Kli Smalkanka 33:25 - DAWAN BÎLA AISKA

²⁵ bras bara ayan wal kabia durkam ba, karnakira kama rayakam aiska ra.

Kli Smalkanka 33:25 ပူးပေါင်းရင်းမြစ်များ

Blasi Sturka 49:20

“Aser lika, plun ailal pali saki kabia. King nani ra, king pata pali ba yabi kabia.

2 Kronikas 16:9

Kan Dawan kasak pali kaikisa naha tasba ra dîa taki nani ba, bara sin witin ra bîla kaikanka bri nani ra, tâ baikisa ai kupia aiska ni. Naha kat man saura daukram sinskas baku, baha mita naiwa wina ai kainara war kau karna brima.”

Lawana Nani 138:3

Yang bui man ra mai winri bara pana yang ra aisaram, bara man kupi ba karna daukram.

Aiseya 40:29

Swapan bara witin mita karnika yabisa, karnika âpu pali takan ba ra sin witin mita kli karnika ailal yabisa.

Aiseya 40:31

sakuna Dawan bîla kaiki luki nani ba, witin nani karnika raya bribia, witin nani yakal tara nani baku ai tnawa nani buki pâlbia; sip kabia plapaia bara bahkia takbia apia, bara sin wapbia swapras kira.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Luk 15:22

Sakuna aisa ba ai albika nani ra wisata: ‘Aihni muns bara prâk kau pain pali ba saki bri sal dingks; mihtadingka sin kum ai mihta ra dingks, sûs sin ai mina nani ra.

1 Korint 10:13

Man nani traika kaikanka nani brisma ba lika, upla wala nani bri ba wal sim baku sa. Kan Gâd lika kasak sa, bara man nani wahwaia sip sma ba purkara kau traika kaikanka nani maikbia apia. Sakuna, traika kaikanka bri banhma ba ra, Gâd mita baha ba wina swak takaia karnika sin maikbia, bara baku sip kama baha ba twilkaia.

Epesus 6:10

Bara nanara, muihki nani, karna bas Dawan asla lâka ra, witinka karnika tara pali bri ba wal.

Epesus 6:15

Man nani piu bani ridi bas kupia kumi sturka ba smalkaia waia.

Kli Smalkanka 32:47

Kan naha lâka na man nani ban isti prak alkaia apia sa, naha lâka na man nani rayakam sa, baha mita baha tasbaya Jordan baila wala ra ba piua wihka iwma, baha tasbaya sika man nani briaisma ba.”

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

Kli Smalkanka 8:9

Baha kuntrika ra man nani plun dukiara trabil taki lukaia apia kama, diara wala dukiara sin apia. Baha walpaya nani ra ayan sâkma, ilka nani ra bras sâkma.

Pilipai 4:13

Diara sut mapara karnika brisni, Kraist mita karnika aiki ba mita.

Kolosi 1:11

Yang nani Gâd ra makabisna, witin ai karnika pranakira ba ni man nani sut karnakira mai sâkbia, baku mika diara sut ra liliakira bapi bûi, wihka sin bîla kaiki kama.

Jasua 14:11

sakuna kau karnika manis brisna baha yua Moses ai blikata ba baku tasba ba tânka pliki kaikaia, bara sip sni ban kau watauki bara aiklabaia.