yukukisma ba, yang kaini kahbaika, ai swaki saki karnika ba, yukuwaiki kau tara ba.

Lawana Nani 27:5

Yua saura nani balbia ba ra, Dawan ai watla ra ai yukukbia; ai distika ra ai dingkbia, ¡witin walpa tara purara ai swaki ai sâkbia!

Lawana Nani 36:7

¡Dawan, man lamtwanka lâka ba aihka painkira sa! ¡Tnamwa distika munhtara upla nani ai yukuwaika plikisa!

Lawana Nani 46:1

Dawan ba sika wan yukuwaika bara wan karnika sin; wan hilpka sa yawan pât bri ba piua ra.

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Lawana Nani 48:3

Dawan ba Jerusalem king watla nani ra bâra sa; Dawan bui yaban sa kaikaia ai yukuwaika watla ba.

Lawana Nani 55:19

Gâd sika ban kaia ra king aimaki ba, witin ba yang ra walbia ba ra, witin mita mapara batakbia, kan witin nani ai daukanka saura ba swiras sa, baku sin Dawan sibrinka briras bamna.

Lawana Nani 68:34

Gâd karnika ba aitani kulkisna; kingka lâka bri ba Israel purara, ai karnika ba kasbrika sangni nani ba kat bâra sa.

Lawana Nani 71:3

Man ba, yang kaini kahbaika walpaya ba, ¡man lika yang yukuwaiki watla bas, bara swaki sakan lâka ba sin! ¡Man sika, yang wailpaya bara yukuwaiki watla sma ba!

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Lawana Nani 91:9

Dawan ba pat man yukuwaikam watla daukram bamna, Laih Purara iwi ba man kainam kahbaika briram ba mita,

Impakan Sturka 23:28

Yang daukamna sibrin mita kupia sut tiwi kaia ba, man nani kainamra wabia, bamna baku mita heveo nani, hitita nani, Kenan uplika nani sut sin, man nani kainamra plapi kabia.

Impakan Sturka 34:11

“Naiwa lâ nani mai wimna ba alki bris, bara yang lika man nani mamwan wina amorreo nani, Kenan uplika nani, hitita nani, ferezeo nani, heveo nani bara Jebús uplika nani sin sut sakamna.

Sins Lâka 10:25

Prari ba lui auya ba ra watawikira ba lap tiwisa, sakuna kasakkira nani lika, ban kaia ra ban bâra sa.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Yamni Kulki Lawana 2:6

¡Witin ai mihta smihka ba, yang laila mununhtara mangkbia, bara ai klahkla aihkika ba ni kiaubi ai alkbia!

Aiseya 25:4

kan umpira nani watla man aimakram bamna, diara luha, ai sarka bri nani karnika man sma, skwal mapara yukuwaika, lapta mapara distika. Kan upla tataibra nani karnika ba, skwal kumi kauhla piua ra kutbanka kum ra platukbi ba baku sa,

Aiseya 26:4

Man nani lika Dawan ra kasak luki ban bas, kan Dawan ra baman sika wan yukuwaika ban kaia ra bâra sa.

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 50:21

“¡Man nani Merataim uplika nani mapara aiklas bara Pecod uplika nani mapara sin! ¡Nina blîks, iki âpu dauks! ¡Dîa daukaia mai wisna ba kat sut dauks! Yang, Dawan, baku daukaia adar maikisna.”

Oseas 11:3

Witin nani baku dauki kan sakuna, Efraín kiamka nani ba, yang ban tapahki kapri. Bara yang smalkri nahki wapaia ba; sakuna witin nani tânka briras kan yang bui witin nani ra main kaiki kapri ba.

Miqueas 5:1

Dawan bila win: “¡Jerusalem uplika nani, tawankam ba kutbi bris! ¡Mampara aiklabaia pat mai kutban sa! Bara Israel wihtka ra karna pali prukbia.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Abakuk 1:12

Dawan, man ba tâ pali wina Dawanki ban sma. ¿Man ba yang nani Gâdki sunukira ban kaia ra raya sma apia? Yang nani kaini kakahbra Dawanka, man mita Caldea uplika nani ra karnika ba yaram kasakkam lâka tânka ba kat daukaia.

Luk 13:34

“¡Jerusalem, Jerusalem, man mita Gâd prapitka nani ikisma, bara Gâd mita ai bîla twatwilkra nani blikan ba ra walpa ni sabisma! ¡Aima an yang bui man luhpiam nani ba asla brin ai daukan, sim kalila mairin ai luhpia nani ai tnawa mununhtara bri ba baku, sakuna man mita apia wiram!

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

Kli Smalkanka 7:2

Dawan Gâdkam mita naha nisan nani ba mana ni mihtam ra mangkbia bara man nani pura lui sauhki tikma ba ra, witin nani wal lâ daukpara, umpira sin kaikpara.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Jasua 24:18

Wan yabalka ra upla ailal bâra kan ba sut sakan, bara amorreo nani nâra iwi kata ba sin. Baku ba mita, yawan nani Dawan warkka daukpi, kan witin ba wan Gâdka sa.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.

1 Samuil 15:29

Kan Gâd ba sika Israel prana, witin kunin aisaras, kli ai kupia lakras, witin ba upla apia sa kli ai kupia lakaia.